Special Intensive Revision
Special Intensive Revision
Special Intensive Revision Information
Map elector with previous SIR
Voters Mapping
Addition of Voters
मुख्य निवडणूक अधिकारी, महाराष्ट्र राज्य यांचे कार्यालय
क्रमांक :-
ईएलआर-२०२६/प्र.क्र.७०/२६/३३
सामान्य प्रशासन विभाग,
मादाम कामा रोड, हुतात्मा राजगुरु चौक,
मंत्रालय, मुंबई ४०० ०३२.
दिनांक : १७ जून, २०२६
अपर मुख्य सचिव/प्रधान सचिव/सचिव, सर्व प्रशासकीय विभाग,
मंत्रालय, मुंबई ४०० ०३२.
विषय : मतदार याद्याचा विशेष सखोल पुनरिक्षण कार्यक्रम-२०२६ अधिका-यांच्या बदल्याबाबत.
संदर्भ:- १) भारत निवडणूक आयोगाचे पत्र क्र. २३/२०२५-ERS (Vol-३), दिनांक १४ मे, २०२६
२) या कार्यालयाचे समक्रमांकाचे दिनांक १५ मे, २०२६ रोजीचे पत्र.
महोदय,
प्रति,
भारत निवडणूक आयोगाने दिनांक १४ मे, २०२६ रोजीच्या पत्रान्वये मतदार याद्याचा विशेष सखोल पुनरिक्षणाचा कार्यक्रम महाराष्ट्र राज्यासह १६ राज्य व ३ केंद्रशासित प्रदेशांमध्ये घोषित केला आहे. सदर कार्यक्रमाची अंमलबजावणी राज्यात सुरु झाली आहे.
२. भारत निवडणूक आयोगाच्या दिनांक १४ मे, २०२६ च्या पत्रातील परिच्छेद ४ कडे आपले लक्ष वेधण्यात येत आहे. सदर परिच्छेद-४ मध्ये जिल्हा निवडणूक अधिकारी / मतदार नोंदणी अधिकारी (ERO)/सहायक मतदार नोंदणी अधिकारी (AERO) म्हणून अधिसूचित केलेले कोणतेही पद रिक्त राहणार नाही आणि विशेष सखोल पुनरिक्षण कामाशी संबंधित कोणत्याही अधिकाऱ्याची भारत निवडणूक आयोगाच्या पुर्व परवानगीशिवाय बदली केली जाणार नाही याबाबतची खातरजमा मुख्य सचिव यांनी करावी असे निर्देश दिले आहेत. या अनुषंगाने या कार्यालयाच्या दि. १५ मे, २०२६ च्या पत्रान्वये सर्व प्रशासकीय विभागाना कळविण्यात आले आहे.
3. विशेष सखोल पुनरिक्षण कार्यक्रमाला महाराष्ट्रामध्ये दिनांक २०/०६/२०२६पासून प्रत्यक्ष सुरुवात होत आहे. विशेष सखोल पुनरिक्षण कार्यक्रम राबविण्याबाबतची तयारी जिल्हा निवडणूक अधिकारी नियंत्रणाखाली संबधित मतदार नोंदणी अधिकारी (ERO) व सहायक मतदार नोंदणी अधिकारी (AERO) यांच्याकडून करण्यात येत आहे.
४. राज्यामध्ये मुंबई शहर व मुंबई उपनगर वगळता सर्व जिल्ह्यांचे जिल्हाधिकारी हे जिल्हा निवडणूक अधिकारी म्हणून अधिसुचित करण्यात आले आहेत. त्याचप्रमाणे मुंबई शहर व मुंबई उपनगर जिल्ह्याकरिता आयुक्त, बृहन्मुंबई महानगरपालिका यांना जिल्हा निवडणूक अधिकारी म्हणून घोषित करण्यात आले आहे. त्याव्यतिरिक्त बृहन्मुंबई महानगरपालिकेतील अतिरीक्त आयुक्त (शहर) / पश्चिम उपनगरे/पूर्व उपनगरे / प्रकल्प तसेच जिल्हाधिकारी मुंबई शहर व मुंबई उपनगर यांना अतिरीक्त जिल्हा निवडणूक अधिकारी म्हणून घोषित करण्यात आलेले आहे. तसेच राज्यातील सर्व विभागीय आयुक्तांना मतदार यादी निरीक्षक म्हणून घोषित करण्यात आले आहे. ही सर्व पदे भाप्रसे संवर्ग पदे (Cadre Post) असल्याने आयोगाच्या सूचना विचारात घेता विशेष सखोल पुनरिक्षणाचा कार्यक्रम संपेपर्यंत या पदावरील अधिकाऱ्यांच्या बदल्या करण्यात येऊ नयेत, अशी विनंती सामान्य प्रशासन विभागास करण्यात येत आहे. अपवादात्मक परिस्थितीत एखादी बदली करणे अपरिहार्य असल्यास त्यासाठीचे योग्य ते कारण नमूद करुन प्रथमतः त्यास भारत निवडणूक आयोगाची परवानगी घेण्यात यावी.
५. त्याव्यतिरिक्त भारत निवडणूक आयोगाच्या दिनांक १९.०५.२०२६ रोजीच्या पत्रान्वये काही महानगर पालिकांचे आयुक्त किंवा अतिरीक्त आयुक्त यांना त्यांच्या महानगरपालिका क्षेत्रातील विधानसभा मतदारसंघाकरिता विशेष सखोल पुनरिक्षण कालावधीसाठी अतिरीक्त जिल्हा निवडणूक अधिकारी म्हणून घोषित करण्यात आलेले पत्र
आहे. त्याबाबतचे या कार्यालयाचे
दिनांक १९.०५.२०२६
रोजीचे
https://ceoelection.maharashtra.gov.in/ceo/notificationER.aspx
येथे उपलब्ध आहे. सदर अधिकाऱ्यांच्या बदल्या सुध्दा विशेष सखोल पुनरिक्षण कालावधीत करण्यात येणार नाहीत याची दक्षता नगर विकास विभागाने घ्यावी.
६. त्याव्यतिरिक्त उपजिल्हाधिकारी संवर्गातील तसेच अन्य प्रशासकीय विभागातील समकक्ष अधिकाऱ्यांना मतदान नोंदणी अधिकारी (ERO) व तहसिलदार संवर्गातील तसेच अन्य प्रशासकीय विभागातील समकक्ष अधिकाऱ्यांना सहायक मतदार नोंदणी अधिकारी (AERO) म्हणून घोषित करण्यात आले आहे. त्याबाबतच्या अधिसुचना
https://cecelection.maharashtra.gov.in/ceo/notificationER.aspx
येथे उपलब्ध आहेत. सदर कार्यक्रमाची व्याप्ती तसेच भारत निवडणूक आयोगाच्या उपरोक्त सुचना विचारात घेता, विशेष सखोल पुनरिक्षणाशी संबधित पदावर सध्या कार्यरत असलेल्या उपरोक्त अधिका-यांच्या बदल्या हा कार्यक्रम पुर्ण होईपर्यत करण्यात येणार नाहीत तसेच वरीलपैकी पदे रिक्त असल्यास सदर पदे तात्काळ भरण्यात येतील, याची दक्षता सर्व प्रशासकीय विभागांनी घ्यावी.
६. त्याचप्रमाणे राज्यातील वर्ग-३ व त्यावरील कर्मचाऱ्यांना मतदान केंद्रस्तरीय पर्यवेक्षक / अधिकारी (BLO Supervisor/ Officer) म्हणून नियुक्त करण्यात आलेले आहे. त्यांच्याकडे संबंधित मतदान केंद्रातील सर्व मतदारांना गणना प्रपत्र वाटणे तसेच भरलेले प्रपत्र जमा करुन घेणे तसेच ते डिजीटाईज करणे इत्यादी कामे सोपविण्यात आलेली आहेत. ते सध्या मॅपिंग व इतर कामामध्ये व्यस्त आहेत व प्रत्यक्ष सखोल पुनरिक्षणाच्या कामामध्ये त्यांच्यावर अत्यंत महत्वाची जबाबदारी सोपविण्यात आलेली आहे. विशेषतः राज्यातील शिक्षक, तलाठी, ग्रामसेवक इत्यादी कर्मचाऱ्यांना वरीलप्रमाणे नियुक्ती देण्यात आलेली आहे. तसेच त्यांचे लॉगीन क्रेडेन्शियल तयार करण्यात आलेले असुन त्यांचे नाव व दुरध्वनी क्रमांक नमुद होऊन गणना प्रपत्र दिनांक २०.०६.२०२६ रोजी आयोगाकडुन उपलब्ध करुन देण्यात येणार आहे. सबब, BLO/BLO Supervisor म्हणून नियुक्त करण्यात आलेल्या कोणत्याही कर्मचाऱ्याच्या त्याच्या पदावरुन अन्यत्र बदली करण्यात येऊ नये याची दक्षता संबंधित सर्व प्रशासकीय विभागांनी घ्यावी. तसेच अशा प्रकारे बदल्या केल्या असल्यास सदर बदल्यांच्या अंमलबजावणीस विशेष सखोल पुनरिक्षणाचा कार्यक्रम संपेपर्यंत स्थगिती देण्यात यावी. याबाबत सविस्तर सुचना सर्व प्रशासकीय विभागांनी आपल्या अधिनस्त कार्यालयांना देण्यात याव्यात, अशी विनंती आहे.
प्रत:-
आपला (मनोहर पारकर) सह मुख्य निवडणूक अधिकारी,
१) सहसचिव, मा. मुख्य सचिव यांचे कार्यालय
२) आयुक्त, बृहन्मुंबई महानगरपालिका तथा जिल्हा निवडणूक अधिकारी, मुंबई शहर व मुंबई उपनगर
महाराष्ट्र राज्य.
३) सर्व विभागीय आयुक्त
४) सर्व जिल्हाधिकारी व जिल्हा निवडणूक अधिकारी (मुंबई शहर व मुंबई उपनगर वगळता)
५) सर्व अतिरिक्त जिल्हा निवडणूक अधिकारी
_____ ALSO READ _______
विशेष सखोल पुनर्निरीक्षण कार्यक्रम (SIR) २०२४
मा. मुख्य निवडणूक अधिकारी महाराष्ट्र राज्य यांचे कडील पत्र. ईएलआर२०२५/प्र.क्र.१२३/२५/नि.६ सामान्य प्रशासन विभाग, मादाम कामा मार्ग, हुतात्मा राजगुरू चौक, मंत्रालय, मुंबई ४०००३२,
दिनांकः-२४/१२/२०२५
विशेष सखोल पुननिरीक्षण (Special Intensive Revision) नुसार सन २००२ मधील मतदार याद्या सन २०२४ मधील मतदार याद्या यांची तुलना करून सन २०२४ मधील प्रत्येक मतदाराचा संबंध (Mapping) सन २००२ मधील मतदारांशी जोडणे अभिप्रेत आहे. यात खालील ३ प्रकारे मतदारांची जोडणी (Mapping) करण्यात येत आहे.
१. Map elector with previous SIR
वरील विषयात सन २००२ मध्ये झालेल्या SIR (मतदार यादीचे विशेष सखोल पुनर्निरीक्षण) (Special in-depth review of voter list) या यादीतील मतदारांचे सन २०२४ (२९/१०/२०२४) च्या मतदार यादीत आढळून आलेले मतदार यांची सन २००२ च्या मतदारांशी पडताळणी करणे व त्यावर BLO App मध्ये उपलब्ध असलेल्या टॅब मध्ये त्या मतदारांची माहिती साठवण्यात यावी.
अ. २००२ ते २०२४ mapping मतदार (स्वतः मतदार)
४० ते १०० वय वर्ष असलेले मतदार.
ब. २०२४ ते २००२ प्रोजणी mapping मतदार. १८ ते ३९ वय वर्ष असलेले मतदार
(मुलगा, मुलगी, नात, नातु) हे मतदार वरील मतदारांशी (आई-
वडील, आजोबा-आजी) प्रोजणी (Progeny) जोडणे (रक्ताची नाते).
तसेच वरील विषयाच्या अनुशंगाने ज्या मतदारांचे नाव सन २००२ च्या मतदार यादीत आहे व २०२४ च्या मतदार यादीत सुद्धा आहे अशा मतदारांसाठी Mapping करणे बाबत वरील टेंटॅब मध्ये मतदान केंद्रस्तरीय अधिकारी (BLO) यांनी काम करावयाचे आहे.
तसेच अ मुद्यात्तील मतदार हे व मुद्यात्तील घरातील मतदार असल्याने ते वरील १ नंबर टॅब मधील मतदार त्यांनाच Add Progeny म्हणून जोडणी करायची आहे.
SIR 2026 – Search your name in last SIR E-Roll
SIR २०२६ – शेवटच्या SIR ई-रोलमध्ये तुमचे नाव शोधा.
२. Mark elctor(for Self) as Progeny
अ: वरील विषयात सन २०२४ च्या मतदार यादीत असलेले मतदार पण ते २००२ च्या मतदार यादीत नाही. अशा मतदारांचे Self Progeny म्हणून Mapping करणे.
ब :- तसेच गावातील सुना किंवा पत्नी व बाहेर गावाहून स्थलांतरित होऊन आलेले मतदार १८ ते १०० वय वर्षे यांचे आपल्या मतदारसंघात सन २००२ च्या मतदार यादीत नाव नसल्यास अशा मतदारांचे Mapping त्यांचे नाव ज्या
मतदारसंघात सन २००२ च्या मतदार यादीत असेल त्या विधानसभा मतदारसंघाचे नाव…….. यादी भाग क्र…… व अनु क्र…… घेऊन त्यांचे Self Progeny म्हणून Mapping करावे. व तसेच त्यांचे नाव सन २००२ च्या मतदार यादीत नसल्यास त्यांचे आई वडील व आजोबा आजी यांच्या नावाशी Self Progeny म्हणून त्यांची Mapping करण्यात यावी.
३. ज्या मतदारांचे नाव सन २००२ च्या यादीत नाही तसेच त्यांचे आई वडील आजोबा आजी यांचेही नाव सन २००२ च्या मतदार यादीत नसेल परंतु सदर मतदार हा त्याच भागातील आहे अशा मतदारांच्या पडताळणीसाठी मा. भारत निवडणूक आयोगाने निर्धारित केलेले खालील १३ पुरावे आवशयक राहतील.
आवशयक पुरावे खालील प्रमाणे
१. कोणत्याही केंद्र/राज्य सरकार/सार्वजनिक क्षेत्रातील उपक्रमाने नियमित कर्मचारी/पेन्शनधारकाला दिलेला ओळखपत्र/पेन्शन पेमेंट ऑर्डर
२. भारतातील कोणत्याही सरकारी/स्थानिक संस्था/बैंक/पोस्ट ऑफिस/एलआयसी/सार्वजनिक क्षेत्रातील उपक्रमाने 01.07.1997 पूर्वी जारी केलेले कोणतेही ओळखपत्र/प्रमाणपत्र/कागदपत्र.
३. सक्षम अधिकाऱ्याने दिलेला जन्म प्रमाणपत्र
४. पासपोर्ट
५. मान्यताप्राप्त मंडळ/विद्यापीठाने दिलेले मॅट्रिक्यूलेशनचे (बोर्डप्रमाणपत्र) शैक्षणिक प्रमाणपत्र
६. सक्षम राज्य प्राधिकरणाने जारी केलेले कायमस्वरूपी निवास प्रमाणपत्र
७. वन हक्क प्रमाणपत्र
८. सक्षम अधिकाऱ्यांनी दिलेले ओबीसी/एससी/एसटी किंवा इतर जात प्रमाणपत्र.
९. राष्ट्रीय नागरिक नोंदणी (जिथे उपलब्ध असेल)
१०. राज्य/स्थानिक संस्थेने तयार केलेले कुटुंब नोंदणीपत्र
११. सरकारने दिलेले जमीन घर वाटप प्रमाणपत्र
१२. आधारसाठी, आयोगाच्या पत्र क्रमांक 23/2025-ERS/खंड 11 दिनांक 09.09.2025 (परिशिष्ट 11) द्वारे जारी केलेले. सूचना लागू होतील.
१३. 01.07.2025 च्या संदर्भात बिहारच्या विशेष सखोल पुननिरीक्षण (SIR) मतदार यादीचा उतारा.
संदिग्ध/विनाधार/संदर्भ न लागणाऱ्या मतदारांच्या बाबतीत संबंधित मतदार नोंदणी अधिकारी/सहा. मतदार नोंदणी अधिकारी अशा मतदारांची आवश्यक पुराव्यासह समक्ष सुनावणी घेऊन त्यांच्या वैधते बाबत निर्णय घेतील.
विशेष सखोल पुनरिक्षणाच्या यशस्वी अंमलबजावणीसाठी राजकीय पक्षांची सहकार्य असणे महत्वाचे असल्याने, सर्व राजकीय पक्षानी जास्तीत जास्त प्रमाणात मतदान केंद्र स्तरिय प्रतिनिधी (Booth Level Agent) नेमणे आवश्यक आहे. त्याकरिता स्थानिक पातळीवर (जिल्हा स्तरावर) राजकीय पक्षांशी संपर्क करुन BLA नियुक्तीकरिता प्रोत्साहित करावे.
