फेब्रुवारी-मार्च २०२७ च्या परीक्षा आवेदनपत्रांमध्ये दुष्काळग्रस्त भागातील विद्यार्थ्यांच्या परीक्षा शुल्क सवलतीसाठी उपलब्ध केलेल्या नवीन टॅबबाबतच्या मार्गदर्शन सूचना राज्यात सन २०२६ च्या दुष्काळामुळे बाधित तालुक्यातील विद्यार्थ्यांना फेब्रु/मार्च २०२७ च्या परीक्षेकरीता परीक्षा शुल्क माफ करणेबाबत विद्यार्थ्यांची फी माफीची कार्यवाही पुढीलप्रमाणे करण्यात यावी दि.२४ ऑक्टोबर २०२६ चेनवीन परिपत्रक दुष्काळग्रस्त भागातील विद्यार्थ्यांचे परीक्षा शुल्क माफ करणेबाबत शासन निर्णय Examination Fee Waiver For Students महाराष्ट्र आरोग्य विज्ञान विद्यापीठ नाशिक अंतर्गत वैद्यकीय शिक्षण घेणाऱ्या विद्यार्थ्यांची परीक्षा शुल्क माफ

Examination Fee Waiver For Students

Examination Fee Waiver For Students

Examination fee waiver for all students

Examination fee exemption for all students

ssc HSC exam fees refund

Dshavi Baravi Pariksha shulk Partava Pratipurti

Regarding granting exemption from examination fees to all students in talukas affected by heavy rains and floods in the state in the year 2025.

Regarding exam fee waiver/reimbursement of fees for students of 10th and 12th standard in 31 partially affected and 251 fully affected talukas due to heavy rains and floods

क्र.रा.मं./गणकयंत्र/१५७/४६६७

दिनांक : ३०.१०.२०२६

विषय : फेब्रुवारी-मार्च २०२७ च्या परीक्षा आवेदनपत्रांमध्ये दुष्काळग्रस्त भागातील विद्यार्थ्यांच्या परीक्षा शुल्क सवलतीसाठी उपलब्ध केलेल्या नवीन टॅबबाबतच्या मार्गदर्शन सूचना…

महोदय,

उपरोक्त विषयाच्या अनुषंगाने कळविण्यात येते की, आगामी फेब्रुवारी-मार्च २०२७ च्या इ. १० वी व इ. १२ वी परीक्षांचे नियमित विद्यार्थ्यांचे ऑनलाइन परीक्षा आवेदनपत्र भरण्याचे काम सध्या सुरू आहे. शासनाने राज्यातील दुष्काळ जाहीर केलेल्या भागातील विद्यार्थ्यांची परीक्षा शुल्क सवलतीची नोंद करण्यासाठी परीक्षा आवेदनपत्र भरण्याच्या ऑनलाइन प्रणालीवर एक नवीन टॅब उपलब्ध करून देण्यात आलेली आहे.

सदर नवीन टॅबचा वापर शाळा व कनिष्ठ महाविद्यालयांनी कसा करावा, याबाबतची सविस्तर कार्यपद्धती स्पष्ट करणाऱ्या मार्गदर्शन सूचना (User Guidelines) या पत्रासोबत जोडण्यात आलेल्या आहेत.

तरी आपल्या कार्यक्षेत्रातील सर्व मान्यताप्राप्त माध्यमिक शाळांचे मुख्याध्यापक व उच्च माध्यमिक कनिष्ठ महाविद्यालयांचे प्राचार्य यांना सदर मार्गदर्शन सूचना त्यांच्या निदर्शनास आणून दयाव्यात, तसेच दुष्काळग्रस्त भागातील सर्व पात्र विद्यार्थ्यांची परीक्षा शुल्क सवलतीची नोंद विहित मुदतीत पूर्ण करून घेण्याबाबत आपल्या स्तरावरून आवश्यक त्या स्पष्ट सूचना निर्गमित कराव्यात.

सोबत : वरीलप्रमाणे मार्गदर्शन सूचना. (मा. अध्यक्ष यांच्या मान्यतेने)

(डॉ. दिपक माळी) (सचिव) राज्य मंडळ, पुणे

परिपत्रक पीडीएफ लिंक

दुष्काळग्रस्त विद्यार्थ्यांची नोंदणी करण्याची कार्यपध्दती
माध्य/उच्च माध्य परीक्षेसंदर्भात मंडळाच्या आवेदनपत्र भरण्याच्या पोर्टलवर शाळा/क. महाविद्यालयांच्या लॉगीन मध्ये दुष्काळग्रस्त विद्यार्थ्यांची नोंदणी करण्याची सुविधा देण्यात आलेली आहे. ही सुविधा वापरण्यापुर्वी विद्यार्थ्याचे आवेदनपत्र पोर्टलवर भरलेले असणे आवश्यक आहे.

शाळा/क. महाविद्यालयांनी लॉगीन केल्यानंतर खालिल प्रमाणे कार्यवाही करावी. पीडीएफ साठी या ओळीला स्पर्श करा

---

क्र. रा. मं. लेखा / दुष्काळग्रस्त फी माफी- २६-२७/4550

दि.२४/१०/२०२६

प्रति,

विभागीय सचिव, सर्व विभागीय मंडळे.

विषयः- राज्यात सन २०२६ च्या दुष्काळामुळे बाधित तालुक्यातील विद्यार्थ्यांना फेब्रु/मार्च २०२७ च्या परीक्षेकरीता परीक्षा शुल्क माफ करणेबाबत….

संदर्भ :- १

) शासन निर्णय क्रमांक : एफ ई डी १५९२/१२०२/ [११३२] साशि-५ मुंबई ३२, दि. १८ ऑक्टोबर १९९३

२) मदत व पुनर्वसन विभाग यांचा शासन निर्णय क्रमांक: समिती-२०२६/प्र.क्र..८२/मदत-२ दि. २५ सप्टेंबर २०२६

३) शासन पत्र क्रमांक : संकीर्ण-२०२६/प्र. क्र.६१/एसडी-५. दि.०५ ऑक्टोबर २०२६

४) या कार्यालयाचे पत्र क्र. रा. मं. लेखा/दुष्काळग्रस्त फी माफी- २६-२७/४०४४ दि.२९/०९/२०२६

५) मदत व पुनर्वसन विभाग यांचा शासन निर्णय क्रमांकः समिती-२०२६/प्र.क्र.८२/मदत-२ दि.१४/१०/२६

६) शासन पत्र क्रमांक: संकीर्ण-२०२६/प्र. क्र.६१/एसडी-५. दि. २३ ऑक्टोबर २०२६

उपरोक्त विषयास अनुसरून व संदर्भिय शासन निर्णय क्र. ०५ अन्वये राज्यातील ३०५ तालुक्यामध्ये दुष्काळ जाहीर करण्यात आलेला आहे. सदर दुष्काळग्रस्त ३०५ तालुक्यामधील राज्य शासनाकडून विशेष बाब म्हणून उपाययोजना व सवलती लागू करण्याचा निर्णय झालेला आहे. शाळा व कनिष्ठ महाविद्यालयीन विद्यार्थ्यांचे परीक्षा शुल्क माफ करण्याबाबत शासन निर्णय निर्गमित झालेला आहे.

त्यानुषंगाने महाराष्ट्र राज्य माध्यमिक व उच्च माध्यमिक शिक्षण मंडळामार्फत फेब्रु/मार्च २०२७ मध्ये घेण्यात येणाऱ्या इ १० वी व इ १२ वी परीक्षा शुल्क विद्यार्थ्यांकडून न घेता आवेदन पत्रे भरून घेण्यात यावीत. सदर आवेदन पत्रे भरताना विद्यार्थ्यांच्या परीक्षा फी माफी योजने अंतर्गत शासन निर्णय दि.१८.१०.१९९३ मधील निकषांमध्ये केवळ या आर्थिक वर्षात एक विशेष बाब म्हणून शिथिलता देऊन योजनेची व्याप्ती वाढविण्यात येत आहे. त्यानुसार आवेदन पत्र भरत असताना परीक्षा शुल्क माफ करण्यासाठी आपल्या कार्यकक्षेतील दुष्काळग्रस्त तालुक्यातील खालील प्रमाणे विद्यार्थ्यांची फी माफीची कार्यवाही पुढीलप्रमाणे करण्यात यावी.

१. दि. १४ ऑक्टोबर २०२६ च्या शासन निर्णयानुसार जाहीर झालेल्या राज्यामध्ये दुष्काळग्रस्त भागामध्ये आपत्तीची परिस्थिती उद्भवलेल्या दुष्काळग्रस्त एकूण ३०५ तालुक्यातील मंडळाच्या माध्यमिक शाळा / उच्च माध्यमिक शाळा / कनिष्ठ महाविद्यालयांना ‘माध्यमिक व उच्च माध्यमिक प्रमाणपत्र परीक्षा फेब्रुवारी-मार्च २०२७ मधील परीक्षेस प्रविष्ठ होणाऱ्या पात्र विद्यार्थ्यास परीक्षा फी माफीचा लाभ देण्यात येणार आहे.

२. दुष्काळग्रस्त एकूण ३०५ तालुक्याव्यतिरिक्त इतर सर्व तालुक्यातील विद्यार्थ्यांनी विहित पद्धतीनुसार व विहित मुदतीत परीक्षा शुल्क भरणा करणे आवश्यक आहे.
३. सदर योजना शासकीय / खाजगी अनुदानित / विना अनुदानित, स्वयं अर्थसहाय्यीत माध्यमिक शाळा / कनिष्ठ महाविद्यालयातील विद्यार्थ्यांना लागू राहील.

४. जे विदयार्थी त्याच परीक्षेस दुस-यांदा बसले असतील [रिपिटर] अशा विद्यार्थ्यांना सुध्दा लागू राहील.

५. जे विदयार्थी बहिःस्थ (एक्सटर्नल) म्हणून नोंदले असतील अशा विद्यार्थ्यांना सुध्दा लागू राहील.

६. शहरी भागात वास्तव्यास असलेले, परंतु दुष्काळग्रस्त तालुक्यातील शेतजमीन असणाऱ्या पालकांचे विद्यार्थी पाल्य यांना सुध्दा लागू राहील.

७. शिक्षणासाठी अन्य ठिकाणी /शहरात वास्तव्यास असलेले, परंतु मूळ गाव दुष्काळग्रस्त तालुक्यात असलेले विद्यार्थी यांना सुध्दा लागू राहील.

८. दुष्काळग्रस्त / टंचाईग्रस्त भागातील इ.१०वी व १२वी च्या परीक्षेस प्रविष्ठ होणाऱ्या अनुसूचित जाती व जमाती प्रवर्गातील विद्यार्थांची आवेदन पत्रे सुध्दा परीक्षा शुल्क न घेता भरून घेण्यात यावीत त्यांचे परीक्षा शुल्क हे शासनाच्या संबंधीत विभागाकडून एकत्रित प्रस्ताव पाठवून राज्य मंडळा मार्फत घेण्यात येणार आहे.

९. सदर योजनेच्या प्रभावी अंमलबजावणीसाठी मुख्याध्यापक/प्राचार्य, शिक्षणाधिकारी (माध्यमिक), विभागीय शिक्षण उपसंचालक आणि विभागीय सचिव, विभागीय मंडळ यांनी वैयक्तिक लक्ष घालून विहित कालावधीमध्ये आवेदन पत्रे भरून घेण्याबाबत पाठपुरावा करण्याबाबत विभागीय मंडळ स्तरावरुन सूचित करावे

१०. मुख्याध्यापकांनी आवेदनपत्रे भरून घेण्याची कार्यवाही 7 दिवसात करण्याबाबत त्यांना आपल्या स्तरावरून कळविण्यात यावे. दुष्काळग्रस्त भागातील पात्र विद्यार्थ्यांचे माहिती भरण्यासाठी Institute Login मध्ये Application Drought Entry / दुष्काळग्रस्त नोंद या option मध्ये माहिती भरावी.

११ दुष्काळग्रस्त भागातील सवलतीस पात्र विद्यार्थ्यांनी परीक्षा शुल्क भरणा केली असेल अशा विद्यार्थ्यांचा शुल्क परतावा रक्कम विद्यार्थ्यांच्या पालकांच्या आधार संलग्न Bank Account मध्ये वर्ग करण्यात येणार असल्याने, विद्यार्थ्यांच्या आधार क्रमांकाशी संलग्न बँक खात्याची माहिती उपलब्ध न झाल्यास अथवा चुकीची माहीती अथवा चुकीचा आधार क्रमांक दिल्यास सदर लाभापासून विद्यार्थी वंचित राहणार असल्याने परिपूर्ण माहिती निर्धारित कालावधीमध्ये भरण्याची दक्षता घेण्यात यावी, ही जबाबदारी पूर्णतः संबधित मुख्याध्यापक/प्राचार्य यांची राहील.

१२. ज्या विद्यार्थ्यांचे परीक्षा शुल्क शाळा/क. महाविद्यालयांनी जमा करून घेतलेले आहेत, तथापि मंडळाकडे भरणा केलेला नाही, असे जमा केलेले शुल्क त्यांचे स्तरावर विद्यार्थ्यांना तात्काळ परत करावे. ही जबाबदारी पूर्णतः संबधित मुख्याध्यापक/प्राचार्य यांची राहील.

उपरोक्त प्रमाणे निकषांची व अन्य आवश्यक बाबींची संदर्भीय शासन निर्णयानुसार खात्री करून घेण्यात यावी. व त्यानुसार सदरील योजनेची अंमलबजावणीसाठी विहित मुदतीत विद्यार्थ्यांचे आवेदन पत्रे भरून घेण्यात यावीत, सर्व संबंधीताना आपल्या स्तरावरून सूचित करावे. व केलेल्या कार्यवाहीचा सविस्तर अहवाल या कार्यालयास सादर करण्यात यावा.

(मा. अध्यक्ष यांचे मान्यतेने)

(डॉ. दिपक माळी) सचिव, राज्यमंडळ, पुणे-०४

__________ ALSO READ ________

महाराष्ट्र शासन
वैद्यकीय शिक्षण विभाग, नवीन मंत्रालय,
मुंबई

क्र.एमईडी-१०२६/प्र.क्र.३०/२६/शि-२

दि. ०९/१०/२०२६

प्रति,
कुलसचिव,
महाराष्ट्र आरोग्य विज्ञान विद्यापीठ, नाशिक

विषय :- सन २०२६ च्या हंगामातील Trigger-१ (प्रथम कळ) लागू झालेल्या २६५ तालुक्यांमध्ये जाहिर केलेल्या दुष्काळानुसार विद्यार्थ्यांचे परीक्षा शुल्क माफ करण्याबाबत मार्गर्शन मिळणेसंदर्भात

संदर्भ :-

१) मदत व पुनर्वसन विभाग, शासन निर्णय क्र. समिती-२०२६/प्र.क्र.८२/मदत-२,
दि. २५/०९/२०२६

२) आपले पत्र क्र. मआविवि/एक्स. एल/१०५३८/२०२६, दि. २८/०९/२०२६

महोदय,

महाराष्ट्र शासनाच्या मदत व पुनर्वसन विभागाने सन २०२६ च्या हंगामातील Trigger-१ (प्रथम कळ) लागू झालेल्या २६५ तालुक्यांमध्ये दुष्काळ जाहीर केला आहे. त्याअनुषंगाने या तालुक्यातील विद्यार्थ्यांना विविध उपाययोजना व सवलती लागू करण्याच्या अनुषंगाने त्यांचे परीक्षा शुल्क माफ करणेबाबत संदर्भाधीन शासन निर्णयातील मुद्दा क्रं.५ अन्वये जाहिर करण्यात आले आहे. तरी यानुषंगाने मार्गदर्शन देण्याबाबत संदर्भाधीन क्र. ०२ अन्वये विनंती करण्यात आली आहे.

२. तरी, मदत व पुनर्वसन विभागाच्या दि. २५/०९/२०२६ रोजीच्या शासन निर्णयातील मुद्या क्र. ०५ नुसार संबंधित महाविद्यालयीन विद्यार्थ्यांच्या परीक्षा शुल्कात माफी देण्याच्या अनुषंगाने आवश्यक ती कार्यवाही करावी, ही विनंती.

परिपत्रक पीडीएफ लिंक

कक्ष अधिकारी, महाराष्ट्र शासन

प्रत,

१. आयुक्त, वैद्यकीय शिक्षण, संशोधन व आयुष मुंबई.

२. सचिव, शुल्क नियामक प्राधिकरण, मुंबई

३. संचालक, वैद्यकीय शिक्षण व संशोधन, मुंबई

४. निवडनस्ती (शिक्षण-२ कार्यासन)

तातडीचे/महत्वाचे

क्र.रा.मं/लेखा/दुष्काळग्रत फी माफी/२६-२७/४०४४

दिनांकः २९/०९/२०२६

      विषयः दुष्काळग्रस्त भागातील विद्यार्थ्यांचे परीक्षा शुल्क माफ करणेबाबत.

संदर्भः

१. या कार्यालयाचे क्र.रा.मं./परीक्ष-३/३४५४, दिनांकः १३/०८/२०२६ रोजीचे पत्र.

२. या कार्यालयाचे क्र.रा.मं./परीक्ष-३/३५०७, दिनांकः १८/०८/२०२६ रोजीचे पत्र.

३. मदत व पुनर्वसन विभाग, मंत्रालय, यांचा शासन निर्णय क्रमांकः समिती २०२६/प्र.क्र./८२/मदत-२, दिनांक २५ सप्टेंबर, २०२६

४. राज्य मंडळाचे क्र.रा.मं./ लेखा/दुष्काळग्रस्त फी माफी-प्रतिपुर्ती २६-२७/४०३०, दिनांक २८/०९/२०२६ चे पत्र.

महोदय,

उपरोक्त संदर्भीय पत्र क्र. १ व २ अन्वये फेब्रुवारी-मार्च २०२७ मधील महाराष्ट्र राज्य माध्यमिक व उच्च माध्यमिक शिक्षण मंडळामार्फत घेण्यात येणाऱ्या माध्यमिक शालान्त प्रमाणपत्र इ.१० व उच्च माध्यमिक प्रमाणपत्र इ.१२ वी परीक्षेस प्रविष्ट होवू इच्छिणाऱ्या विद्यार्थ्यांची परीक्षांची आवेदनपत्रे ऑनलाईन पध्दतीने भरून घेण्याबाबत सविस्तर सुचना निर्गमित केलेल्या आहेत.

तथापी, शासन निर्णय दिनांक २५ सप्टेंबर, २०२६ अन्वये महाराष्ट्र राज्यातील २६५ तालुक्यांमध्ये दुष्काळजन्य परिस्थिती निर्माण झाल्यामुळे राज्य शासनाने २६५ तालुक्यांमध्ये विशेष बाब म्हणून उपाययोजना व सवलती लागू करण्याचा निर्णय घेतलेला आहे. त्यामध्ये शालेय / महाविद्यालयीन विद्यार्थ्यांच्या परीक्षा शुल्कात माफी देण्याबाबत नमूद केलेले आहे.

हेही वाचा –

सन २०२६ च्या खरीप हंगामातील (प्रथम कळ) लागू झालेल्या २६५ तालुक्यांमध्ये दुष्काळ जाहीर करुन विविध उपाययोजना व सवलती लागू करणेबाबत शासन निर्णय २५ सप्टेंबर https://eshala.in/dushkal-jahir-gr२०२६ वाचा या ओळीला स्पर्श करून

त्यास अनुसरून शासन निर्णयानुसार फेब्रुवारी-मार्च २०२७ मध्ये आयोजित इ.१०वी व इ.१२ वी परीक्षेस प्रविष्ट होणाऱ्या विद्यार्थ्यार्थ्यांकडून पुढील आदेश येईपर्यंत परीक्षा शुल्क न घेता आवेदनपत्रे भरून घेण्याची कार्यवाही करण्यात यावी. याबाबत राज्य मंडळामार्फत पुढील सविस्तर सुचना यथाशिघ्र निर्गमित करण्यात येतील. तरी आपणामार्फत विभागातील दुष्काळग्रस्त तालुक्यातील सर्व शाळा व कनिष्ठ महाविद्यालयांना तशा तात्काळ सूचना देण्यात याव्यात. केलेल्या कार्यवाहीचा अहवाल राज्य मंडळास तातडीने सादर करावा.

(मा. अध्यक्ष, यांचे मान्यतेने)

सचिव, राज्य मंडळ, पुणे

महाराष्ट्र राज्य माध्यमिक व उच्च माध्यमिक शिक्षण मंडळ, पुणे

क्र. रा. मं. लेखा /अवर्षणग्रस्त फी माफी-प्रतिपूर्ती २५-२६/1679

राज्य मंडळ, पुणे ४११००४

दि. 17/04/२०२६

प्रति,
विभागीय सचिव,
महाराष्ट्र राज्य माध्यमिक व उच्च माध्यमिक शिक्षण मंडळ,
सर्व विभागीय मंडळे.

विषयः- अतिवृष्टी व पूर आपत्तीमुळे ३१ अंशतः बाधित व २५१ पूर्णतः बाधित तालुक्यातील इ. १० वी व इ. १२ वी च्या विद्यार्थ्यांना परीक्षा फी माफी/फी ची प्रतिपूर्ती करण्याबाबत…

संदर्भ :-

१) शासन निर्णय क्र. सीएलएस. २०२५/प्र.क्र. ३६५/म. ३ (मदत-१), दि. १० ऑक्टोबर, २०२५

२) शासन निर्णय क्र. सीएलएस. २०२५/प्र.क्र.३६५/म.३, दि. ०९ ऑक्टोबर, २०२५

३) शासन निर्णय क्र. संकिर्ण २०२९/प्र.क्र. ४७/एसडी-५, दि. ०१ ऑगस्ट, २०१९

४) शा. शुद्धीपत्रक क्र. संकिर्ण २०२९/प्र.क्र.४७/एसडी-५, दि. ०३/०२/२०२०

५)शा. नि.क्र. एफईडी १५९२/१००२/(११३२)/साशि-५, दि. १८/१०/१९९३

उपरोक्त विषयास अनुसरून आपणांस कळविण्यात येते की,

१. संदर्भिय क्र. ३ व ४ च्या शासन निर्णयानुसार, अवर्षणग्रस्त भागातील इ. १० वी व इ. १२ वी च्या विद्यार्थ्यांच्या आकारण्यात आलेल्या, संपूर्ण परीक्षा शुल्काची प्रतिपूर्ती राज्यमंडळ स्तरावरून, नियमित विद्यार्थ्यांच्या पालकांच्या आधार संलग्न Bank Account मध्ये NEFT/RTGS द्वारे करण्यात येणार आहे.

२. सन २०२५-२६ मध्ये २९ जिल्ह्यातील ३१ अंशतः बाधित व २५१ पूर्णतः बाधित असे एकूण २८२ तालुक्यातील, इ.१० वी व इ. १२ वी च्या या योजनेस पात्र असलेल्या, नियमित विद्यार्थ्यांना आकारण्यात आलेल्या संपूर्ण परीक्षा शुल्काची प्रतिपूर्ती करावयाची आहे.

३. राज्यमंडळाने ‘माध्यमिक व उच्च माध्यमिक प्रमाणपत्र परीक्षा फेब्रुवारी/मार्च २०२६’ मधील प्रविष्ठ झालेल्या नियमित विद्यार्थ्यांची यादी साठी मंडळाच्या संकेतस्थळावर शाळा महाविद्यालयांनी आपल्या लॉगइन पासवर्ड चा उपयोग करून लॉगइन करावे. अतिवृष्टी व पूर आपत्तीग्रस्त विद्यार्थ्यांची माहिती भरण्यासाठी Option तेथे उपलब्ध होईल. सदर माहिती भरण्याकरीता सोमवार दि. २०/०४/२०२६ ते शनिवार दि. २/०५/२०२६ हा कालावधी देण्यात येत आहे.

४. राज्यमंडळाने उपलब्ध केलेल्या माहितीमध्ये नियमित विद्यार्थ्यांचा बैठक क्रमांक, विद्यार्थ्यांचे नाव, बैंक खाते क्रमांक, बँक आय एफ एस सी कोड, आधार क्रमांक अशी माहिती उपलब्ध करून दिली आहे.

५. राज्यमंडळाने उपलब्ध करून दिलेल्या माहितीच्या पुढेच पात्र (Qualified) रकाना उपलब्ध केला असून, त्यामध्ये (Qualified) असा शेरा संबंधित माध्यमिक शाळा/उच्च माध्यमिक शाळा/कनिष्ठ महाविद्यालय यांनी नोंद करावयाचा आहे.

६. पात्र विद्यार्थी निश्चित करताना संदर्भिय क्र. ३ व ५ च्या शासन निर्णयामध्ये नमूद पात्रता निकष आणि सन २०२५ मध्ये जाहीर करण्यात आलेल्या अंशतः बाधित/पूर्णतः बाधित तालुक्यांची यादी विचारात घ्यावी. सदर शासन निर्णय उपरोक्त लिंकवर उपलब्ध करून देण्यात आलेला आहे.

७. अंशतः बाधित तालुक्यातील प्रत्यक्ष बाधित मंडळांनाच ही योजना लागू आहे. त्यामुळे अंशतः बाधित तालुक्यातील प्रत्यक्ष बाधित मंडळामधील विद्यार्थ्यांचीच माहिती भरावी.

८. पात्र नियमित लाभार्थ्यांना उपरोक्त संदर्भिय क्र. ३ व ४ च्या शासन निर्णयानुसार, राज्यमंडळ स्तरावरून शासनाकडून प्राप्त होणारा निधी हा NEFT/RTGS द्वारे विद्यार्थ्यांच्या पालकांच्या आवेदनपत्रामध्ये नमूद केलेल्या आधार संलग्न खात्यामध्ये वर्ग करण्यात येईल.

९. सर्व विभागीय मंडळानी आपल्या स्तरावरून शाळा व कनिष्ठ महाविद्यालयांना माहिती भरण्यासाठी त्वरित कळवावे.

👉परिपत्रक पीडीएफ प्रत लिंक👈

(डॉ. दिपक माळी) सचिव, राज्यमंडळ पुणे-०४

प्रत माहितीस्तव तथा तातडीच्या पुढील कार्यवाहीसाठी :-

१. मा. प्रधान सचिव, महाराष्ट्र शासन, मंत्रालय, मुंबई ३२.

२. मा. आयुक्त (शिक्षण), महाराष्ट्र राज्य, मध्यवर्ती इमारत, पुणे ४११ ००१.

३. श्रीम. पल्लवी बच्छाव, कक्ष अधिकारी (SD-5), शालेय शिक्षण व क्रीडा विभाग.

४. मा.शिक्षण संचालक (योजना), मध्यवर्ती इमारत, पुणे ४११ ००१.

प्रत माहितीस्तव तथा आवश्यक त्या कार्यवाहीस्तव :-

१. विभागीय शिक्षण उपसंचालक – पुणे/नागपूर/छ. संभाजीनगर/अमरावती/नाशिक/लातूर/कोल्हापूर/बृहन्मुंबई

२. शिक्षणाधिकारी (माध्यमिक), सर्व जिल्हे

यांना कळविण्यात येते की, मंडळाच्या संकेतस्थळावर विद्यार्थ्यांची माहिती तात्काळ भरणेबाबत शाळा व कनिष्ठ महाविद्यालयांना आपल्या स्तरावरून सूचित करण्यात यावे व केलेल्या कार्यवाहीचा अहवाल विभागीय मंडळांना सादर करावा

सन २०२५ मध्ये राज्यातील अतिवृष्टी व पूर आपत्ती मुळे सवलती साठी बाधित तालुत्यातील इ.१० वी व इ.१२ वीच्या विद्यार्थ्यांना परीक्षा शुल्क माफी बाबत..

                                               का र्य प ध्द ती

१. दि.१० ऑक्टोबर २०२५ च्या शासन निर्णयानुसार जाहीर झालेल्या राज्यामध्ये अतिवृष्टी होवून पुर आपत्ती परिस्थिती उद्भवलेल्या अंशत: बाधित व पूर्णत: बाधित अशा एकूण २८२ तालुक्यातील सर्व माध्यमिक शाळा / उच्च माध्यमिक शाळा / कनिष्ठ महाविद्यालयांना ‘माध्यमिक व उच्च माध्यमिक प्रमाणपत्र परीक्षा फेब्रुवारी / मार्च २०२६ मधील परीक्षेस प्रविष्ठ झालेल्या विद्यार्थ्यांची यादी इ.१०वीसाठी 

http://feerefund.mh-ssc.ac.in

आणि इ.१२वीसाठी

http://feerefund.mh-hsc.ac.in

ह्या लिंकवर उपलब्ध करुन दिलेली आहे. सदर लिंक मंडळाच्या अधिकृत संकेतस्थळावर

http://mahahsscboard.in

प्रसिध्द करण्यात आली आहे.

२. सदर लिंकवर पहिल्या रकान्यात विद्यार्थ्यांनी परीक्षा आवेदनपत्रामध्ये सादर केलेल्या माहितीच्या आधारे, माध्यमिक शाळा / उच्च माध्यमिक शाळा / कनिष्ठ महाविद्यालयाचे नाव व सांकेतिक क्रमांक (Index Number), विद्यार्थ्याचे नाव, विद्यार्थ्याचे गाव, महसूल मंडळ, तालुका, जिल्हा, विद्यार्थ्याचा बैठक क्रमांक, आधार क्रमांक (आधार सलग्न बॅंक खाते असावे) अशी माहिती उपलब्ध करुन दिली आहे.

३. मुख्याध्यापक / प्राचार्य, माध्यमिक शाळा / कनिष्ठ महाविद्यालय यांनी दुस-या रकान्यामध्ये नमूद केलेले पाच पात्रता निकष तपासून त्यापुढे बरोबर (√) असे दर्शविल्यानंतरच तो विद्यार्थी ह्या योजनेंतर्गत परीक्षा शुल्क प्रतिपूर्तीसाठी पात्र होणार आहे. अन्यथा सदर विद्यार्थी ह्या योजनेंतर्गत परीक्षा शुल्क प्रतिपूर्तीसाठी अपात्र ठरणार आहे.

४. पात्र झालेल्या विद्यार्थ्याच्या नावाखाली “Qualify” दर्शविले जाईल. त्यानंतर सदर विद्यार्थ्याची Bank Account ची माहिती भरण्यास रकाने उपलब्ध (enable) केले जातील. याच पध्दतीने सर्व पात्र विद्यार्थ्यांचे निश्चितीकरण करण्यात यावे.ह्या योजनेसाठी पात्र लाभार्थ्यांची सर्व माहिती क्रमाने (खातेदाराचे नाव, खातेदाराचा आधार क्रमांक, खातेदाराचे लाभार्थ्याशी नाते इ.) भरणे आवश्यक आहे.रकान्यातील सर्व माहिती परिपूर्ण / अचूकपणे भरण्यात यावी.

५. सदर योजना स्वयं अर्थसहाय्यीत शाळा वगळता अन्य सर्व म्हणजे शासकीय / खाजगी अनुदानित / विना अनुदानित माध्यमिक शाळा / कनिष्ठ महाविद्यालयातील विद्यार्थ्यांना लागू राहील.

६. अंशतः बाधित लाभार्थ्यांची यादी निकषांप्रमाणे प्रमाणित केल्याच्या कार्यवाहीनंतर ‘मुख्याध्यापक / प्राचार्य’ यांनी स्वाक्षरी upload करावयाची आहे. स्वाक्षरी upload केल्यानंतर submit हे बटन उपलब्ध होईल. त्यानुसार Bank Account चा तपशील प्राप्त झालेल्या विद्यार्थ्यांची माहिती निर्धारित दि.—— एप्रिल, २०२६ अखेर ऑनलाईन पध्दतीने राज्यमंडळ, पुणे कार्यालयास सादर (submit) करावयाची आहे. माहीती एकदा submit केल्यानंतर पुन:श्च submit करता येणार नाही. सदर माहिती ऑनलाइन पध्दतीने राज्यमंडळ, पुणे कार्यालयास प्राप्त होणार आहे.

७. परीक्षा शुल्क प्रतिपूर्ती योजनेंतर्गत सर्व अभिलेख (प्रमाणपत्र व Annexure ‘A’ ‘B’) हे संबंधित माध्यमिक शाळा / उच्च माध्यमिक शाळा / कनिष्ठ महाविद्यालय स्तरावर जतन करण्यात यावेत.

८. परीक्षा शुल्क प्रतिपूर्ती ही राज्यमंडळ ,पुणे स्तरावरून NEFT/RTGS द्वारे विद्यार्थ्यांच्या / पालकांच्या आधार सलग्न Bank Account मध्ये वर्ग करण्यात येणार असल्याने, सदर माहिती उपलब्ध न झाल्यास अथवा चुकीची माहिती अथवा चुकीचा Bank Account दिल्यास सदर लाभपासून विद्यार्थी वंचित राहणार असल्याने परिपूर्ण माहिती निर्धारित कलावधीमध्ये भरण्याची दक्षता घेण्यात यावी, ही जबाबदारी पूर्णतः संबंधित मुख्याध्यापक / प्राचार्य यांची राहील.

९. बँक खाते आधार क्रमांकास संलग्न नसल्यास फी प्रतिपूर्तीची रक्कम बँक खात्यावर वर्ग होणार नाही त्यामुळे बॅंक खाते क्रमांकाला आधार संलग्न केलेले असल्याची खात्री आपल्या स्तरावरून काटेकोरपणे करण्यात यावी

१०. सदर योजच्या प्रभावीपणे अंमलबजावणीसाठी मुख्याध्यापक / प्राचार्य, शिक्षणाधिकारी (माध्यमिक), विभागीय शिक्षण उपसंचालक आणि विभागीय सचिव, विभागीय मंडळ यांनी वैयक्तिक लक्ष घालून विहित कालावधीमध्ये राज्यमंडळ, पुणे या कार्यालयाकडे माहिती सादर करणेबाबत पाठपुरावा करावा.

११. उपरोक्त सर्व माहिती परिपूर्ण / अचूक भरल्याशिवाय पात्र लाभार्थ्यांना परीक्षा शुल्क प्रतिपूर्तीची रक्कम बँक खात्यावर ऑनलाईन पध्दतीने वर्ग केली जाणार नाही, याची नोंद घ्यावी

ALSO READ 👇

सन २०२५ मध्ये राज्यातील अतिवृष्टी व पूर आपत्तीग्रस्त तालुक्यातील सर्व विद्यार्थ्यांना परीक्षा फी माफीची सवलत अनुज्ञेय करणेबाबत.

दिनांक : ११ फेब्रुवारी, २०२६

संदर्भ :-

(१) शासन निर्णय शालेय शिक्षण विभाग क्र. एचईडी-१५९२/१२०२/ (११३२)/ताशि-५ दि. १८.१०.१९९३

(२) शासन निर्णय महसूल व वन विभाग क्र. सीएलएस-२०२५/प्र.क्र.३६५/म-३ (मदत-१) दि. १०.१०.२०२५

प्रस्तावना :-

संदर्भाधीन क्र. १ येथील शासन निर्णयान्वये राज्यातील टंचाईग्रस्त भागातील विद्यार्थ्यांना अकृषी विद्यापीठे, परीक्षा मंडळे व सर्व महाविद्यालयांची परीक्षा फी माफीची योजना कार्यान्वित आहे. संदर्भाधीन क्र. २ येथील शासन निर्णयान्वये महसूल व वन विभागाने सन २०२५ मध्ये राज्यातील अतिवृष्टी व पूर आपत्तीग्रस्त तालुके घोषित करुन या तालुक्यातील आपदग्रस्त बाधितांना दुष्काळ सदृष्य परिस्थितीत लागू असणाऱ्या सवलती अनुज्ञेय केल्या आहेत. त्यानुसार या सवलती उच्च व तंत्र शिक्षण विभागाच्या अधिनस्त सर्व विद्यार्थ्यांना अनुज्ञेय करण्याची बाब शासनाच्या विचाराधीन होती.

🙋 👉सन २०२५ मध्ये राज्यातील अतिवृष्टी व पूर आपत्तीमुळे बाधित तालुके घोषित करणे बाबत…शासन निर्णय वाचा या ओळीला स्पर्श करून👈

शासन परिपत्रक :-

😄🕵️‍♂️शेती पीक नुकसानी करिता शासनाकडून दिली जाणारी मदत बँक खात्यात जमा झाली की कसे तपासा एका क्षणात त्यासाठी या ओळीला फक्त स्पर्श करा

संदर्भाधीन क्र. २ येथील शासन निर्णयान्वये महसूल व वन विभागाने घोषित केलेल्या तालुक्यातील उच्च व तंत्र शिक्षण विभागाच्या अधिनस्त सर्व विद्यार्थ्यांना दुष्काळ सदृष्य परिस्थितीत अनुज्ञेय असलेली अकृषी विद्यापीठे, परीक्षा मंडळे व सर्व महाविद्यालयांची परीक्षा फी माफीची सवलत अनुज्ञेय करण्यास शासन मान्यता देण्यात येत आहे.

२. सदर सवलत सन २०२५-२०२६ या शैक्षणिक वर्षाकरिता लागू राहील.

३. प्रस्तुत प्रयोजनार्थ आवश्यकतेनुसार वित्तीय तरतूद उपलब्ध करण्याची कार्यवाही संचालक, उच्च शिक्षण, महाराष्ट्र राज्य पुणे यांनी करावी.

४. सदर शासन परिपत्रक महाराष्ट्र शासनाच्या www.maharashtra.gov.in या संकेतस्थळावर उपलब्ध करण्यात आले असून त्याचा संकेताक २०२६०२१११७५६५६३६०८ असा आहे. हा आदेश डिजीटल स्वाक्षरीने साक्षांकित करुन काढण्यात येत आहे.

महाराष्ट्राचे राज्यपाल यांच्या आदेशानुसार व नावाने.

     👉 शासन परिपत्रक पीडीएफ प्रत लिंक 👈

अवर सचिव, महाराष्ट्र शासन

महाराष्ट्र शासन उच्च व तंत्र शिक्षण विभाग शासन परिपत्रक क्रमांकः संकीर्ण २०२५/ई.प्र.क्र.१३९२२२९/मशि-२
, मंत्रालय, मुंबई-४०० ०३२.