Inspire Award MANAK
Inspire Award MANAK
Action Points for Schools for Implementation of INSPIRE – MANAK Scheme Session 2025-26 Enrollment
क्रमांकः सविलिस INSPIRE Award/2025-26/950/2025
दिनांक:-02/05/2025
प्रति,
१) शिक्षणाधिकारी (माध्य.) जि.प. (सर्व)
२) शिक्षण निरीक्षक, मुंबई (दक्षिण पश्चिम / उत्तर)
विषय:- INSPIRE – MANAK योजना सत्र 2025-26 नामांकनात्या अंमलबजावणी करिता शाळांसाठी कृतीचे मुद्दे (Action Points).
संदर्भ :- डॉ. नितीन मौर्य शास्त्रज्ञ आणि NIF समन्वयक INSPIRE – MANAK यांचे पत्र क्र. NIF/INSPIRE/MANAK/04/21 दिनांक 29/04/2025.
उपरोक्त संदर्भाकित विषयाचे अनुषंगाने कळविण्यात येते की, INSPIRE MANAK योजनेंतर्गत सन 2025-26 करिता online नामांकन प्रक्रिया लवकरच INSPIRE MANAK वेब पोर्टलद्वारे सुरु होईल.
🌐
https://inspireawards-dst.gov.in
INSPIRE MANAK कार्यक्रम प्रभावीपणे राबविण्यासाठी आणि सर्वोत्तम नाविन्यपूर्ण तांत्रिक कल्पना नवकल्पना नामांकित करण्यासाठी, संदर्भीय पत्रान्वये, शाळांसाठी कृतीचे मुद्दे (Action Points) देण्यात आलेले आहेत. आपल्या अधिनस्त इ. 6 वी ते 10 वी पर्यंतच्या सर्व शाळांना याबाबत अवगत करण्यात यावे.
शाळांसाठी कृतीचे मुद्दे (Action Points):-
- घोषणाः- इ. 6 वी ते 10 वी पर्यंतच्या सर्व विद्यार्थ्यांना असेम्ब्ली, सूचना फलक, इ.द्वारे या तांत्रिक/नाविन्यपूर्ण स्पर्धेचा व्यापकपणे प्रचार करा जेणेकरून नामांकन तारीख जाहीर होण्यापूर्वी विद्यार्थी त्यांच्या नाविन्यपूर्ण कल्पनासह तयार राहतील.
- नवकल्पना निर्मितीः मूळ कल्पना कशा विकसित कराव्या याबद्दल विद्यार्थ्यांना मार्गदर्शन करा. दर्जेदार नवकल्पनांची उदाहरणे सामायिक करा तसेच “अभिनव कहानिया” हे नवीन शोधांवर आधारित कॉमिक पुस्तक संदर्भासाठी वापरा.
- उन्हाळी सुट्टीतील गृहपाठः- विद्यार्थ्यांना नवीन समस्या ओळखण्याचे काम सोपवा आणि उन्हाळी सुट्टीत त्या समस्या सोडविण्यासाठी उपाय शोधणे सुचवा. मूळ कल्पना तयार करा.
- नवकल्पना पेटी (Idea Box):- एक नवकल्पना पेटी तयार करा आणि त्यामध्ये विद्यार्थ्यांकडून नाविन्यपूर्ण नवकल्पनांचे संकलन करा.
- कल्पना/नवकल्पनाची निवडः उन्हाळी सुट्टीनंतर कल्पना स्पर्धा आयोजित करा किंवा विद्यार्थ्यांनी नवकल्पना पेटीत संकलीत केलेल्या कल्पनांचे पुनरावलोकन करा. विद्यार्थ्यांच्या कल्पनांची मौलिकता पडताळणी महत्वाची आहे.
- शाळेचा U-DISE code पडताळणी आवश्यकः शाळेच्या U-DISE code सहभागाची खात्री करा.
- नवीन शाळांची नोंदणी:- नवीन शाळां पोर्टलवर स्वतःची नोंदणी करू शकतात.
- विद्यार्थ्यांचे बँक खातेः विद्यार्थ्यांना जर INSPIRE MANAK-2025-26 मध्ये सहभागी व्हायचे असेल तर, त्यांच्या बँक खात्याचे तपशील सहज उपलब्ध असावेत असा सल्ला द्यावा.
- नामांकनेः-पोर्टल किंवा APP द्वारे पाच सर्वोत्तम नामांकन अचूकपणे Submit करा. प्रत्येक विद्याथ्यचि नाव त्याच्या बँक खात्याशी तंतोतंत जुळत आहे का याची दोन वेळा तपासणी करा आणि बरोबर असल्याची खात्री करा. बँक खाते क्र. आणि IFSCode महत्वाचा आहे.
- नामांकने अग्रेषित करणे:-नामनिर्देशन जिल्हा प्राधिकरण (शि.अ. माध्य.) यांचेकडे पाठवा आणि तुमच्या नोंदीसाठी पावती Download करा.
तरुण विद्यार्थ्यांमध्ये अनोख्या कल्पना रुजविण्यासाठी आणि नवनिर्मितीला प्रोत्साहन देण्यासाठी शाळेच्या मुख्याध्यापक, विज्ञान शिक्षकांना वरील कृती बिंदूची अंमलबजावणी करण्यास सूचित करावे.
या योजनेचा जास्तीत-जास्त फायदा मिळवून देण्यासाठी अगदी दुर्गम जिल्हयामधूनही जास्तीत-जास्त मूळ कल्पना/नवकल्पना एकत्रित करण्याव्साठी आपल्या सहकार्याची अपेक्षा आहे.
सहपत्रः-संदर्भिय पत्र.
नोट:- संदर्भ पुस्तके Download करण्यासाठी सहपत्रातील link
संचालक
राज्य विज्ञान शिक्षण संस्था, रविनगर, नागपूर
प्रतिलीपी :- माहितीस्तव सविनय सादर.
१. मा आयुक्त (शिक्षण), शिक्षण आयुक्तालय, महाराष्ट्र राज्य, पुणे.
२. मा संचालक, SCERT, पुणे.
३. मा. संचालक, NIF अहमदाबाद.
४. मा. संदीप बन्सल, व. शास्त्रज्ञ, विज्ञान व तंत्रज्ञान विभाग, नवी दिल्ली.
५. मा. विभागीय शिक्षण उपसंचालक, (सर्व विभाग)
६. मा. प्राचार्य, जिल्हा शिक्षण व प्रशिक्षण संस्था, (सर्व)
Also Read 👇
Inspire Award MANAK योजना जिल्हास्तरीय स्पर्धा DLEPC SLEPC -2023-24 चे आयोजन
Inspire Award MANAK
INSPIRE-MANAK-District & State Level Exhibition (DLEPC/SLEPC) 2023-24
(राज्य विज्ञान शिक्षण संस्था)
(प्रादेशिक विद्या प्राधिकरण)
रविनगर, नागपूर
क्रमांक सविशिमं Inspire -MANAK DLEPC-2023-24/10 2025
दिनांक 07/02/2025 10/02/2025
विषय:- Inspire Award-MANAK योजना जिल्हास्तरीय स्पर्धा (DLEPC)-2023-24चे आयोजन करणेबाबत.
संदर्भ:- मा. नितीन मौर्य, Scientist & NIF Coordinator Inspire -MANAK अहमदाबाद यांचा ई-मेल संदेश दिनांक 23 जानेवारी 2025.
उपरोक्त संदर्भिय विषयाचे अनुषंगाने कळविण्यात येते की, Inspire Award-MANAK योजना सत्र 2023-24 चे महाराष्ट्रातील एकूण 2149 विद्यार्थ्यांचे जिल्हास्तरीय प्रदर्शन प्रत्यक्ष पद्धतीने आयोजित करणेबाबत संदर्भिय पत्रान्वये निर्देश प्राप्त आहेत. ज्या जिल्ह्यातील निवडप्राप्त विद्यार्थ्यांची संख्या कमी आहे, अशा 3 ते 4 जिल्ह्यांना एकत्रित करून त्यापैकी एका जिल्ह्यास सदर प्रदर्शनीच्या आयोजनाची जबाबदारी देण्यात येईल. सद्यस्थितीत इयत्ता 10 वी, 12 वी च्या परीक्षेचा काळ असल्यामुळे, सदर Inspire MANAK जिल्हास्तरीय प्रदर्शनी उपरोक्त लेखी परीक्षेनंतर मार्च एप्रिल 2025 मध्ये आयोजित करण्याचा मानस आहे. याबाबत निश्चित तारखा जिल्ह्यांना यथाशिघ्र कळविण्यात येतील.
तरी आपण आपल्या जिल्ह्यातील निवडप्राप्त विद्यार्थ्यांना व संबंधित शाळांना त्यांच्या Prototype सह तयारीत राहणेबाबत कळवावे.
सहपत्र:- 1. संदर्भिय पत्र. 2.निवडप्राप्त विद्यार्थी यादी pdf copy link
संचालक
राज्य विज्ञान शिक्षण संस्था (प्रादेशिक विद्या प्राधिकरण) रविनगर, नागपूर
प्रतिलिपी-
- मा. संचालक, राज्य शैक्षणिक संशोधन व प्रशिक्षण परिषद, महाराष्ट्र, पुणे यांना माहितीस्तव सविनय
सादर
- मा. संचालक, NIF, अहमदाबाद यांना माहितीस्तव सविनय सादर
- मा. शिक्षण उपसंचालक, सर्व विभाग यांना माहितीस्तव समादराने सादर
- मा. प्राचार्य, जिल्हा शिक्षण व प्रशिक्षण संस्था, सर्व यांना माहितीस्तव समादराने सादर