Maharashtra RTI Rules 2026
Maharashtra RTI Rules 2026
These rules may be called the Maharashtra Right to Information Rules, 2026.
Maharashtra mahiticha adhikar nium, 2026
RNI No. MAHBIL/2009/31733
सत्यमेव जयते
महाराष्ट्र शासन राजपत्र
असाधारण भाग चार-अ
वर्ष १२, अंक ७२]
शुक्रवार, जून १२, २०२६/ ज्येष्ठ २२, शके १९४८
[पृष्ठे २२, किंमत : रुपये १५.००
असाधारण क्रमांक २२८
प्राधिकृत प्रकाशन
महाराष्ट्र शासनाने केंद्रीय अधिनियमांन्वये तयार केलेले (भाग एक, एक-अ आणि एक-ल यांमध्ये प्रसिद्ध केलेले नियम व आदेश यांव्यतिरिक्त) नियम व आदेश.
सामान्य प्रशासन विभाग
मंत्रालय, मादाम कामा मार्ग, हुतात्मा राजगुरू चौक, मुंबई ४०००३२, दिनांक १२ जून, २०२६.
अधिसूचनामाहितीचा अधिकार अधिनियम, २००५.
क्रमांक साप्रवि/१२०२०/४/२०२५-साप्रवि-कार्या-६. माहितीचा अधिकार अधिनियम, २००५ (२००५ चा २२) याच्या कलम १८ च्या पोट-कलम (३) च्या खंड (च), कलम १९ च्या पोट-कलम (१०) व कलम २७ च्या पोट-कलम (२) यांद्वारे प्रदान केलेल्या अधिकारांचा वापर करून आणि त्याबाबतीत केलेल्या सर्व विद्यमान नियमांचे अधिक्रमण करून, महाराष्ट्राचे राज्यपाल, याद्वारे, पुढील नियम करीत आहेत :-
१. संक्षिप्त नाव व प्रारंभ.-
(१) या नियमांस, महाराष्ट्र माहितीचा अधिकार नियम, २०२६, असे म्हणावे.
(२) ते, शासकीय राजपत्रातील त्यांच्या प्रसिद्धीच्या दिनांकापासून अंमलात येतील.
२. व्याख्या.-
(१) या नियमांत, संदर्भानुसार दुसरा अर्थ आवश्यक नसेल तर,-
(क) “अधिनियम” याचा अर्थ, माहितीचा अधिकार अधिनियम, २००५ (२००५ चा २२), असा आहे;
(ख) “अपील” याचा अर्थ, कलम १९ च्या अनुक्रमे, पोट-कलम (१) व पोट-कलम (३) अन्वये प्रथम अपिलीय प्राधिकाऱ्याकडे आणि आयोगाकडे केलेले अपील, असा आहे;
(ग) “अपीलकर्ता” याचा अर्थ, जिने अपील दाखल केलेले असेल ती व्यक्ती, असा आहे;
(घ) “प्राधिकृत प्रतिनिधी” याचा अर्थ, आयोगासमोरील कार्यवाहीतील पक्षकाराने कार्यवाहीमध्ये त्याचे प्रतिनिधित्व करण्यासाठी जिला लेखी स्वरूपात प्राधिकृत केलेले असेल ती व्यक्ती, असा आहे;
भाग चार-अ-२२८-१
(१)
संपूर्ण राजपत्र वाचा या ओळीला स्पर्श करून
