Ineligible names of teachers non teaching staff in Shalarth Pranali salary payment investigation by SIT राज्यातील अपात्र शिक्षक-शिक्षकेत्तर कर्मचाऱ्यांची नावे शालार्थ प्रणालीमध्ये नियमबाह्यरित्या समाविष्ट करून वेतन अदा केल्यासंदर्भात विशेष चौकशी पथक मार्फत चौकशी करण्याबाबत शासन निर्णय निर्गमित
Ineligible names of teachers non teaching staff in Shalarth Pranali salary payment investigation by SIT
राज्यातील अपात्र शिक्षक-शिक्षकेत्तर कर्मचाऱ्यांची नावे शालार्थ प्रणालीमध्ये नियमबाह्यरित्या समाविष्ट करून वेतन अदा केल्यासंदर्भात स्थापन करण्यात आलेल्या विशेष चौकशी पथकास (S.I.T.) मुदतवाढ देण्याबाबत..
Ineligible names of teachers non teaching staff in Shalarth Pranali salary payment investigation by SIT
Regarding the investigation through a Special Investigation Team (S.I.T.) regarding the irregular inclusion of the names of ineligible teaching and non-teaching employees in the state in the Shalaarth system and payment of salaries.
राज्यातील अपात्र शिक्षक-शिक्षकेत्तर कर्मचाऱ्यांची नावे शालार्थ प्रणालीमध्ये नियमबाह्यरित्या समाविष्ट करून वेतन अदा केल्यासंदर्भात स्थापन करण्यात आलेल्या विशेष चौकशी पथकास (S.I.T.) मुदतवाढ देण्याबाबत..
दि. ०५ डिसेंबर, २०२५ संदर्भ- समक्रमांकीत शासन निर्णय दि.०७.०८.२०२५
प्रस्तावना:- राज्यातील अपात्र शिक्षक-शिक्षकेत्तर कर्मचाऱ्यांची नावे शालार्थ प्रणालीमध्ये नियमबाह्यरित्या समाविष्ट करून वेतन अदा केल्यासंदर्भात विविध लोकप्रतिनिधी, संघटना व तक्रारदार नागरिक यांचेकडून शासनास तक्रारी प्राप्त झाल्या आहेत. त्यानुषंगाने राज्यात नागपूर, नाशिक, जळगाव, बीड, लातूर, मुंबई इत्यादी ठिकाणी असे गैरप्रकार आढळून आल्याबाबतच्या तक्रारी शासनास प्राप्त झाल्या आहेत. त्यानुषंगाने संदर्भाधीन शासन निर्णयान्वये विशेष चौकशी पथकाची (S.I.T.) निर्मिती करण्यात आलेली आहे. याप्रकरणी विशेष तपास प्रमुख तथा विभागीय आयुक्त, पुणे विभाग, पुणे यांनी दि.१३.१०.२०२५ च्या पत्रान्वये सदर समितीचे कामकाज प्रभावीपणे आणि जलदगतीने पार पाडण्यासाठी प्रकरणाची व्याप्ती पाहता चौकशी पथकास ६ महिन्यांची मुदतवाढ देण्याची विनंती केली आहे. त्यानुसार सदर प्रकरणी चौकशी पथकास मुदतवाढ देण्याची बाब शासन स्तरावर विचाराधीन होती.
शासन निर्णयः- राज्यातील अपात्र शिक्षक-शिक्षकेत्तर कर्मचाऱ्यांची नावे शालार्थ प्रणालीमध्ये नियमबाह्यरित्या समाविष्ट करून वेतन अदा केल्यासंदर्भात संदर्भाधीन शासन निर्णयान्वये पुढीलप्रमाणे विशेष चौकशी पथक (S.I.T.) स्थापन करण्यात आलेले आहे. १) श्री. चंद्रकांत पुलकुंडवार, विभागीय आयुक्त, पुणे (1.A.S.)- पथक प्रमुख २) श्री. मनोज शर्मा, पोलिस महानिरीक्षक, कायदा व सुव्यवस्था, महाराष्ट्र राज्य (I.P.S.)- सदस्य ३) श्री. हारुन आतार, सह संचालक (प्रशासन, अंदाज व नियोजन), शिक्षण आयुक्तालय यांचे कार्यालय, महाराष्ट्र राज्य, पुणे- सदस्य सचिव
सदर चौकशी समितीचा कालावधी हा दि. ०७.११.२०२५ रोजी समाप्त झाला आहे. त्यानुसार प्रकरणाची व्याप्ती पाहता चौकशी पथकास पुढील ४ महिन्यांची म्हणजेच दि.०८.११.२०२५ ते दि.०८.०३.२०२६ पर्यंत मुदतवाढ देण्यात येत आहे.
सदर शासन निर्णय महाराष्ट्र शासनाच्या www.maharashtra.gov.in या संकेतस्थळावर उपलब्ध करण्यात आला असून त्याचा संकेताक २०२५१२०५१८०८४२०८२१ असा आहे. हा आदेश डिजीटल स्वाक्षरीने साक्षांकित करुन काढण्यात येत आहे. महाराष्ट्राचे राज्यपाल यांच्या आदेशानुसार व नावाने.
महाराष्ट्र शासन शालेय शिक्षण व क्रिडा विभाग शासन निर्णय क्र. एसआयटी-२०२५/प्र.क्र.५५/प्रशा.३ ४ था मजला, दालन क्र. ४४७, मंत्रालय (विस्तारित इमारत), मादाम कामा मार्ग, हुतात्मा राजगुरु चौक, मुंबई-४०० ०३२
राज्यातील अपात्र शिक्षक-शिक्षकेत्तर कर्मचाऱ्यांची नावे शालार्थ प्रणालीमध्ये नियमबाह्यरित्या समाविष्ट करून वेतन अदा केल्यासंदर्भात स्थापन करण्यात आलेल्या विशेष चौकशी पथकास (S.I.T.) मुदतवाढ देण्याबाबत..
राज्यातील अपात्र शिक्षक-शिक्षकेत्तर कर्मचाऱ्यांची नावे शालार्थ प्रणालीमध्ये नियमबाह्यरित्या समाविष्ट करून वेतन अदा केल्यासंदर्भात विशेष चौकशी पथक (S.I.T.) मार्फत चौकशी करण्याबाबत…
दि. ०७ ऑगस्ट, २०२५
प्रस्तावना:- राज्यातील अपात्र शिक्षक-शिक्षकेत्तर कर्मचाऱ्यांची नावे शालार्थ प्रणालीमध्ये नियमबाह्यरित्या समाविष्ट करून वेतन अदा केल्यासंदर्भात विविध लोकप्रतिनिधी, संघटना व तक्रारदार नागरिक यांचेकडून शासनास तक्रारी प्राप्त झाल्या आहेत. त्यानुषंगाने राज्यात नागपूर, नाशिक, जळगाव, बीड, लातूर, मुंबई इत्यादी ठिकाणी असे गैरप्रकार आढळून आल्याबाबतच्या तक्रारी शासनास प्राप्त झाल्या आहेत. त्यानुषंगाने विशेष चौकशी पथक (S.I.T.) नेमण्याची बाब शासनाच्या विचाराधीन होती.
शासन निर्णय
राज्यातील अपात्र शिक्षक-शिक्षकेत्तर कर्मचाऱ्यांची नावे शालार्थ प्रणालीमध्ये नियमबाह्यरित्या समाविष्ट करून वेतन अदा केल्यासंदर्भात पुढीलप्रमाणे विशेष चौकशी पथक (S.J.T.) स्थापन करण्यात येत आहे.
१) श्री. चंद्रकांत पुलकुंडवार, विभागीय आयुक्त, पुणे (I.A.S.)- पथक प्रमुख
२) श्री. मनोज शर्मा, पोलिस महानिरीक्षक, कायदा व सुव्यवस्था, महाराष्ट्र राज्य (I.P.S.)- सदस्य
३) श्री. हारुन आतार, सह संचालक (प्रशासन, अंदाज व नियोजन), शिक्षण आयुक्तालय यांचे कार्यालय, महाराष्ट्र राज्य, पुणे- सदस्य सचिव
२. विशेष चौकशी पथकाची कार्यकक्षा खालीलप्रमाणे असेल :-
1.राज्यातील सर्व विभागीय शिक्षण उपसंचालक कार्यालयांतर्गत अनुदानित आणि अंशतः अनुदानित प्राथमिक/माध्यमिक/उच्च माध्यमिक शाळांमधील शिक्षक/शिक्षकेतर कर्मचा-यांच्या वैयक्तिक मान्यता / शालार्थ मान्यता/सेवासातत्य/विना अनुदानीत वरुन अनुदानित पदावर केलेली बदली यांची तपासणी करणे व त्याबाबतचा अहवाल शासनास सादर करणे.
H. शिक्षक/शिक्षकेतर कर्मचा-यांच्या देण्यात येणा-या विविध मान्यतांच्या संदर्भात उदा. वैयक्तिक मान्यता/ शालार्थ मान्यता इत्यादिंच्या अनुषंगाने प्रचलित व्यवस्थेमध्ये असलेल्या कमतरता शोधून त्यानुषंगाने कराव्याच्या बदलाबाबत सुधारणा सुचविणे.
३. विशेष चौकशी पथकाने उपरोक्त कार्यकक्षेमधील नमुद प्रकरणी सन २०१२ ते आजतागायत प्रकरणांची चौकशी / तपास करावा.
४. विशेष चौकशी पथकाने आपला अहवाल चौकशी पथक गठित झाल्याच्या दिनांकापासून तीन महिन्यांच्या आत शासनास सादर करावा.
५. सदर चौकशी कालावधीमध्ये विशेष चौकशी पथकाकडुन केलेल्या मागणीनुसार मनुष्यबळ व तांत्रिक सहाय्य आयुक्त (शिक्षण), पुणे कार्यालयाद्वारे पुरविण्यात यावे.
६. सदर शासन निर्णय महाराष्ट्र शासनाच्या www.maharashtra.gov.in या संकेतस्थळावर उपलब्ध करण्यात आला असून त्याचा संकेताक २०२५०८०७१७४४१३७७२१ असा आहे. हा आदेश डिजीटल स्वाक्षरीने साक्षांकित करुन काढण्यात येत आहे.
महाराष्ट्राचे राज्यपाल यांच्या आदेशानुसार व नावाने.
