DIKSHA Portal वरील निष्ठा अर्ली चाइल्डहुड केअर अँड एज्युकेशन (ECCE) हा ऑनलाइन कोर्स लाभार्थीनी पूर्ण करणेसाठी आवश्यक कार्यवाही करणेबाबत Diksha Nishtha ECCE Course

Diksha Nishtha ECCE Course

Diksha Nishtha ECCE Course

Diksha Portal Nishtha ECCE online Course Link

DIKSHA Portal varil nishtha arli childahud care and education (ECCE) ha online course labharthini purna karnesathi aavashyak karyavahi karanebabat.

Regarding taking necessary action for beneficiaries to complete the Nishtha Early Childhood Care and Education (ECCE) online course on DIKSHA Portal.

diksha portal nishtha ECCE online prashikshan nondani link

Diksha Portal Nishtha ECCE Online Training Registration Link

महाराष्ट्र शासन
शालेय शिक्षण व क्रीडा विभाग

राज्य शैक्षणिक संशोधन व प्रशिक्षण परिषद, महाराष्ट्र, पुणे

प्रति,

१. विभागीय उपसंचालक (सर्व)

२. उपसंचालक, प्रादेशिक विद्या प्राधिकरण (सर्व)

३. प्राचार्य, जिल्हा शिक्षण व प्रशिक्षण संस्था (सर्व)

४. प्रशासन अधिकारी, महानगरपालिका (सर्व)

५. प्रशासन अधिकारी, बृहन्मुंबई म.न.पा., मुंबई

६. शिक्षणाधिकारी (प्राथमिक/माध्यमिक) (सर्व)

७. शिक्षण निरीक्षक, दक्षिण, उत्तर, पश्चिम मुंबई

विषयः DIKSHA Portal वरील निष्ठा अर्ली चाइल्डहुड केअर अँड एज्युकेशन (ECCE) हा ऑनलाइन कोर्स लाभार्थीनी पूर्ण करणेसाठी आवश्यक कार्यवाही करणेबाबत.

संदर्भ: ।। विभाग प्रस्तुत कार्यालय यांच्याकडून बालशिक्षण विभागास फॉरवर्ड केलेला CIET, NCERT नवी दिल्ली यांचा मेल दि. २२ जुलै, २०२६

उपरोक्त संदर्भान्वये आपणास कळविण्यात येते की, राष्ट्रीय शैक्षणिक संशोधन व प्रशिक्षण परिषद (NCERT), नवी दिल्ली यांच्यामार्फत निष्ठा अर्ली चाइल्डहुड केअर अँड एज्युकेशन (ECCE) हा ऑनलाइन कोर्स विकसित केलेला आहे. सदर कोर्सचा कालावधी १५ तासांचा असून, “हा अभ्यासक्रम दर्जेदार पूर्व-प्राथमिक शिक्षण देण्यासाठी पायाभूत ज्ञान आणि व्यावहारिक कौशल्ये प्रदान करतो. हा अभ्यासक्रम पायाभूत स्तरातील बालकांच्या सर्वांगीण विकासाला चालना देणारे खेळ-आधारित वातावरण तयार करण्यासाठी मार्गदर्शन करतो.

हेही वाचाल –

राज्यातील इयत्ता १ ली ते १२ वी पर्यंत अध्यापन करणाऱ्या शिक्षकांनी DIKSHA Portal वरील “AI Saathi for Educators” (शिक्षकांसाठी AI साथी) हा ऑनलाईन कोर्स पूर्ण करण्याबाबत..परिपत्रक व कोर्स लिंक साठी या ओळीला स्पर्श करा

हा कोर्स DIKSHA Portal वर अपलोड केलेला असून आपल्या अधिनस्त DIET चे अधिकारी, गटशिक्षण अधिकारी, विस्तार अधिकारी, केंद्रप्रमुख, साधनव्यक्ती आणि राज्यातील सर्व व्यवस्थापनांच्या प्राथमिक शाळांतील पायाभूत स्तरावरील (इ. १ ली व २ री) शिक्षक, मुख्याध्यापक, D.El.Ed. अध्यापकाचार्य यांच्या साठी हा कोर्स लागू आहे.

सदर कोर्स हिंदी व इंग्रजीमध्ये उपलब्ध आहे. शैक्षणिक वर्ष २०२६-२७ साठी अभ्यासक्रमाची पहिल्या बॅचसाठी ३१ ऑगस्ट, २०२६ पर्यंत नोंदणी करता येईल. हा कोर्स पूर्ण करण्यासाठी अंतिम तारीख १५ सप्टेंबर, २०२६ अशी आहे.

कोर्स सुरू करण्यापूर्वीची पूर्वतयारीः

१. स्मार्टफोनवरून कोर्स पूर्ण करण्यासाठीः

(अ) DIKSHA App डाउनलोड करणे: Google Play Store वरून DIKSHA App डाउनलोड करून त्यामध्ये

नोंदणी करावी व संपूर्ण प्रोफाईल भरावी. प्रोफाईल भरताना आपल्या पदनामाशी तंतोतंत जुळणारे पदनाम उपलब्ध नसल्यास त्यास सर्वाधिक जवळचे पदनाम निवडावे.

(आ) DIKSHA Courses App डाउनलोड करणेः प्रोफाईल पूर्ण झाल्यानंतर Google Play Store वरून

DIKSHA Courses हे App डाउनलोड करावे. हिंदी व इंग्रजी भाषेतील कोर्सच्या लिंक्स पुढीलप्रमाणे आहेत.

खालीलपैकी कोणत्याही एका लिंकवर क्लिक करून कोर्समध्ये प्रवेश (Enroll) घ्यावा.

हिंदी –

https://learning.diksha.gov.in/diksha/course.php?id=११२६&section=२३७३

इंग्रजी –

https://learning.diksha.gov.in/diksha/course.php?id=११२५&section=२३७४

२. Laptop / Desktop (Browser) द्वारे कोर्स पूर्ण करण्यासाठीः

Browser द्वारे कोर्स पूर्ण करू इच्छिणाऱ्या अधिकारी व कर्मचारी यांनी

www.diksha.gov.in

या संकेतस्थळावर Login अथवा नोंदणी करावी. DIKSHA App मध्ये यापूर्वीच त्याच ई-मेल आयडीद्वारे नोंदणी केलेली असल्यास त्याच Login द्वारे प्रवेश करता येईल. अशा वेळी पुन्हा प्रोफाईल भरण्याची आवश्यकता नाही. प्रथमच Login करत असल्यास आवश्यक ती प्रोफाईल माहिती पूर्ण भरावी. Login केल्यानंतर मुख्य पृष्ठावरील “DIKSHA Courses” या Tab वर क्लिक करावे. त्यानंतर Search पर्यायामध्ये “NISHTHA ECCE Hindi” किंवा “NISHTHA ECCE English” कोर्स शोधून अथवा उपरोक्त लिंकवर क्लिक करून कोर्समध्ये प्रवेश घ्यावा. कोर्स यशस्वीरित्या पूर्ण झाल्यानंतर प्राप्त होणारे प्रमाणपत्र डाउनलोड करून जतन करावे.

करिता आपल्या स्तरावरून अधिनस्त DIET मधील अधिकारी, गटशिक्षण अधिकारी, विस्तार अधिकारी, केंद्रप्रमुख, साधनव्यक्ती आणि राज्यातील सर्व व्यवस्थापनांच्या प्राथमिक शाळांतील पायाभूत स्तरावरील (इ. १ ली व २ री चे) शिक्षक, मुख्याध्यापक, D.El.Ed. अध्यापकाचार्य यांना सदर कोर्ससाठी विहित कालावधीत नोंदणी करून कोर्स पूर्ण करण्यासाठी आदेशित करावे.

Digitally signed by KAMALADEVI SHRIDHAR AWATE Date: 17-08-2026 12:10:08

(डॉ. कमलादेवी आवटे)

सहसंचालक

राज्य शैक्षणिक संशोधन व प्रशिक्षण परिषद महाराष्ट्र, पुणे

प्रत माहितीस्तव सविनय सादर

१) मा. प्रधान सचिव, शालेय शिक्षण व क्रीडा विभाग, मंत्रालय मुंबई

२) मा. आयुक्त (शिक्षण), महाराष्ट्र राज्य, पुणे