Teachers Intra District Transfer Update

Intra-district transfer process

Teacher transfer process within the district

क्रमांक. जिपब-११२५/प्र.क्र.१४/आस्था-१४

दिनांक:- २१ नोव्हेंबर, २०२५

विषय :- जिल्हा परिषद शिक्षकांच्या जिल्हांतर्गत बदलीबाबत.

संदर्भ:

१) शासन निर्णय क्र. जिपब-२०२३/प्र.क्र.११८/आस्था-१४, दि.१८.६.२०२४.

२) शासन पत्र क्र. न्यायाप्र-२०२४/प्र.क्र.१०५/आस्था-१४, दि.७.११.२०२५.

महोदय,

जिल्हा परिषद प्राथमिक शिक्षकांच्या जिल्हांतर्गत बदलीबाबतचे धोरण संदर्भ क्र. १ येथील दि.१८.६.२०२४ रोजीच्या शासन निर्णयान्वये सुधारित करण्यात आले आहे. या शासन निर्णयातील तरतुदीनुसार जिल्हा परिषद शिक्षकांच्या जिल्हांतर्गत बदल्यांबाबतचे वेळापत्रक संदर्भ क्र. २ येथील दि.७.११.२०२४ रोजीच्या पत्रान्वये विहीत करण्यात आले आहे. या विहीत वेळापत्रकानुसार मे. विन्सीस आयटी प्रा.लि., पुणे यांच्याकडून सन २०२५ ची जिल्हांतर्गत बदली प्रक्रिया ऑनलाईन पोर्टलव्दारे पार पडली आहे.

२. सदर बदली प्रक्रियेदरम्यान विविध जिल्हा परिषदांच्या शिक्षकांनी मा. उच्च न्यायालय, मुंबई, औरंगाबाद व नागपूर येथे याचिका दाखल केल्या आहेत. सदर दाखल याचिकांपैकी काही याचिकांमध्ये मा. उच्च न्यायालयाने याचिकाकर्त्या शिक्षकांच्या जिल्हांतर्गत बदलीस विविध टप्प्यांवर पुढील आदेशापर्यंत अंतरिम स्थगिती दिलेली होती. त्यामुळे सन २०२५ च्या जिल्हांतर्गत बदली प्रक्रियेच्या अनुषंगाने दाखल झालेल्या ज्या न्यायालयीन प्रकरणांमध्ये याचिकाकर्त्यांच्या शिक्षकांच्या बदलीस अंतरिम स्थगिती देण्यात आली आहे, अशा प्रकरणांमध्ये प्रचलित शासन निर्णयातील तरतुदी व याचिकाकर्त्या शिक्षकांच्या बदलीबाबतची वस्तुस्थिती प्रतिज्ञापत्राव्दारे तात्काळ मा. न्यायालयाच्या निदर्शनास आणून मा. न्यायालयाने दिलेली अंतरिम स्थगिती उठविण्याबाबत कार्यवाही करण्याची आपणांस विनंती आहे. जेणेकरुन सन २०२५ च्या जिल्हांतर्गत बदली प्रक्रियेदरम्यान देण्यात आलेल्या

बदली आदेशांची पूर्णतः अंमलबजावणी होईल. अन्यथा, अशा शिक्षकांच्या बदली आदेशास मिळालेली स्थगिती कायम राहिल्यास त्याचा परिणाम आगामी बदली प्रक्रियेवर होईल.

आपली,

परिपत्रक पीडीएफ प्रत लिंक

उप सचिव, महाराष्ट्र शासन

महाराष्ट्र शासन
ग्रामविकास विभाग, मुंबई

प्रत :- शिक्षणाधिकारी (प्राथमिक), जिल्हा परिषद (सर्व).

ALSO READ 👇

क्र. जिपब-११२५/प्र.क्र.१४/आस्था-१४
दिनांक : ०१ ऑक्टोबर, २०२५

विषय :- जिल्हातंर्गत बदली प्रक्रिया सन-२०२५, मा. उच्च न्यायालय, मुंबई यांचा दि.२३.०९.२०२५ रोजीचा न्याय निर्णय.

महोदय,
जिल्हातंर्गत बदली प्रक्रिया सन २०२५ च्या अनुषंगाने मा. उच्च न्यायालय, मुंबई येथे दाखल करण्यात आलेल्या याचिका क्र.११७८८/२०२५ व याचिका क्र.१२१४०/२०२५ आणि अन्य संलग्न याचिकांमध्ये मा. न्यायालयाने दिलेल्या दि. २३.०९.२०२५ रोजीच्या न्याय निर्णयाची प्रत सोबत जोडली आहे. सदर न्याय निर्णयाच्या अनुषंगाने आपल्या स्तरावरून आवश्यक ती नियमोचित कार्यवाही तात्काळ करण्याची

विनंती आहे.

न्याय निर्णयाची प्रत लिंक

आपली,

(नीला रानडे)
उप सचिव, महाराष्ट्र शासन

महाराष्ट्र शासन
ग्रामविकास विभाग,मुंबई- ४०० ००१
प्रत माहितीस्तव – शिक्षणाधिकारी (प्राथमिक), जिल्हा परिषद, सर्व.

प्रति,
मुख्य कार्यकारी अधिकारी, जिल्हा परिषद, सर्व.