RTE 25 Percent Online Admission Process Lottery
RTE 25 Percent Online Admission Process Lottery
जा. क्र. आरटीई २५%/२०२६/८० 1855718
दि. २०-०४-२०२६
20 APR 2026
प्रति,
श्रीम. आदिती एकबोटे, वरिष्ठ तांत्रिक संचालक, एन.आय.सी., पुणे
विषय:- आरटीई २५ टक्के प्रवेश लॉटरी (सोडत) द्वारा निवड झालेल्या बालकांच्या प्रवेशास मुदतवाढ देणेबाबत.
संदर्भ :-
१. शासन निर्णय क्र. आरटीई-२०२५/प्र.क्र.०८/एसडी-१, दि. १२-०२-२०२६
२. संचालनालयाचे पत्र क. प्राशिसं/आरटीई २५ टक्के/टे-८०१/२०२५/१७२३५१६, दि. १५-०२-२०२६
३. संचालनालयाचे पत्र क्र. प्राशिसे/८०१/२०२६/०४९५१, दि. २०-०३-२०२६
४. संचालनालयाचे पत्र क्र. प्राशिसं/आरटीई २५ टक्वे/टे०-८०२/२०२६/१८०८५४, दि. २५-०३-२०२६
५. संचालनालयाचे पत्र क्र. आरटीई २५%/२०२६/८०१/१८३०४२०, दि.०६-०४-२०२६
उपरोक्त विषयान्वये आपणास कळविण्यात येते की, आरटीई २५ टक्के प्रवेश प्रक्रिया सन २०२६-२७ सोडत द्वारा निवड झालेल्या विद्यार्थ्यांचे कागदपत्रे पडताळणी करुन प्रवेश निश्चित करणेसाठी दि. २०-०४-२०२६ पर्यंत मुदत देण्यात आली होती. सदर मुदत दि. २१-०४-२०२६ ते दि. ३०-०४-२०२६ पर्यंत मुदतवाढ देण्यात येत आहे. या अनुषंगाने आरटीई २५ टक्के पोर्टलवर सुविधा उपलब्ध करून देण्यात यावी.
Digitally signed by SHARAD SHANKARGIRI GOSAVI Date: 20-04-2026 17:27:01
शिक्षण संचालक (प्राथमिक) महाराष्ट्र राज्य, पुणे-०१,
ALSO READ
महाराष्ट्र शासन
प्राथमिक शिक्षण संचालनालय, पुणे
जा. क्र. आरटीई २५%/२०२६/८०१/5173
दि. ०१-०४-२०२६ 02 APR 2026
प्रति,
शिक्षणाधिकारी (प्राथमिक), जिल्हा परिषद, पुणे
विषय :- आरटीई २५ टक्के प्रवेश प्रक्रिया ऑनलाईन सोडत सन २०२६-२७.
बालकांचा मोफत व सक्तीच्या शिक्षणाचा अधिकार अधिनियम २००९ नुसार, दरवर्षीप्रमाणे २५ टक्के प्रवेश प्रक्रिया संपूर्ण राज्यात ऑनलाईन पध्दतीने राबविण्यात येत आहे. त्यानुसार सन २०२६-२७ शैक्षणिक वर्षासाठी आरटीई २५ टक्के प्रवेश प्रक्रियेची ऑनलाईन सोडत (लॉटरी) सोमवार दि. ०६-०४-२०२६ रोजी सकाळी ११.०० वाजता काढणे नियोजित आहे. तरी आपल्यास्तरावरुन मा. संचालक, महाराष्ट्र राज्य शैक्षणिक संशोधन व प्रशिक्षण परिषद, पुणे यांचेशी संपर्क साधून महात्मा फुले सभागृह येथील बैठकीच्या व्यवस्थेबाबत, इंटरनेट सुविधेबाबत तसेच अल्पोपहार याबाबतचे नियोजन करण्यात यावे. सोडत (लॉटरी) साठी पुणे जिल्हयातील जवळच्या स्थानिक स्वराज्य संस्थेच्या १० मुलांना सोडतीच्या दिवशी उपस्थित ठेवण्यात यावेत. तसेच उपस्थित मुलांचे स्वागत करण्यासाठी गोष्टीचे पुस्तक, पेन व चॉकलेट भेट देण्यासाठी उपलब्ध करावेत.
हेही वाचाल –
सन २०२६-२७ साठी आरटीई २५ टक्के प्रवेशाबाबत अधिक जाणून घ्या या ओळीला स्पर्श करा
तसेच आरटीई २५ टक्के प्रवेश प्रक्रियेची ऑनलाईन सोडत बाबत पत्रकार, संस्थाचालक / सामाजिक संघटना तसेच पालक यांना उपस्थित राहणेबाबत आपल्यास्तरावरुन कळविण्यात यावे. सदरचे कामी आपण स्वतः याबाबत दक्ष राहून संपूर्ण प्रक्रिया पार पाडण्याच्या दृष्टीने सर्वोत्त उचित कार्यवाही करावी. याकामी कोणत्याही प्रकारचा हलगर्जीपणा / हायगई होणार नाही याची दक्षता घ्यावी.
(शरद गोसावी)
शिक्षण संचालक (प्राथमिक) महाराष्ट्र राज्य, पुणे-०१.
प्रत माहितीस्तव सविनय सादर –
१. मा. प्रधान सचिव, शालेय शिक्षण व क्रीडा विभाग, मंत्रालय, मुंबई-३२
२. मा. आयुक्त (शिक्षण), महाराष्ट्र राज्य, पुणे-०१
ALSO READ I
RTE 25 Percent Online Admission Process Lottery
ALSO READ –
महाराष्ट्र शासन प्राथमिक शिक्षण संचालनालय, पुणे
जां. क्र. आरटीई २५%/२०२५/८09/73
दि. १३-०२-२०२५
विषय :-सन २०२५-२६ या शैक्षणिक वर्षाच्या आरटीई २५ टक्के ऑनलाईन प्रवेश प्रक्रियेसाठी लॉटरीद्वारा निवड झालेल्या विद्यार्थ्यांच्या प्रवेशाबाबत.
संदर्भ :- संचालनालयाचे पत्र क्र. आरटीई २५%/२०२५/८०१/१०८, दि. १३-०१-२५ संचालनालयाचे पत्र क्र. आरटीई २५%/२०२५/८०१/७२६, दि. १३-०२-२५
सन २०२५-२६ या वर्षासाठी बालकांचा मोफत व सक्तीच्या शिक्षणाचा अधिकार अधिनियम २००९ मधील कलम १२ (सी) (१) नुसार दुर्बल व वंचित घटकांतील बालकांना स्वयं अर्थसहाय्यित शाळा, विना अनुदानित शाळा, पोलीस कल्याणकारी शाळा (विनाअनुदानीत) आणि महानगरपालिका शाळा (स्वंयअर्थसहाय्यित शाळा) शाळामध्ये आरटीई २५ टक्के प्रवेश प्रक्रिया ऑनलाईन पदधतीने राबविण्यात येत आहे.
आरटीई २५ टक्के ऑनलाईन प्रवेश प्रक्रियेची सोडत (लॉटरी) दि. १०-०२-२०२५ रोजी मा. आयुक्त (शिक्षण), म.रा. पुणे यांच्या प्रमुख उपस्थितीत काढण्यात आली होती. त्यानुसार आरटीई २५ टक्के प्रवेशासाठीची निवड यादी दि. १४-०२-२०२५ रोजी जाहीर करण्यात येत आहे. लॉटरी द्वारे निवड झालेलया बालकांना प्रवेश घेण्यासाठी दि. १४-०२-२०२५ ते दि. २८-०२-२०२५ पर्यंत कालावधी देण्यात येत आहे.
आरटीई २५ टक्के लॉटरीद्वारे निवड झालेल्या बालकांच्या पालकांचे कागदपत्र पडताळणी करण्यासाठी तालुकास्तर व वार्डस्तरावर पडताळणी समिती स्थापन करण्यात आलेली आहे.
१. सोडत (लॉटरी) झाल्यांनतर पडताळणी समितीला आरटीई पोर्टलवर त्यांच्या लॉगीनला विदयार्थ्यांची नावे व मोबाईल क्रमांक दिले जातील, विदयार्थ्यांच्या नावापुढे ज्या दिनांकास विदयार्थ्यांना प्रवेशासाठी बोलविले आहे त्या पालकांकडून मूळ कागदपत्रे व एक छायांकित प्रत पडताळणी समितीने प्राप्त करुन घ्यावी.
कागदपत्राची प्राथमिक तपासणी करुन योग्य असलयास विद्यार्थ्यांच्या नावापुढे ऑनलाईन नोंद करावी तसेच पालकाकडील अलॉटमेंट लेटरबर तात्पुरता प्रवेश दिला असे नोंद करावे व ती नोंद करुन पालकांना परत करावे तसेच पालकांकडून हमीपत्र भरुन घ्यावे.
२. काही पालक मुळ गावी किंवा अन्य जागी स्थलांतर होण्याची शक्यता असते. त्यामुळे दिलेल्या तारखेस पालक कागदपत्र पडताळणीस उपस्थित राहू शकले नाही तर त्यांना पुन्हा दोन संधी देण्यात याव्यात बालकांना प्रवेश घेण्याकरिता पालकांनी पडताळणी समितीशी संपर्क साधावा.
३. कागदपत्रे तपासणी करण्याकरिता राज्यातील सर्व गटशिक्षणाधिकारी/प्रशासन अधिकारी यांच्या अध्यक्षतेखाली पडताळणी समिती गठीत करण्यात यावी. पडताळणी समितीची रचना खालीलप्रमाणे-
अ.क्र.
समितीची रचना
संख्या
समितीतील स्थान
१ गटशिक्षणाधिकारी / प्रशासन अधिकारी
१ अध्यक्ष
२ केंद्र प्रमुख / वार्ड ऑफिसर
२ सदस्य
३ मुख्याध्यापक शासकीय शाळा २ सदस्य
४ मुख्याध्यापक अनुदानित शाळा
२ सदस्य
५ मुख्याध्यापक विनाअनुदानित शाळा
२ सदस्य
६ शिक्षण संस्थांचे प्रतिनिधी
२ सदस्य
७ पालक संस्थांचे प्रतिनिधी
२ सदस्य
८ शिक्षकांचे प्रतिनिधी २ सदस्य
९ पालक शिक्षक संघाचे प्रतिनिधी २ सदस्य
१० स्वयंसेवी संस्थांचे प्रतिनिधी २ सदस्य
११ शिक्षण विस्तार अधिकारी १ सदस्य सचिव
४. पडताळणी समितीने प्रवेशपात्र बालकांच्या प्रवेशाकरीता आवश्यक त्या सर्व कागदपत्रांची पडताळणी करण्यात यावी. गटशिक्षणाधिकारी यांनी प्रत्येक बालकाला प्रवेशाकरीता तीन संधी देऊनही पालकांनी संपर्क केला नाही अथवा प्रवेशासाठी आले नाही तर विहित मुदतीत आरटीई पोर्टल वर Not Approch करावे, पडताळणी समिती केंद्रावर गर्दी होणार नाही व बालक प्रवेशापासून वंचित राहणार नाही याची दक्षता घ्यावी.
५. पडताळणी समितीने सविस्तर माहिती सर्वांना दिसण्यासाठी पोर्टलवर भरावी व दिसते का याची खात्री करावी.
६. पडताळणी समितीने मागील वर्षी प्रवेशित विद्यार्थ्यांची आकडेवारी विचारात घेवून पडताळणी विषयक कामकाज वेळेत होईल या दृष्टीने नियोजन करावे. पडताळणी समितीने रहिवासी पत्ता, गुगल वरील पत्ता व बय याची
पडताळणी सर्व पात्र विद्यार्थ्यांची करावी. सामाजिक वंचित संवर्गातील विद्यार्थ्यांकरीता जात प्रमाणपत्राची तर आर्थिक दुर्बल संवर्गातील विद्यार्थ्यांकरीता उत्पन्न प्रमाणपत्राची पडताळणी करावी. या दृष्टीने आवश्यक सुविधा गटशिक्षणाधिकारी स्तरावर करण्यात यावेत.
७. समितीने संबंधित विद्यार्थ्यांची कागदपत्रे तपासणी करून प्रमाणित केल्यांनतर सदर विद्यार्थ्यांना प्रवेश देण्याची सुविधा आर.टी.ई. पोर्टलवर करण्यात येत आहे. पडताळणी समितीने तपासणी केलेले पात्र विद्यार्थी गटशिक्षणाधिकारी यांचे स्वाक्षरीचे पत्र घेवून शाळेत जातील. शाळा स्तरावर कोणत्याही कागदपत्रांची तपासणी करण्यात येणार नाही. जे विद्यार्थी कागदपत्रे तपासणीमध्ये अंपात्र होतील त्यांची निवड रद्द करण्यात यावी व अशा रद्द झालेल्या विद्याथ्यांना शिक्षणाधिकारी (प्राथमिक) जिल्हा परिषद यांचेकडे तक्रारीची दाद मागता येईल. शिक्षणाधिकारी (प्राथमिक) जिल्हा परिषद यांचा निर्णय मान्य नसल्यास विभागीय शिक्षण उपसंचालक यांचेकडे दाद मागता येईल व त्यांचा निर्णय अंतिम राहील. शासन निर्णय दिनांक २१.०४.२०१४ नुसार शिक्षणाधिकारी (प्राथमिक) यांनी जिल्हा, तालुका व न.पा./म.न.पा. स्तरावर तक्रार निवारण केंद्र व मदत केंद्राची स्थापना करावी.
८. प्रतिक्षा यादीमध्ये नाव आहे याचा अर्थ प्रवेश निश्चित होईलच असा नाही.
९. पालकांनी केवळ SMS वर अवलंबून न राहता RTE Portal वर वेळोवेळी दिलेल्या सूचनांचे अवलोकन करावे व सदरील माहितीचा लाभ घ्यावा.
१०. विहित मुदतीनंतर प्रवेशासाठी शाळेत जागा रिक्त असल्या तरीही कोणत्याही परिस्थितीत बालकाला प्रवेश दिला जाणार नाही, याची सर्व पालकांनी नोंद घ्यावी. विहित मुदतीनंतर प्रवेशासाठी कोणत्याही पालकांच्या अर्जाची किंवा निवेदनाची दखल घेतली जाणार नाही याची सर्व पालकांनी नोंद घ्यावी.
११. विद्यार्थ्यांनी खोटी / चुकीची माहिती भरून प्रवेश निश्चित केला व सदर बाब प्रशासनाच्या निदर्शनास आल्यास खोटी / चुकीची माहिती भरुन दिशाभूल केल्या प्रकरणी आरटीई २५ टक्के प्रवेश कोणत्याही टप्प्यावर रद्द करण्यात येईल याची सर्व संबंधितांनी नोंद घ्यावी.
२५ टक्के प्रवेश प्रक्रिया पारदर्शक पध्दतीने नियमानुसार राबविली जात असून प्रवेश प्रक्रियेंतर्गत प्रवेश क्षमते एवढ्या विद्याथ्यर्थ्यांची लॉटरीद्वारे निवड होणार आहे. सबब, पालकांना बालकांच्या प्रवेशासंदर्भात कोणत्याही प्रकारचे प्रलोभने दिले जात असतील तर अशा प्रलोभनांना कृपया बळी पडू नये असे आवाहन शिक्षण संचालक (प्राथमिक) यांचेमार्फत करण्यात येत आहे. अशा प्रकारचे गैरप्रकार आपल्या निदर्शनास आल्यास याबाबत संबंधित जिल्हयाचे शिक्षणाधिकारी (प्राथमिक) /प्रशासन अधिकारी मनपा/नपा, संबंधित विभागाचे विभागीय शिक्षण उपसंचालक तसेच प्राथमिक शिक्षण संचालनालय, पुणे (depmah2@gmail.com), आयुक्त शिक्षण, पुणे (educommoffice@gmail.com) यांचेकडे ई-मेलद्वारे अथवा समक्ष आपली तक्रार पुराव्यासह नोंदविण्यात यावी.
(शरद गोसावी) शिक्षण संचालक (प्राथमिक) महाराष्ट्र राज्य, पुणे
RTE 25 Percent Online Admission Process Lottery
RTE 25 percent draw for online admission process
‘आरटीई’ २५ टक्के ऑनलाईन प्रवेश प्रक्रियेची सोडत (लॉटरी) दि. १० फेब्रुवारी २०२५ रोजी शालेय शिक्षण आयुक्त यांच्या उपस्थितीत काढण्यात आली होती. त्यानुसार आरटीई २५ टक्के प्रवेशासाठीची निवड यादी दि. १४ फेब्रुवारी रोजी जाहीर करण्यात येत असून लॉटरीद्वारे निवड झालेल्या बालकांच्या प्रवेश घेण्यासाठी दि. १४ ते २८ फेब्रुवारी २०२५ पर्यंत कालावधी देण्यात येत असल्याची माहिती शिक्षण संचालक (प्राथमिक) शरद गोसावी यांनी दिली आहे.
बालकांचा मोफत व सक्तीच्या शिक्षणाचा अधिकार अधिनियम २००९ मधील कलम १२ (सी) (१) नुसार सन २०२५-२६ या वर्षासाठी दुर्बल व वंचित घटकांतील बालकांना स्वयं अर्थसहाय्यित शाळा, विना अनुदानित शाळा, पोलीस कल्याणकारी शाळा (विनाअनुदानित) आणि महानगरपालिका शाळा (स्वंयअर्थसहाय्यित शाळा) यामध्ये आरटीई २५ टक्के प्रवेश प्रक्रिया ऑनलाईन पद्धतीने राबविण्यात येत आहे.
‘आरटीई’ २५ टक्के लॉटरीद्वारे निवड झालेल्या बालकांच्या पालकांचे कागदपत्र पडताळणी करण्यासाठी राज्यातील सर्व गटशिक्षणाधिकारी/ प्रशासन अधिकारी यांच्या अध्यक्षतेखाली पडताळणी समिती स्थापन करण्यात आलेली आहे. या समितीमार्फत कागदपत्राची प्राथमिक तपासणी करुन योग्य असल्यास विद्यार्थ्यांच्या नावापुढे ऑनलाईन नोंद करण्यात येईल. तसेच पालकाकडील अलॉटमेंट लेटरवर तात्पुरता प्रवेश दिला अशी नोंद करण्यात येऊन पालकांकडून हमीपत्र भरुन घेण्यात येईल. काही पालक दिलेल्या तारखेस कागदपत्र पडताळणीस उपस्थित राहू शकले नाही तर त्यांना पुन्हा दोन संधी देण्यात येतील. यासाठी बालकांना प्रवेश घेण्याकरिता पालकांनी पडताळणी समितीशी संपर्क साधावा. तसेच पालकांनी केवळ SMS वर अवलंबून न राहता RTE Portal वर वेळोवेळी दिलेल्या सूचनांचे अवलोकन करावे, असे आवाहन करण्यात आले आहे.
विहित मुदतीनंतर प्रवेशासाठी शाळेत जागा रिक्त असल्या तरीही कोणत्याही परिस्थितीत बालकाला प्रवेश दिला जाणार नाही, याची सर्व पालकांनी नोंद घ्यावी. विहित मुदतीनंतर प्रवेशासाठी कोणत्याही पालकांच्या अर्जाची किंवा निवेदनाची दखल घेतली जाणार नाही याची सर्व पालकांनी नोंद घ्यावी. खोटी / चुकीची माहिती भरून प्रवेश निश्चित केला व सदर बाब प्रशासनाच्या निदर्शनास आल्यास खोटी / चुकीची माहिती भरुन दिशाभूल केल्या प्रकरणी आरटीई २५ टक्के प्रवेश कोणत्याही टप्प्यावर रद्द करण्यात येईल याची सर्व संबंधितांनी नोंद घ्यावी, असेही कळविण्यात आले आहे.
२५ टक्के प्रवेश प्रक्रिया पारदर्शक पद्धतीने नियमानुसार राबविली जात असून प्रवेश प्रक्रियेअंतर्गत प्रवेश क्षमते एवढ्या विद्यार्थ्यांची लॉटरीद्वारे निवड होणार आहे. सबब, पालकांना बालकांच्या प्रवेशासंदर्भात कोणत्याही प्रकारचे प्रलोभने दिले जात असतील तर अशा प्रलोभनांना कृपया बळी पडू नये असे आवाहन शिक्षण संचालक (प्राथमिक) यांच्यामार्फत करण्यात येत आहे. अशा प्रकारचे गैरप्रकार आपल्या निदर्शनास आल्यास याबाबत संबंधित जिल्ह्याचे शिक्षणाधिकारी (प्राथमिक) / प्रशासन अधिकारी मनपा/ नपा, संबंधित विभागाचे विभागीय शिक्षण उपसंचालक तसेच प्राथमिक शिक्षण संचालनालय, पुणे (depmah2@gmail.com), आयुक्त शिक्षण, पुणे (educommoffice@gmail.com) यांच्याकडे ई-मेलद्वारे अथवा समक्ष आपली तक्रार पुराव्यासह नोंदविण्यात यावी, असेही शिक्षण संचालक (प्राथमिक) यांनी कळविले आहे.
Also Read 👇
महाराष्ट्र शासन
प्राथमिक शिक्षण संचालनालय, पुणे
जा. क्र. आरटीई २५%/२०२५/८०१/५६८
दि. ०६-०२-२०२५
प्रति,
१. विभागीय शिक्षण उपसंचालक, सर्व
२. शिक्षणाधिकारी बृहन्मुंबई मनपा
३. शिक्षण निरिक्षक बृहन्मुंबई (उत्तर/दक्षिण/परिश्चम)
४. शिक्षणाधिकारी (प्राथमिक) जि.प. सर्व
विषय :- आरटीई २५ टकके ऑनलाईन प्रवेश प्रक्रियेची सोडत सन २०२५-२६.
उपरोक्त विषयान्वये कळविण्यात येते की, बालकांचा मोफत व सक्तीच्या शिक्षणाचा अधिकार अधिनियम २००९ नुसार, दरवर्षीप्रमाणे २५ टक्के प्रवेश प्रक्रिया संपूर्ण राज्यात ऑनलाईन पध्दतीने राबविण्यात येत आहे. त्यानुसार सन २०२५-२६ शैक्षणिक वर्षासाठी आरटीई २५ टक्के ऑनलाईन प्रवेश प्रक्रियेची सोडत (लॉटरी) सोमवार दि. १०-०२-२०२५ रोजी सकाळी ११.०० वाजता महाराष्ट्र राज्य शैक्षणिक संशोधन व प्रशिक्षण परिषद (विद्या प्राधिकरण) पुणे येथे काढण्यात येणार आहे. सदर सोडतीचे थेट प्रक्षेपण व्ही.सी. द्वारे करण्यात येणार आहे. आपण स्वतः या कार्यक्रमास ऑनलाईन उपस्थित रहावे.
आपल्या पाल्याचा मुलाचा नंबर लागला किंवा नाही तपासण्यासाठी खालील लिंकच्या आधारे पडताळून पहा 👇
या ओळीला स्पर्श करून परिपत्रक पीडीएफ मध्ये प्राप्त करा
(शरद गोसावी)
शिक्षण संचालक (प्राथमिक) महाराष्ट्र राज्य, पुणे