Schedule of Intra District Transfers of Zilla Parishad Teachers

Schedule of Intra-District Transfers of Zilla Parishad Teachers

Time Table of Intra-District Transfers of Zilla Parishad Teachers

Intra District Transfers of Z P Teachers

बदली अपडेट 2025

क्र. जिपब-११२५/प्र.क्र.१४/आस्था-१४

दिनांक :- ९ सप्टेंबर, २०२५

विषय :- जिल्हांतर्गत बदली प्रक्रिया सन २०२५.

महोदय,

ग्राम विकास विभाग, शासन निर्णय दि. १८.६.२०२४ रोजीच्या शासन निर्णयातील तरतुदीनुसार व शासनाच्या दि.७.११.२०२४ रोजीच्या पत्रान्वये निश्चित केलेल्या वेळापत्रकानुसार आतापर्यंत शिक्षकांच्या जिल्हांतर्गत बदल्यांचे एकूण ६ टप्पे राबविण्यात आले असून, त्याबाबतचे बदली आदेश मे. विन्सीस आयटी प्रा.लि., पुणे यांचेकडून ऑनलाईन पोर्टलवर अपलोड करण्यात आले आहेत. त्यानुसार आपल्या स्तरावरुन बदली आदेश अंमलबजावणी बाबत पुढील योग्य ती कार्यवाही करावी.

२. टप्पा क्र.६ पूर्ण झाल्यानंतर उपरोक्त शासन निर्णयातील मुद्दा क्र. १.१० मध्ये नमूद केल्यानुसार अवघड क्षेत्रातील भरणे आवश्यक असलेल्या रिक्त जागा शिल्लक असल्यास, स्थानिक परिस्थिती विचारात घेऊन जिल्हांतर्गत बदलीचा टप्पा क्र. ७ सुरु करण्याची आवश्यकता आहे किंवा कसे, याबाबत संबंधित जिल्हा परिषदांनी मे. विन्सीस आयटी सर्व्हिसेस प्रा.लि., पुणे यांचेशी संपर्क साधून पुढील आवश्यक कार्यवाही करण्याची विनंती आहे.

परिपत्रक पीडीएफ लिंक

आपली,

(नीला रानडे) उप सचिव, महाराष्ट्र शासन
महाराष्ट्र शासन
ग्रामविकास विभाग, मुंबई

प्रति,
मुख्य कार्यकारी अधिकारी,
जिल्हा परिषद (सर्व).
प्रत माहितीस्तवः-

१) मे. विन्सीस आयटी सर्व्हिसेस प्रा.लि., पुणे.

२) शिक्षणाधिकारी (प्राथमिक), जिल्हा परिषद (सर्व).

ALSO READ 👇

VINSYS

Vinsys IT Services India Ltd Pune 411 029. Maharashtra, INDIA.

Date: 11/08/2025

Subject: Submission of Verification and Approval Letter for Teachers’ Transfer Process

In connection with the ongoing teachers’ transfer process, all Chief Executive Officers, Zilla Parishad, are hereby humbly requested to submit an official verification and approval letter as per the format given below:

“I affirm that I have verified the list of eligible teachers and confirm that there are no court orders requiring exclusion of any of these eligible teachers from the transfer process. I hereby approve the execution of the transfer process for my district as per the mentioned schedule.”

Please Note:

1. The letter must be issued on the official Zilla Parishad letterhead
2. It must be duly signed by the Chief Executive Officer, Zilla Parishad.
3. A scanned copy of the signed letter must be emailed to 📧
   otttsupport@vinsys.com

at the earliest to enable initiation of the next round of the transfer process.

This confirmation is mandatory for proceeding with the transfer process in your respective district. Non-receipt of the letter may result in delays to the scheduled execution.

Thanking you.

Vinsys IT Services India Ltd

To:
Chief Executive Officers, Zilla Parishad,
Maharashtra

Also Read 👇

महाराष्ट्र शासन
ग्रामविकास विभाग,मुंबई

क्र. न्यायाप्र-१३२५/प्र.क्र.२१८/आस्था-१४

दिनांक : ०८ ऑगस्ट, २०२५

प्रति,
मुख्य कार्यकारी अधिकारी, जिल्हा परिषद, सर्व.

विषय :- जिल्हांतर्गत बदली प्रक्रिया सन २०२५

महोदय/महोदया,

जिल्हा परिषद शिक्षकांच्या जिल्हांतर्गत बदलीबाबतचे धोरण दि.१८.०६.२०२४ रोजीच्या शासन निर्णयातील तरतुदीनुसार सुधारीत करण्यात आले आहे. या शासन निर्णयातील व्याख्या १.८ येथे विशेष संवर्ग शिक्षक भाग-१ करिता पात्र गणले जाणारे शिक्षक नमूद केले आहेत. त्यानुसार १.८.३ हृदय शस्त्रक्रिया झालेल्या शिक्षकांना तसेच १.८.१५ जोडीदाराची हृदय शस्त्रक्रिया झाली असेल तर अशा शिक्षकांना विशेष संवर्ग शिक्षक भाग-१ म्हणून गणले जाते. या संवर्गातील शिक्षकांना बदलीस नकार देण्याचा अधिकार असून या शिक्षकांना केवळ विनंतीवरूनच बदली देण्यात येते.

२. शासन निर्णयातील उपरोक्त तरतुदीनुसार शासनास केवळ गंभीर आजाराने ग्रस्त शिक्षक व जोडीदार गंभीर आजाराने ग्रस्त असेल तरच अशा शिक्षकांना बदलीतून सूट देणे अभिप्रेत आहे. त्यामुळे हृदय शस्त्रक्रिया म्हणजे केवळ Bypass surgery, Open heart surgery किंवा Implant surgery इ. अशा गंभीर शस्त्रक्रिया झालेल्या शिक्षकांनाच बदलीतून सूट किंवा विनंती बदली देणे आवश्यक आहे. Angioplasty झालेल्या शिक्षकांना विशेष संवर्ग शिक्षक भाग-१ चा लाभ अनुज्ञेय नाही. तथापि, काही जिल्हा परिषदांकडून Angioplasty झालेल्या शिक्षकांना विशेष संवर्ग शिक्षक भाग-१ चा लाभ अनुज्ञेय करण्यात आल्याचे शासनाच्या निदर्शनास आले आहे.

३. जिल्हांतर्गत बदली प्रक्रियेकरिता सर्व जिल्हा परिषदांनी समान कार्यपद्धती वापरणे आवश्यक आहे. त्यामुळे सर्व मुख्य कार्यकारी अधिकारी, जिल्हा परिषद यांना सूचित करण्यात येते की, दि.१८.०६.२०२४ व दि.२३.०५.२०२३ रोजीच्या शासन निर्णयातील तरतुदीनुसार यापुढील जिल्हांतर्गत/आंतरजिल्हा बदलीकरिता केवळ हृदय शस्त्रक्रिया म्हणजे Bypass surgery, Open heart surgery, Implant surgery इ. गंभीर शस्त्रक्रिया झालेल्या शिक्षकांना तसेच जोडीदाराची हृदय शस्त्रक्रिया म्हणजे Bypass surgery, Open heart surgery, Implant surgery इ. शस्त्रक्रिया झाली असेल तरच विशेष संवर्ग शिक्षक भाग-१ म्हणून लाभ अनुज्ञेय करण्यात यावा. Angioplasty झालेल्या शिक्षकांना विशेष संवर्ग शिक्षक भाग-१ म्हणून लाभ अनुज्ञेय करण्यात येवू नये. शासनाच्या सदर सूचनांचे पालन करण्याची जबाबदारी सर्व जिल्हा परिषदांची राहील.

Circular pdf Copy Link

आपली,

परिपत्रक पीडीएफ लिंक

(नीला रानडे) उप सचिव, महाराष्ट्र शासन

Also Read 👇

क्र. जिपब-२०२३/प्र.क्र.११८/आस्था-१४
दिनांक : ६ ऑगस्ट, २०२५

विषय: जिल्हा परिषद शिक्षकांच्या जिल्हांतर्गत बदली धोरणातील विशेष संवर्ग शिक्षक भाग-१ बाबत.

संदर्भ :- शासनाचे समक्रमांकित दि.१६.६.२०२५ रोजीचे शासन परिपत्रक.

महोदय/महोदया,
जिल्हा परिषद शिक्षकांच्या जिल्हांतर्गत बदलीबाबचे सुधारित धोरण दि.१८.६.२०२४ रोजीच्या शासन निर्णयान्वये निश्चित करण्यात आले आहे. सदर शासन निर्णयातील विशेष संवर्ग शिक्षक भाग-१ मधील विविध आजारांनी ग्रस्त शिक्षक, दिव्यांग शिक्षक, दिव्यांग मुलांचे पालक, परितक्त्या/घटस्फोटीत महिला शिक्षक हे बदलीमध्ये प्राधान्य तसेच बदलीतून सुट मिळविण्यासाठी खोटी प्रमाणपत्रे सादर करीत असल्याच्या पार्श्वभूमीवर सविस्तर सुचना विभागाच्या दि.१६.६.२०२५ रोजीच्या शासन परिपत्रकान्वये आपणांस देण्यात आल्या आहेत.

शासनाचे समक्रमांकित दि.१६.६.२०२५ रोजीचे शासन परिपत्रक वाचा या ओळीला स्पर्श करून

३. उपरोक्त परिपत्रकान्वये दिलेल्या सूचनेच्या अनुषंगाने करण्यात आलेल्या कार्यवाहीचा तपशिल शासनास तात्काळ सादर करण्याची आपणांस विनंती आहे.

आपली,
(नीला रानडे) उप सचिव, महाराष्ट्र शासन
महाराष्ट्र शासन ग्रामविकास विभाग,मंत्रालय, मुंबई

प्रति,
मुख्य कार्यकारी अधिकारी, जिल्हा परिषद (सर्व)

Also Read –

महाराष्ट्र शासन ग्रामविकास विभाग, मुंबई

क्र.न्यायाप्र-१३२५/प्र.क्र.२१८/आस्था-१४

दिनांक : ३० जुलै, २०२५

विषय:- जिल्हा परिषद शिक्षकांची जिल्हांतर्गत बदली प्रक्रिया सन-२०२५

महोदय/महोदया,

उपरोक्त विषयान्वये आपणांस कळविण्यात येते की, या विभागाच्या शासन निर्णय १८.०६.२०२४ मधील तरतुदीनुसार सद्यःस्थितीत जिल्हा परिषद शिक्षकांची जिल्हांतर्गत बदली प्रक्रिया सन-२०२५ बाबतची कार्यवाही ऑनलाईन पोर्टलद्वारे सुरु आहे. तद्नुषंगाने उपरोक्त दि.१८.०६.२०२४ रोजीच्या शासन निर्णयातील तरतुदीनुसार विशेष संवर्ग शिक्षक भाग-१ अंतर्गत Angioplasty झालेल्या शिक्षकांना लाभअनुज्ञेय करण्यात आला असल्यास, याबाबतची माहिती तात्काळ उलटटपाली शासनास सादर करण्याची आपणांस विनंती आहे. सदर माहिती न्यायालयीन प्रकरणी मा. उच्च न्यायालय, मुंबई येथे प्रतिज्ञापत्र दाखल करण्यासाठी आवश्यक असल्यामुळे प्राथम्याने उपलब्ध करुन देण्यात यावी.

परिपत्रक पीडीएफ लिंक

आपली, (ज्योत्स्ना अर्जुन) कक्ष अधिकारी, महाराष्ट्र शासन
प्रति,
मुख्य कार्यकारी अधिकारी जिल्हा परिषद (सर्व)

Also Read 👇

न्यायालयीन प्रकरण

महाराष्ट्र शासन ग्रामविकास विभाग, मुंबई

क्र. न्यायाप्र-१३२५/प्र.क्र.१६१/आस्था-१४

दिनांक :- ३/७/२०२५

विषय: सन २०२२ मधील जिल्हा परिषद शिक्षकांच्या आंतरजिल्हा बदलीबाबत, मा. उच्च न्यायालय, नागपूर येथे दाखल रिट याचिका क्र.६६१५/२०२३

संदर्भ :
१) शालेय शिक्षण विभागाचा शासन निर्णय क्र. संकीर्ण-२०२३/प्र.क्र.१७४/टीएनटी-१, दि.२१.६.२०२३
२) शासन पत्र क्र. आंजिब-२०२३/प्र.क्र.११७/आस्था-१४, दि.२३.८.२०२३,
३) शासन पत्र क्र. आंजिब-२०२३/प्र.क्र.११७/आस्था-१४, दि.३१.८.२०२३, दि.१३.९.२०२३, दि.६.१०.२०२३, दि.२७.१०.२०२३, दि.२२.११.२०२३, दि.३०.११.२०२३ व दि.१८.१२.२०२३.
४) मा. उच्च न्यायालय, नागपूर येथे दाखल रिट याचिका क्र. ६६१५/२०२३
५) शासन पत्र क्र बैठक-१४२५/प्र.क्र.७२/आस्था-१४, दि.२८.३.२०२५.

महोदय,

शालेय शिक्षण विभागाच्या संदर्भ क्र. १ येथील दि.२१.६.२०२३ रोजीच्या शासन निर्णयामध्ये सन २०२२ च्या आंतरजिल्हा बदलीमध्ये विनंती केलेल्या ज्या शिक्षकांना बदली मिळालेली नाही, अशा शिक्षकांचे विनंती अर्ज प्रतिक्षाधिन ठेऊन जशी पदे रिक्त होतील, त्याप्रमाणे रिक्त पदी बदली देण्याबाबतची कार्यवाही ग्राम विकास विभागाने करावी. त्यानंतर आंतरजिल्हा बदली संपूर्णतः बंद करण्याची तरतुद ग्राम विकास विभागाने त्यांच्या बदली धोरणात करावी, असे नमुद करण्यात आले होते.

२. उपरोक्त शासन निर्णयान्वये दिलेल्या सूचनांच्या अनुषंगाने सन २०२२ च्या आंतरजिल्हा बदलीमध्ये विनंती केलेल्या ज्या शिक्षकांना बदली मिळालेली नाही, अशा शिक्षकांचे विनंती अर्ज प्रतिक्षाधीन ठेऊन जशी पदे रिक्त होतील, त्याप्रमाणे रिक्त पदी बदली देण्याबाबत कार्यवाही करण्याबाबतच्या सूचना संदर्भ क्र. २ येथील शासन पत्र दि.२३.८.२०२३ अन्वये सर्व मुख्य कार्यकारी अधिकारी, जिल्हा परिषद यांना देण्यात आल्या होत्या.

३. तद्नंतर, सन २०२२ च्या बदली प्रक्रियेमधील प्रतिक्षाधीन प्राथमिक शिक्षकांच्या ऑनलाईन आंतरजिल्हा बदल्यांबाबतची कार्यवाही शासनाच्या संदर्भ क्र. ३ येथील दि.३१.८.२०२३ रोजीच्या पत्रान्वये सुरु करण्यात आलेली होती. तसेच तद्नंतर सन २०२३ करीता आंतरजिल्हा बदली प्रक्रिया ऑनलाईन पध्दतीने राबविण्यात आली आहे. या बाबत सर्व जिल्हा परिषदांना वेळोवेळी संदर्भ क्र. ३ येथे नमुद पत्रांन्वये सूचित करण्यात आले होते. सद्यःस्थितीत पवित्र पोर्टलव्दारे नवीन शिक्षकांची भरती होत असल्याच्या पार्श्वभूमीवर सन २०२५ करीता जिल्हा परिषद प्राथमिक शिक्षकांच्या आंतरजिल्हा बदल्यांची कार्यवाही सुरु करण्यात आली आहे.

४. या विभागाच्या दि.२३.५.२०२३ रोजीच्या शासन निर्णयातील तरतुदीनुसार आंतरजिल्हा बदली प्रक्रिया ही ऑनलाईन पद्धतीने संगणकीय प्रणालीव्दारे राबविण्यात येते. त्यानुसार या विभागाच्या दि.२८.२.२०२५ रोजीच्या पत्रान्वये सन २०२५ करीता आंतरजिल्हा बदली बाबतचे वेळापत्रक घोषित करण्यात आले असून, त्याबाबतची कार्यवाही सुरु आहे. तसेच सन २०२२ च्या प्रतिक्षाधिन शिक्षकांकरीता व सन २०२३ च्या पात्र शिक्षकांकरीता संदर्भ क्र. ३ येथे नमुद पत्रांन्वये सूचित केल्यानुसार आंतरजिल्हा बदली प्रक्रिया राबविण्यात आली आहे. तथापि, संदर्भ क्र. २ येथील दि.२३.८.२०२३ रोजीच्या पत्रान्वये दिलेल्या सूचनांनुसार आंतरजिल्हा बदली प्रक्रिया ऑनलाईन किंवा ऑफलाईन पध्दतीने राबवावी, याबाबत संदिग्धता निर्माण होत असल्याचे आढळून येते. ही वस्तुस्थिती विचारात घेता, या विभागाकडून संदर्भ क्र. २ येथील दि.२३.८.२०२३ रोजी निर्गमित केलेले पत्र रद्द करण्यात येत आहे.

आपली
उप सचिव, महाराष्ट्र शासन

प्रत :- शिक्षणाधिकारी (प्राथमिक), जिल्हा परिषद (सर्व).

परिपत्रक पीडीएफ लिंक

प्रति,मुख्य कार्यकारी अधिकारी,जिल्हा परिषद (सर्व).

Also Read 👇

क्र. जिपब-११२५/प्र.क्र.१४/आस्था-१४

दिनांक: २३ जून, २०२५

प्रति,
मुख्य कार्यकारी अधिकारी, जिल्हा परिषद, सर्व.

विषय :- शिक्षक संवर्ग ऑनलाईन बदली प्रक्रिया सन २०२५

संदर्भ :

• १. जिल्हा परिषद, नांदेड पत्र क्र. जिपनां/शिअप्रा/प्रा-०१ ब/३८८६/२०२५, दि.१८.०६.२०२५.
  २. जिल्हा परिषद, कोल्हापूर पत्र क्र. कोजिप/शिक्षण/प्राथ/वशि-१९/१९५७११३/२०२५, दि.१७.०६.२०२५.
  ३. शासन पत्र क्र. न्यायाप्र-२०२४/प्र.क्र.१०५/आस्था-१४, दि.०७.११.२०२४.

महोदय, उपरोक्त विषयाबाबतच्या संदर्भीय पत्रास अनुसरून कळविण्यात येते की, या विभागाच्या दि.१८.०६.२०२४ रोजीच्या शासन निर्णयातील तरतुदीनुसार जिल्हा परिषद शिक्षकांच्या ऑनलाईन बदल्या ह्या संगणकीय प्रणालीद्वारे करण्यात येतात. संगणकीय प्रणालीद्वारे बदल्यांकरिताची सुविधा उपलब्ध करून देण्याकरिता मे. विन्सीस आय.टी.सर्व्हिसेस प्रा.लि., पुणे यांची नेमणूक करण्यात आलेली आहे. त्याचप्रमाणे प्रत्येक जिल्हा स्तरावर तांत्रिक बाबींसाठी एक कार्यक्रम अधिकारी नेमून अशा अधिकाऱ्यावर सर्व तांत्रिक अडचणी दूर करण्याची जबाबदारी देण्यात आली आहे.

२. तसेच दि.१८.०६.२०२४ रोजीच्या शासन निर्णयातील अ.क्र.२.४.४ नुसार बदली प्रक्रियेमध्ये समाविष्ठ शिक्षकांचे वैयक्तिक प्रोफाईल पडताळणी व दुरूस्ती बदली प्रक्रिया सुरू होण्यापूर्वी अंतिम करण्यात येईल, बदली प्रक्रिया सुरू झाल्यानंतर शिक्षकांच्या वैयक्तिक प्रोफाईलमध्ये कोणतीही दुरूस्ती करण्यात येणार नाही, अशी तरतुद आहे. ही तरतुद शासनाच्या संदर्भ क्र.३ येथील दि.०७.११.२०२४ रोजीच्या पत्रान्वये जिल्हांतर्गत बदलीकरिता घोषित केलेल्या वेळापत्रकामधील सूचनांद्वारे सर्व मुख्य कार्यकारी अधिकारी, जिल्हा परिषद यांच्या निदर्शनास आणण्यात आलेली आहे.

तथापि, बदली पोर्टलवर बदलीपात्र शिक्षकांच्या याद्या प्रसिद्ध झाल्यानंतर देखील विविध न्यायालयीन प्रकरणांच्या अनुषंगाने जिल्हा परिषद, छ. संभाजीनगर, धुळे, जळगांव व अहिल्यानगर यांच्याकडून बदली अधिकारप्राप्त शिक्षकांच्या यादयांमध्ये दुरूस्ती करण्यासाठी शासनास विनंती करण्यात आली होती.

३. तसेच सद्यस्थितीत जिल्हा परिषद, नांदेड यांनी विशेष संवर्ग १ व २ मध्ये बदली पोर्टलवर दुबार अर्ज सादर करण्याकरिता टॅब उपलब्ध करून देण्याची विनंती केली आहे. याबाबत अनेक जिल्हा परिषदांकडून देखील दुरध्वनीद्वारे विचारणा करण्यात आली आहे. तसेच विविध लोकप्रतिनिधींमार्फत पत्रव्यवहार करण्यात येत आहे.

४. जिल्हांतर्गत बदली प्रक्रिया ही दि.१८.०६.२०२४ रोजीच्या शासन निर्णयातील तरतुदीनुसार संगणकीय प्रणालीद्वारे ऑनलाईन पद्धतीने या शासन निर्णयामध्ये नमूद विविध टप्प्यांनुसार राबविण्यात येते. त्यामुळे संगणकीय प्रणालीमध्ये एक टप्पा पूर्ण करून दुसऱ्या टप्प्यामध्ये जात असताना पुन्हा आधीच्या टप्प्यावरील कार्यवाहीमध्ये बदल करता येणे शक्य नाही. जिल्हांतर्गत बदली प्रक्रिया राबविण्याकरिता वेळापत्रकानुसार सुमारे पाच महिन्यांचा कालावधी आवश्यक आहे. त्यानुसार वेळापत्रक विहित करण्यात आले आहे. त्यामुळे बदली प्रक्रियेमध्ये प्रोफाईल अपडेट करणे, बदलीस होकार/नकार दर्शविणे, बदलीकरिता पसंतीक्रम भरणे ही कार्यवाही अचूकपणे करण्याची जबाबदारी संबंधित शिक्षकांची आहे. तसेच ही कार्यवाही याकरिता विहित केलेल्या वेळापत्रकानुसार पूर्ण करण्याची जबाबदारी सर्व जिल्हा परिषदांची आहे. वैयक्तिक अडचणींकरिता या वेळापत्रकामध्ये बदल करणे शक्य नाही. त्यामुळे बदली पोर्टलबाबत विविध तांत्रिक मुद्दयांबाबत येणाऱ्या अडचणींबाबत सातत्याने शासन स्तरावर पत्रव्यवहार न करता जिल्हा परिषदांनी आपल्या नोडल अधिकाऱ्यांमार्फत मे. विन्सीस आय.टी. सर्व्हिसेस प्रा.लि., पुणे यांच्याशी संपर्क करून विहित मुदतीत समन्वयाने तपासून सोडविणे आवश्यक आहे.

५.जिल्हांतर्गत बदली प्रक्रिया राबविताना उपरोक्त दिलेल्या सूचनांचे पालन करण्याची आपणांस विनंती आहे.

परिपत्रक पीडीएफ प्रत लिंक

आपली, (नीला रानडे) उप सचिव, महाराष्ट्र शासन
महाराष्ट्र शासन ग्रामविकास विभाग

संवर्ग 01 साठी
बदलीतून सूट हवी

बदलीतून सूट नको

संवर्ग 02
ज्या जोडीदारास बदली हवी त्या जोडीदाराचा बदली करण्यासाठी नोंदणी फॉर्म

================
हे दोन फॉर्म भरण्यासाठी पोर्टलवर वेळापत्रक दिले आहे.
फॉर्म ओपन होण्यासाठी
थोडी तांत्रिक अडचण निर्माण झालेली आहे.

तांत्रिक अडचण निवारण झाल्यानंतर आपणास कळवले जाईल.

आज फक्त फॉर्म पाहून घ्यावा.
घाई करून चुकीचा फॉर्म भरू नये.

एकदम व्यवस्थित सुरू झाल्यानंतर फॉर्म भरावा.
आज घाई करू नये.

उद्या फॉर्म भरला तरी चालेल.

               बदली कक्ष 

बदली पोर्टल लिंक
👇👇

https://ott.mahardd.com

Also Read 👇

क्र. न्यायाप्र-१३२५/प्र.क्र.१३०/आस्था-१४

दिनांक :- ६/६/२०२५

विषय :- मा. उच्च न्यायालय, मुंबई, औरंगाबाद व नागपूर येथे दाखल विविध रिट याचिकांच्या अनुषंगाने मा. न्यायालयाने दिलेल्या अंतरिम निकालाबाबत.

महोदय,

सद्य:स्थितीत जिल्हा परिषद शिक्षकांच्या जिल्हांतर्गत बदलीबाबतची कार्यवाही ऑनलाईन पोर्टलव्दारे सुरु असून, याबाबत मा. उच्च न्यायालय, मुंबई, औरंगाबाद व नागपूर येथे विविध न्यायालयीन प्रकरणे दाखल होत आहेत. ज्या न्यायालयीन प्रकरणी मा. उच्च न्यायालयाने अंतरिम स्थगिती देण्यात आली आहे, अशा प्रकरणांमध्ये प्रचलित शासन निर्णयातील तरतुदी प्रतिज्ञापत्राव्दारे तात्काळ मा. न्यायालयाच्या निदर्शनास आणून, सदर अंतरिम स्थगिती तात्काळ उठविणे बाबत आवश्यक ती कार्यवाही करण्याची आपणांस विनंती आहे.

आपली,

परिपत्रक पीडीएफ प्रत लिंक

(नीला रानडे) उप सचिव, महाराष्ट्र शासन
ग्रामविकास विभाग, मुंबई

प्रति,
मुख्य कार्यकारी अधिकारी, जिल्हा परिषद (सर्व)

Also Read 👇

न्यायालयीन प्रकरण

क्र. न्यायाप्र-१३२५/प्र.क्र.१३०/आस्था-१४

दिनांक :- ३०/५/२०२५

विषय :- रिट याचिका क्र.६४७५/२०२५ व इतर संलग्न याचिकेमध्ये मा. उच्च न्यायालय, औरंगाबाद यांनी दिलेल्या निकालानुसार सन २०२५ च्या जिल्हांतर्गत बदलीमध्ये संवर्ग-३ मधून बदली अर्ज करण्यासाठी संधी उपलब्ध करुन देणेबाबत.

संदर्भ :- नोडल अधिकारी तथा उप शिक्षणाधिकारी (प्राथ), जि.प. जळगाव यांचे पत्र क्र. शिक्षण/आस्था-३/आरआर/१६५/२०२५,दि.२८.५.२०२५.

महोदय,

उपरोक्त विषयाबाबत नोडल अधिकारी तथा उप शिक्षणाधिकारी (प्राथ), जि.प. जळगाव यांनी यांनी संदर्भाधिन पत्रान्वये केलेल्या विनंतीच्या अनुषंगाने आपणांस कळविण्यात येते की, मा. उच्च न्यायालय, औरंगाबाद येथे दाखल रिट याचिका क्र.६४७५/२०२५ व इतर संलग्न याचिकांमध्ये मा.न्यायालयाने दि.२७.५.२०२५ रोजी दिलेल्या न्याय-निर्णयानुसार याचिकाकर्त्या शिक्षकांना सन २०२५ च्या जिल्हांतर्गत बदल्यामध्ये संवर्ग-३ मधुन बदली अर्ज करण्यासाठी संधी उपलब्ध करुन देण्यात यावी, अशी आपणांस विनंती आहे. तसेच मा. न्यायालयाचा अवमान होणार नाही, याची दक्षता घेण्यात यावी.

परिपत्रक पीडीएफ कॉपी लिंक

आपली,

(ज्योत्स्ना अर्जुन) कक्ष अधिकारी, महाराष्ट्र शासन
महाराष्ट्र शासन
ग्रामविकास विभाग
बांधकाम भवन, २५, १ ला मजला, मर्झबान रोड, फोर्ट, मुंबई

प्रत :- १) मुख्य कार्यकारी अधिकारी, जि.प. (छत्रपती संभाजीनगर /जळगाव).

२) शिक्षणाधिकारी (प्राथमिक), जि.प. (छत्रपती संभाजीनगर/जळगाव).

प्रति,
मे. विन्सीस आयटी सर्व्हिसेस प्रा.लि., पुणे.

Also Read 👇

शिक्षण संचालनालय (माध्यमिक व उच्च माध्यमिक)

क्र. शिसंमा/2024-25/न्या.प्र./टि-8/07652/02607

दिनांक 28 MAY 2025

विषय :- मा. उच्च न्यायालय, मुंबई येथे दाखल याचिका क्र. 5456/2025 सह इतर यांचिकांमध्ये मा. न्यायालयाने दिलेल्या आदेशाच्या अनुषंगाने कार्यवाही करण्याबाबत…

संदर्भ :-

1. मा. उच्च न्यायालय, मुंबई येथे दाखल याचिका क्र.5456/2025 मधील निर्णय दि.23.04.2025
2. मा. उच्च न्यायालय, मुंबई यांचे याचिका क्र. 5456/2025 सह इतर रिट याचिकांमधील निर्णय दि.06.05.2025
3. शासन पत्र क्र.न्यावाप्र-2025/प्र.क्र. 86/टिएनटी-2, दि.27.05.2025

उपरोक्त विषयांकित प्रकरणी मा. उच्च न्यायालय, मुंबई यांचे संदर्भाकीत आदेश सोबत जोडून पाठविण्यात येत आहे. त्या अनुषंगाने आपणांस कळविण्यात येते की, रिट याचिका क्र. 5456/2025 सह इतर याचिकांमध्ये मा. उच्च न्यायालयाने संदभांकित दि.23.04.2025 रोजी “In the event, the Zilla Parishad is in the process of issuing orders of shifting these teachers from one section to another section or by declaring them surplus, which is to be effective from the academic year June, 2025-2026, we would appreciate if this process is not formalized since we are hearing the matter on 5th May, 2025.” असे आदेश दिलेले आहेत.

तसेच दि.06.05.2025 रोजी “The ad-interim protection granted on 23rd April, 2025 in Writ Petition No.5456 of 2025, would be applicable to all the Petitioners, till the next date and status quo be maintained. This order would not apply to the intra-district transfers.” असे आदेश दिलेले आहेत. सदर आदेशाच्या अनुषंगाने कार्यवाही करण्यात यावी.

प्रसंगतः असेही नमूद करण्यात येते की, मा. उच्च न्यायालय, मुंबई यांच्या संदर्भाकीत आदेशांचे अवमान होणार नाही याची दक्षता घेण्यात यावी.

परिपत्रक पीडीएफ लींक

(डॉ. महेश पालकर) शिक्षण संचालक (माध्यमिक व उच्च माध्यमिक)

प्रत माहितीस्तव सविनय सादर 1. मा. आयुक्त (शिक्षण), महाराष्ट्र राज्य, पुणे

2. मा. उपसचिव, शालेय शिक्षण व क्रीडा विभाग, मंत्रालय, मुंबई

प्रति.विभागीय शिक्षण उपसंचालक (सर्च) शिक्षणाधिकारी (माध्यमिक), जिल्हा परिषद (सर्व) शिक्षण निरीक्षक (पश्चिम/दक्षिण/उत्तर), बृहन्मुंबई

Also Read 👇

आज दिनांक 27 मे 2025 रोजी बदली पोर्टलवर लॉगिन केले असता बदली पोर्टल वर शिक्षणाधिकारी लॉगिन मध्ये शिक्षकांची माहिती अपलोड करणे व असलेली माहिती दुरुस्त करणे यासाठी 28 मे 2025 पर्यंत मुदत दिलेली आहे

त्याबरोबरच गटशिक्षणाधिकारी लॉगिन वरून शिक्षकांची प्रोफाइल माहिती एक्सेप्ट करण्यासाठी देखील दिनांक 28 मे 2025 पर्यंत मुदत देण्यात आली आहे.

बदली पोर्टलवर दिनांक 24 मे 2025 रोजी बदली पात्र,  बदली अधिकार प्राप्त व अवघड क्षेत्रासाठी पात्र शिक्षकांच्या प्रसिद्ध करण्यासाठी मुदत देण्यात आली होती.

परंतु मुदतीत याद्या प्रसिद्ध केल्यानंतर त्यामध्ये अनेक चुका लक्षात आल्यामुळे आता त्या चुका दुरुस्त करण्यासाठी शिक्षकांच्या प्रोफाईल मधील माहिती दुरुस्त करण्यासाठी वेळ वाढवून दिला आहे.

अवघड क्षेत्रातील ज्या शाळा 2022 ला सुगम करण्यात आल्या अशा शिक्षकांना बदली अधिकार पात्र मधून एक संधी देण्याकरिता त्यांची पुरवणी यादी सुद्धा ज्या कार्यालयाची अपलोड झालेली ती करण्याकरिता गट शिक्षणाधिकारी यांच्या लॉगिन वरून करण्याकरिता लॉगिन उपलब्ध करून देण्यात आलेले आहे

शिक्षक प्रोफाइल दुरुस्तीसाठी दिनांक 27 व 28 मे 2025 या दोन दिवसाचा कालावधी दिलेला आहे.

अर्थात दिनांक 28 मे 2025 पर्यंत हे काम पूर्ण झाल्यानंतर सर्व जिल्ह्यांच्या रिक्त पदांच्या व इतर याद्या पोर्टलवर पब्लिश होऊ शकतात.

बदली पोर्टल लिंक.

संचमान्यता सन 2023-24 व सन 2024-25 नुसार सर्व जिल्हा परिषदांनी रिक्त पदांची माहिती अद्ययावत करुन तयार ठेवावी. बदली प्रक्रिया करिता कोणती संच मान्यता घ्यावी याबद्दल अधिकृत सुचना दिलेली नाही अधिकृत सूचना आरडीडी कडून प्राप्त झाल्यानंतर पोर्टल सुरु होताच सदर माहिती एक दिवसामध्ये भरुन पूर्ण करावी.

मे.विन्सीस कडून बदलीपात्र शिक्षकांच्या याद्या प्रसिध्द करण्यात येतील व बदलीची पुढील प्रक्रिया सुरु होईल.

जि.प. शिक्षकांच्या बदल्यांबाबत महत्वाच्या सूचना –

1) प्रोफाईल अपडेट साठी पोर्टल केवळ दोनच दिवस सुरु राहील. त्यानंतर प्रोफाईल अपडेट करता येणार नाही, याची सर्व जिल्हा परिषदांनी कृपया नोंद घ्यावी.
2) संचमान्यता सन 2023-24 व सन 2024-25 नुसार सर्व जिल्हा परिषदांनी रिक्त पदांची माहिती अद्ययावत करुन तयार ठेवावी. पोर्टल सुरु होताच सदर माहिती एक दिवसामध्ये भरुन पूर्ण करावी.
3) मे.विन्सीस कडून बदलीपात्र शिक्षकांच्या याद्या प्रसिध्द करण्यात येतील व बदलीची पुढील प्रक्रिया सुरु होईल.

कार्यासन- आस्था-14,
ग्राम विकास विभाग, मंत्रालय, मुंबई.

Also Read 👇

❝।।जिल्हा अंतर्गत बदल्यांचे पोर्टल उद्यापासून सुरू होणार...! माननीय RDD आणि व्हिन्सीस कंपनीकडून स्पष्ट।।❞

शिक्षक बदली पोर्टल अपडेट
तारीख : 17 मे 2025

1️⃣ सध्या फक्त अधिकारी वर्गासाठी लॉगिन सुरू
▪️ गटशिक्षणाधिकारी, शिक्षणाधिकारी व मुख्य कार्यकारी अधिकारी यांच्यासाठी प्रोफाईल अपडेटची सुविधा सुरू.
▪️ शिक्षक लॉगिन फक्त प्रोफाईल तपासणीसाठी खुला.

2️⃣ प्रोफाईल अपडेटची अंतिम तारीख आज
➡️ 17 मे 2025 पर्यंत अधिकाऱ्यांनी शिक्षकांचे प्रोफाईल अपडेट पूर्ण करावेत.

3️⃣ शिक्षक प्रोफाईलमध्ये बदल कसे करायचे?
✅ बदल फक्त अधिकारी लॉगिनवरूनच करता येतील.
❌ शिक्षकांना स्वतः बदल करता येणार नाहीत.

4️⃣ अर्ज भरण्याची प्रक्रिया
➡️ 18 मे 2025 पासून संवर्ग 1 (Category 1) साठी ऑनलाइन अर्ज भरण्याची सुविधा सुरू होण्याची दाट शक्यता.

महत्वाचे
▪️ आपल्या प्रोफाईलची वेळेत तपासणी करा.

▪️ आवश्यक सुधारणा संबंधित अधिकाऱ्यांकडून करून घ्या.

जिल्हांतर्गत बदली विशेष संवर्ग -१ बाबतीत लक्षात घ्यायचे महत्त्वाचे मुद्दे

संवर्ग भाग -१ च्या शिक्षकांना एक-दोन दिवसात पोर्टलवर होकार किंवा नकार देण्याची सुविधा उपलब्ध होईल .परंतु त्यापूर्वी आपण संवर्ग-१चा लाभ घेत असाल तर खालील मुद्द्यांचे अवलोकन करावे जेणेकरून आपणास जिल्हांतर्गत बदली करिता कोणतीही अडचण येणार नाही
१:.८ विशेष संवर्ग शिक्षक भाग -१ महत्त्वाचे मुद्दे :-

➡️. विशेष संवर्ग १ विनंती बदलीसाठीचा प्राधान्यक्रम हा विशेष संवर्ग शिक्षकांच्या व्याख्येमधील नमूद केलेल्या क्रमवारीनुसार राहील.

➡️संवर्ग शिक्षक भाग १ ला फक्त बदली पात्र शिक्षकांच्या जागा प्राधान्यक्रम भरतेवेळी दाखवण्यात येतील

➡️विशेष संवर्ग भाग १ शिक्षकांनी पोर्टलवर प्राधान्यक्रम भरताना १ते ३० शाळा़चा समावेश करू शकतात ३०-शाळांचा प्राधान्यक्रम भरणे अनिवार्य नाही . परंतु आपला प्राधान्यक्रम सबमिट होण्यासाठी किमान एक प्राधान्यक्रम भरणे अनिवार्य असेल.

➡️संवर्ग -१च्या शिक्षकांना बदली करताना कार्यरत शाळेवरील सेवेची अट लागू राहणार नाही .अर्थातच प्रथमता संवर्ग एक मधून आपण बदली घेत असाल तर कार्यरत शाळेवर कितीही दिवस झाले असतील तरी सुद्धा आपण बदली करिता अर्ज करू शकाल.

➡️. विशेष संवर्ग भाग -१ अंतर्गत एकदा बदलीचा लाभ घेतल्यानंतर संबंधित शिक्षकांना पुढील तिन वर्ष त्याच संवर्गातून विनंती बदलीसाठी अर्ज करता येणार नाही.

➡️ संवर्ग -१च्या शिक्षकांची सेवा सर्वसाधारण क्षेत्रात 10 वर्षांपेक्षा कमी झालेली असेल व त्यांनी बदली करिता होकार किंवा नकार दिलेला असेल तर त्यांना दिलेल्या प्राधान्यक्रमानुसार शाळा मिळाली नाही. तर त्यांची बदली होणार नाही .व तसेच त्यांची पुढील कोणत्याही टप्प्यावर बदली होणार नाही. तसेच संवर्ग-१ शिक्षकांनी बदली करिता होकार दिलेला असेल व पोर्टलवर आपण प्राधान्यक्रम नोंदवलेला नसेल तरीसुद्धा आपली बदली होणार नाही.

⏩ विशेष संवर्ग भाग १ शिक्षकांची सेवा सर्वसाधारण क्षेत्रात १० वर्षांपेक्षा जास्त झालेली असेल तर संवर्ग-१ शिक्षकांना त्यांच्या प्राधान्यक्रमानुसार एकही शाळा मिळाली नाही. तर त्या टप्प्यावर त्यांची बदली होणार नाही परंतु पुढील बदली टप्प्यामध्ये म्हणजेच बदली पात्र शिक्षक किंवा अवघड क्षेत्रातील रिक्त जागा भरणे या टप्प्यामध्ये त्यांचे नाव असल्यास संबंधित बदली टप्प्यामध्ये त्यांची बदली होऊ शकते.

⏩विशेष संवर्ग भाग १ शिक्षक बदलीसाठी सध्या ज्या शाळेत आहे ती शाळा पसंती क्रमात निवडू शकणार नाहीत.

⏩संवर्ग १ ज्या शिक्षकांना सर्वसाधारण क्षेत्रात १० पेक्षा जास्त सलग सेवा झालेली असेल व त्यांनी पोर्टलवर होकार किंवा नकार नोंदवलेला नसेल तर त्यांची बदली ही बदली पात्र किंवा अवघड क्षेत्रातील रिक्त जागा भरण्याच्या टप्प्यावर होऊ शकते.

⏩ एखाद्या विशिष्ट संवर्गामध्ये अनेक कर्मचाऱ्यांनी विनंती बदली मागितली असल्यास त्यांच्या सेवाज्येष्ठता विचारात घेऊन जेष्ठ कर्मचाऱ्यास प्रथमत: बदली अनुज्ञेय राहील.

⏩ सेवाज्येष्ठता समान असल्यास वयाने ज्येष्ठ असणाऱ्या कर्मचाऱ्यास प्राधान्याने बदली अनुज्ञेय राहील.

वरील मुद्द्यांचा विचार करून आपण संवर्ग एक मध्ये होकार किंवा नकार द्यायचा ते ठरवू शकता.

या नंतर बदली पोर्टलवर शाळा व शिक्षक माहितीमध्ये कोणत्याही परिस्थितीत कोणताही बदल होणार नाही असे माननीय RDD आणि व्हिंसीस कडून स्पष्ट केले आहे.
दिनांक 18 पासून बदली पोर्टलवर पुढील प्रक्रिया सुरू होणार आहे .
बदली पात्र याद्या
बदली अधिकार पात्र याद्या
अवघड क्षेत्र राऊंड याद्या
पब्लिश होतील.
एक दिवस
रिक्त पदे अपलोड करणे
चार दिवस
संवर्ग 01 होकार नकार
संवर्ग 02 बदली अर्जासाठी संमती
तीन दिवस
संवर्ग निहाय बदली अर्ज आणि बदल्या
4+4 दिवस
वरील माहिती बदली पात्र शिक्षकांच्या सेवेसाठी सेवेत सादर

Also Read 👇

जिल्हा परिषद शिक्षकांच्या जिल्हांतर्गत बदल्यांबाबतचे वेळापत्रक

क्रमांक. जिपब-११२५/प्र.क्र.१४/आस्था-१४
दिनांक:-०९ एप्रिल, २०२५

विषय :- सन २०२५ ची जिल्हांतर्गत बदली प्रक्रिया विहीत वेळापत्रकानुसार पूर्ण करणेबाबत.

संदर्भ: शासन सम क्रमांक दि.०७.११.२०२४ रोजीचे पत्र.

महोदय,
उपरोक्त विषयाबाबत संदर्भाधीन शासन समक्रमांक दि.७.११.२०२४ रोजीच्या पत्रान्वये जिल्हा परिषद शिक्षकांच्या जिल्हांतर्गत बदल्यांबाबतचे वेळापत्रक घोषित करणेत आले आहे. सदर वेळापत्रक मा. उच्च न्यायालय, नागपूर यांनी अवमान याचिका क्र.२१६/२०२४ मध्ये दिलेल्या निर्देशानुसार घोषित करण्यात आले असून त्यानुसार जिल्हांतर्गत बदली प्रक्रिया राबविणेबाबत कालबध्द कार्यक्रम तयार करण्यात आला आहे.

त्यामुळे प्रधान सचिव (ग्राम विकास) यांनी या विषयाबाबत दि.०४.०४.२०२५ रोजी व्हिडिओ कॉन्फरन्सिंगव्दारे झालेल्या बैठकीमध्ये जिल्हा परिषद शिक्षकांची जिल्हांतर्गत बदली प्रक्रिया निश्चित केलेल्या वेळापत्रकानुसार पूर्ण करण्याच्या सूचना दिलेल्या आहेत. त्यानुसार विहीत वेळेमध्ये कार्यवाही पूर्ण करण्याची आपणांस विनंती आहे.

आपली,

👉 Circular pdf Copy Link

कक्ष अधिकारी, महाराष्ट्र शासन

प्रति,
१) मुख्य कार्यकारी अधिकारी, जिल्हा परिषद (सर्व),
२) मे.विन्सीस आय.टी.सर्व्हिसेस प्रा.लि, पुणे.

Also Read –

महाराष्ट्र शासन ग्रामविकास विभाग बांधकाम भवन, मुंबई

संकीर्ण-१२२५/प्र.क्र.३४/आस्था-१४

दिनांक :- २८ फेब्रुवारी, २०२५

प्रति,

१) मुख्य कार्यकारी अधिकारी (सर्व) जिल्हा परिषद,

२) मे. विन्सीस आयटी सर्व्हसेस प्रा. लिमिटेड, पुणे.

विषयः- आंतरजिल्हा बदली २०२४-२५ बाबत.

महोदय,

जिल्हा परिषदेअंतर्गत कार्यरत शिक्षक संवर्गाच्या आंतरजिल्हा बदलीसाठीचे सुधारित धोरण शासनाच्या दि.२३.५.२०२३ रोजीच्या शासन निर्णयान्वये निश्चित केले आहे. सदर शासन निर्णयातील तरतुदीनुसार ऑनलाईन आंतरजिल्हा बदली सन २०२४-२५ राबविण्याकरीता खालीलप्रमाणे वेळापत्रक निश्चित करण्यात येत आहे.

अ.क्र. जिल्हा परिषदा व मे. विन्सीस आयटी सव्हीसेस प्रा. लिमिटेड यांनी करावयाची कार्यवाही

१ शिक्षकांची माहिती पोर्टलवर अद्ययावत करणे

कालावधी दि.१० मार्चपर्यंत

२ जिल्हा परिषदांनी बिंदुनामावल्या तपासून घेणे व पोर्टलवर बिंदुनामावल्या व रिक्त पदांची माहिती अपलोड करणे. (यापूर्वी आंतरजिल्हा बदली झालेल्या तथापि, संबंधित जिल्हा परिषदांकडून अद्यापपर्यंत कार्यमुक्त न केलेल्या शिवाकांची पदे आंतरजिल्हा बदली झालेल्या जिल्हा परिषदेने ऑनलाईन पोर्टलवर रिका दाखवू नयेत.)

कालावधी दि.११ मार्च ते १३ मार्च

३ शिक्षकांना ऑनलाईन पोर्टलवर अर्ज भरण्याची सुविधा देणे

कालावधी दि.१४ मार्च ते २० मार्च

४ अर्जाची पडताळणी करणे.

कालावधी दि.२१ मार्च ते २५ मार्च

५ न्यायालयीन प्रकरणे/विभागीय आयुक्तांकडे अपिल दाखल केलेल्या प्रकरणी बदलीबाबतचे स्पष्ट आदेश असल्यास या प्रकरणी प्रथमतः तपासून प्राधान्य देणे.

कालावधी दि.२६ मार्च ते २७ मार्च

६ आंतरजिल्हा बदली प्रक्रिया पुर्ण करणे.

कालावधी दि.२८ मार्च ते ६ एप्रिल

२. उपरोक्त वेळापत्रकाबरोबर खालील महत्वाच्या बाबी आपल्या निदर्शनास आणण्यात येत आहेत.

२.१ यापूर्वी आंतरजिल्हा बदली झालेल्या तथापि, संबंधित जिल्हा परिषदांकडून अद्यापपर्यंत कार्यमुक्त न केलेल्या शिक्षकांची पदे आंतरजिल्हा बदली झालेल्या जिल्हा परिषदेने ऑनलाईन पोर्टलवर रिक्त दाखवू नयेत.

२.२ दि.२३.५.२०२३ च्या शासन निर्णयातील तरतुदीनुसार आंतरजिल्हा बदलीसाठी पात्र असलेल्या शिक्षकांनाच पोर्टलवर अर्ज भरण्याची संधी देण्यात यावी.

२.३ ज्या जिल्हा परिषदेमध्ये एखाद्या प्रवर्गामध्ये मंजूर पद संख्येपेक्षा अतिरिक्त शिक्षक कार्यरत असतील, अशा शिक्षकांची अतिरिक्त संख्या ऑनलाईन पोर्टलवर दर्शविण्यात यावी.

आपली,
(ज्योत्स्ना अर्जुन)
कक्ष अधिकारी, महाराष्ट्र शासन

Also Read 👇

जिल्हा प.शिक्षक ऑनलाईन बदली पोर्टल ACTIVE

मधील विशेष बाबी

माननीय सीईओ आणि ईओ पोर्टलवर त्यांच्या लॉगिनवरून त्यांच्या जिल्ह्याचा नवीन शाळा आणि शिक्षकांचा डेटा जोडू शकतात. तसेच ते डेटा अपडेट आणि हटवू शकतात.

नवीन शाळा जोडण्यासाठी, खालील पायऱ्या आहेत.

ईओ/सीईओ पोर्टलवर लॉगइन करून

नवीन शाळा जोडण्यासाठी, खालील पायऱ्या आहेत.
 शिक्षक जिल्हांतर्गत बदली बाबत.

संदर्भ: व्हिन्सीस मार्फत झालेली व्हिसी दिनांक 10.02.2025

वरील संदर्भिय विषयाच्या अनुषंगाने तमाम शिक्षक बंधू भगिनी आपणास कळविण्यात येते की, प्राथमिक शिक्षकांच्या जिल्हांतर्गत बदल्यांची प्रक्रिया सुरू होत आहे.

1) पहिल्या फेज मध्ये
ACTIVE SCHOOL
INACTIVE SCHOOL
ACTIVE TEACHER
INACTIVE TEACHER
NEW TEACHER ADDING चे काम जिल्हास्तरावरून सुरू होणार आहे .

2) बदली पोर्टलवर ज्या शिक्षकांची प्रोफाईल पूर्वीपासून अस्तित्वात आहे त्या शिक्षकांना Read Only मोड मध्ये त्यांच्या प्रोफाईल मधील माहिती दिसनार आहे.

3) ज्या शिक्षकांच्या प्रोफाईल मध्ये अपडेशन करावयाचे आहे ते अपडेशन तालुकास्तरीय पडताळणी नंतर जिल्हास्तरावरून होणार आहे.

4) वरील काम संपल्यावर किंवा सोबतच सर्व शिक्षकांचे प्रोफाईल अपडेशन आणि व्हेरिफिकेशन प्रक्रिया तालुकास्तरावरून सुरू होण्याची शक्यता आहे.

दिनांक 30.12.2024 च्या पत्रातील सूचनेनुसार आपल्या स्तरावरील बदली माहितीची संपूर्ण प्रक्रिया पूर्ण करून दिनांक 10.02.2025 रोजी या कार्यालयात माहिती सादर करण्यासाठी आपणास अवगत करण्यात आले होते .
 
जिल्हा परिषद शिक्षकांच्या जिल्हांतर्गत बदली शासन परिपत्रक 7 एप्रिल 2021 शासन वेळापत्रकाप्रमाणे जिल्हा परिषद शिक्षकांच्या जिल्हांतर्गत बदल्यांबाबत वेळापत्रक…
– कार्यासन अधिकारी, महाराष्ट्र शासन

दिनांक – ७ नोव्हेंबर, २०२४ प्रमाणे

संवर्ग १ बदली – २८ एप्रिल ते ३ मे २०२५
संवर्ग २ बदली – ४ मे ते ९ मे २०२५
संवर्ग ३ बदली – १० मे ते १५ मे २०२५
संवर्ग ४ बदली – १६ मे ते २१ मे २०२५
विस्थापित बदल्या – २२ मे ते २७ मे २०२५
अवघड क्षेत्रातील जागा भरणे – २८ मे ते ३१ मे २०२५

महाराष्ट्र शासनाच्या ग्रामविकास विभागाने जिल्हा परिषद शिक्षकांच्या जिल्हांतर्गत बदल्यांसाठी सुधारित धोरण आणि वेळापत्रक जाहीर केले आहे. दिनांक १८ जून २०२४ रोजीच्या शासन निर्णयानुसार, बदल्यांची प्रक्रिया ऑनलाईन पोर्टलद्वारे राबविली जाईल.
बदली प्रक्रियेमध्ये समाविष्ट शिक्षकांचे वैयक्तिक प्रोफाईल तयार करणे/अद्ययावत करणे, पडताळणी करणे व त्यामध्ये दुरुस्ती करणे याबाबतची कार्यवाही दि.२८ फेब्रुवारी पर्यंत अद्ययावत करणे आवश्यक आहे

बदली पोर्टल सुरू झाले आहे लिंक 👇

जिल्हा परिषदेकडून अधिकृत सूचना आल्यानंतरच वेळापत्रकाप्रमाणे कार्यवाही करावी

महाराष्ट्र शासन ग्राम विकास विभाग, मंत्रालय,
मुंबई

क्रमांक : न्यायाप्र-२०२४/प्र.क्र. १०५/आस्था-१४

दिनांक:- ७ नोव्हेंबर, २०२४

प्रति,
१) मुख्य कार्यकारी अधिकारी, जिल्हा परिषद (सर्व).
२) मे. विन्सीस आय टी सर्विसेस प्रा. लि., पुणे.

विषय :- जिल्हा परिषद शिक्षकांच्या जिल्हांतर्गत बदल्यांबाबतचे वेळापत्रक

महोदय,
जिल्हा परिषद शिक्षकांच्या जिल्हांतर्गत बदल्यांसाठीचे सुधारित धोरण दिनांक १८.६.२०२४ रोजीच्या शासन निर्णयानुसार निश्चित करण्यात आले आहे. त्यानुसार तसेच यापूर्वी शासनाने वेळोवेळी विहीत केलेल्या धोरणानुसार शिक्षकांच्या जिल्हांतर्गत बदल्यांची प्रक्रीया ऑनलाईन पोर्टल द्वारे राबविण्यात येते.

Update Data of Teachers in District for Intra District Transfer of Zilla Parishad Teachers जिल्हा परिषद शिक्षकांच्या जिल्हा/आंतरजिल्हा बदलीसाठी जिल्ह्यातील शिक्षकांचा डेटा अपडेट करा

२. मा. उच्च न्यायालय, नागपूर येथे दाखल अवमान याचिका क्र.२१६/२०२४ वरील दि.२५.१०.२०२४ रोजी झालेल्या सुनावणी दरम्यान मा. उच्च न्यायालयाने बदल्यांसाठीचे ऑनलाईन पोर्टल हे संपूर्ण बदली प्रक्रीयेदरम्यान संपूर्ण राज्यासाठी विहीत वेळापत्रकानुसार कार्यान्वित (functional) असावे, असे निदेश दिलेले आहेत.

३. तद्नुषंगाने आपणांस असे कळविण्यात येते की, यापुढे दरवर्षी राबविण्यात येणाऱ्या जिल्हांतर्गत बदली प्रक्रीयेसाठी सर्वसाधारणपणे संचमान्यतेची प्रक्रीया पूर्ण होऊन शाळांमधील शिक्षकांची संख्या निश्चित झाल्यानंतर, संबंधित जिल्हा परिषदेने ऑनलाईन बदली प्रक्रियेसाठी आवश्यक माहितीची पूर्वतयारी करण्याची प्रक्रिया सुरु करावी. तसेच जिल्हा परिषदेने अवघड क्षेत्र घोषित अथवा घोषित क्षेत्र प्रसिध्द करण्याची कार्यवाही करावी.

४. तद्नंतर खालील वेळापत्रकानुसार जिल्हांतर्गत बदली प्रक्रिया राबविण्यात यावी:-

जिल्हा परिषद शिक्षकांच्या जिल्हांतर्गत बदल्यांसाठीचे सुधारित धोरण दिनांक १८.६.२०२४ रोजीच्या शासन निर्णयानुसार निश्चित करण्यात आले आहे. संपूर्ण शासन निर्णय वाचण्यासाठी या ओळीला स्पर्श करा

अ. क्र. बाब दिनांक

Intra District Transfers of Zilla Parishad Primary Teachers

५. बदली प्रक्रियेमध्ये समाविष्ट शिक्षकांचे वैयक्तिक प्रोफाईल तयार करणे/अद्ययावत करणे, पडताळणी करणे व त्यामध्ये दुरुस्ती करणे याबाबतची कार्यवाही दि.२८ फेब्रुवारी पर्यंत अंतिम करण्यात
यावी. बदली प्रक्रिया सुरु झाल्यानंतर शिक्षकांच्या वैयक्तिक प्रोफाईलमध्ये कोणतीही दुरुस्ती करता येणार नाही.
६. सदर वेळापत्रक सर्व शिक्षकांच्या निदर्शनास आणण्याची जबाबदारी संबंधित मुख्य कार्यकारी अधिकारी, जिल्हा परिषद यांची राहील. उपरोक्त वेळापत्रकानुसार पोर्टल व्यवस्थितरित्या सुरु ठेवणेबाबतची जबाबदारी मे. विन्सीस आयटी प्रा.लि. पुणे यांची राहील.
७. तथापि, एखाद्या वर्षी काही अपरिहार्य कारणास्तव बदली प्रक्रीया राबविणे शक्य नसल्यास व तसे शासनाने स्वतंत्रपणे कळविल्यास त्या विशिष्ट वर्षासाठी सदरचे वेळापत्रक लागू राहणार नाही. तसेच एखाद्या शिक्षकाने चुकीची माहिती भरून शासनाची दिशाभूल केल्याचे निदर्शनास आल्यास त्यांच्याविरुध्द शिस्तभंगविषयक कार्यवाही करण्यात यावी.

👉 Circular pdf Copy Link

परिपत्रक पिडीएफ मध्ये हवे असल्यास फक्त या ओळीला स्पर्श करा

आपला,
(नितीन स. पवार)
कार्यासन अधिकारी, महाराष्ट्र शासन