Independence Day Programs Activities दिनांक १५ ऑगस्ट २०२५ रोजी स्वातंत्र्यदिनानिमित्ताने शालेय विद्यार्थ्यांसाठी कवायत संचलन कार्यक्रम घेणे व प्रजासत्ताक दिनी शाळांमध्ये विविध उपक्रम राबविणेबाबत

Independence Day Programs Activities

जा. क्र.आस्था-क/प्राथ १०६/स्वदि-कसं-मा./२०२५/1370517

दि. 13.08.2025

विषय : दिनांक १५ ऑगस्ट स्वातंत्र्यदिनाच्या निमित्ताने शालेय विद्यार्थ्यांनी सादर केलेल्या कवायत संचलन कार्यक्रमाची माहिती सादर करण्याबाबत…

संदर्भ :-

१. शासन पत्र क्र. संकीर्ण-२०२४/प्र.क्र.३६४/एस.डी.४, दि.१९.०७.२०२५

२. या कार्यालयाचे आपणांस पत्र दि.२३.०७.२०२५

३. मा. मंत्री (शालेय शिक्षण) यांचे अध्यक्षतेखाली आयोजित व्ही.सी. दि.०४.०८.२०२५

उपरोक्त विषयाबाबत शासन पत्र दि.१९.०७.२०२५ अन्वये राज्यातील सर्व शाळांमध्ये दि.१५ ऑगस्ट रोजी स्वातंत्र्यदिनाच्या निमित्ताने विद्यार्थ्यांचे कवायत संचलन कार्यक्रम (साधारणतः वीस मिनिटे इतक्या कालावधी) आयोजन करण्याचे कळविण्यात आले होते. याबाबत या कार्यालयाचे पत्र दि.२३.०७.२०२५ अन्वये आवश्यक सूचना व या कवायतींचा मार्गदर्शक व्हिडीओची लिंक उपलब्ध करुन देण्यात आली होती.

मा. मंत्री महोदय यांच्या अध्यक्षतेखाली दि.०४.०८.२०२५ रोजी आयोजित बैठकीमधील निर्देशास अनुसरुन राज्यातील सर्व व्यवस्थापनांच्या सर्व माध्यमांच्या शाळांमध्ये कवायत उपक्रम उत्साहात राबविण्यात यावा. सर्वच शाळांमध्ये कवायत उपक्रम आयोजित होतील याचे संबंधित शिक्षणाधिकारी यांनी नियोजन करावे. तसेच, पर्यवेक्षीय अधिका-यांनी शाळांना (सर्व बोर्ड/व्यवस्थापन-विशेषतः स्वयंअर्थसहाय्यित इंग्रजी माध्यम) भेट देऊन कवायत उपक्रम आयोजनाची तपासणी करावी.

सदर कवायत संचलनाची माहिती प्रत्येक शाळेने सोबत दिलेल्या Google Form मध्ये भरुन सादर करण्याचे निर्देश प्राप्त झाले आहेत. त्यानुसार आपल्या अधिनस्त सर्व शाळांतील विद्यार्थ्यांनी दि. १५ ऑगस्ट, २०२५ रोजी सादर केलेल्या कवायत संचलन कार्यक्रमाची माहिती सोबतदिलेल्या लिंकमध्ये भरुन तात्काळ सादर करावी, याकरिता आपल्यास्तरावरुन आवश्यक सूचना देण्यात याव्यात.

Google Form लिंक- अत्यंत महत्त्वाचे –

आज दि. १५ ऑगस्ट २०२५ रोजी शालेय स्तरावर आयोजित करण्यात आलेल्या सामूहिक कवायतीची माहिती
15th August 2025 Parade information Link

👉 LINK

या गूगल लिंक वर भरण्यात यावी…. याच लिंक मध्ये देशभक्तीपर गाण्यांवरील कवायतीचे फोटो व व्हिडिओ अपलोड करायचे आहेत….. त्यामुळे या लिंक वरच ही माहिती, फोटो व व्हिडिओ द्यावी…. वैयक्तिक शेअर करण्याची आता आवश्यकता नाही….

विशेष कार्य अधिकारी OSD
शालेय शिक्षण मंत्री महोदय कार्यालय, मुंबई

आयुक्त (शिक्षण), म.रा., पुणे
महाराष्ट्र शासन शिक्षण आयुक्तालय
महाराष्ट्र राज्य, मध्यवती इमारत, पुणे
प्रति,

१. शिक्षण संचालक (माध्यमिक व उच्च माध्यमिक) संचालनालय, म.रा., पुणे

२. शिक्षण संचालक (प्राथमिक) संचालनालय, म.रा., पुणे

३. विभागीय शिक्षण उपसंचालक (सर्व) विभाग

प्रत पुढील आवश्यक कार्यवाहीस्तवः

१. शिक्षणाधिकारी (प्राथमिक/माध्यमिक), जिल्हा परिषदा, सर्व

२. शिक्षण निरीक्षक बृहन्मुंबई महानगरपालिका (उ/द/प)

३. प्रशासन अधिकारी मनपा/नपा/नप सर्व

प्रत माहितीस्तवः उपसचिव, (एसडी-४), शालेय शिक्षण व क्रीडा विभाग, मंत्रालय, मुंबई-३२

Independence Day Programs Activities

Independence Day Programs Activities 2025

Organizing Programs For School Students On Occasion of Independence Day and implementing various activities in schools on Republic Day

Regarding conducting a drill march program for school students on the occasion of Independence Day on August 15, 2025 and implementing various activities in schools on Republic Day.

जा. क्र.आस्था-क/प्राथ १०६/स्वदि- प्रदि/२०२५/1339750
दि. 23.07.2025

विषय: दिनांक १५ ऑगस्ट, २०२५ रोजी स्वातंत्र्यदिनानिमित्ताने शालेय विद्यार्थ्यांसाठी कवायत संचलन कार्यक्रम घेणे व प्रजासत्ताक दिनी शाळांमध्ये विविध उपक्रम राबविणेबाबत

संदर्भ :- १. शासन परिपत्रक क्र. संकिर्ण-२०२४/प्र.क्र.३६४/एस.डी-४, दि.३१.१२.२०२४ २. शासन पत्र क्र. संकीर्ण-२०२४/प्र.क्र.३६४/एस.डी.४, दि.१९.०७.२०२५ (प्रत संलग्न)

Celebration of Har Ghar Tiranga 2025 हर घर तिरंगा २०२५ साजरा करणेबाबत परिपत्रक

शासन परिपत्रक दि.३१ डिसेंबर, २०२४ अन्वये राज्यातील सर्व माध्यमांच्या व सर्व व्यवस्थापनांच्या शाळांमध्ये प्रजासत्ताक दिन विविध (प्रभात फेरी, भाषण / निबंध / कविता स्पर्धा, खेळ, प्रदर्शनी) उपक्रमांसह साजरा करण्याचे निर्देश आहेत.
संदर्भाधीन शासन पत्र दि.१९ जुलै, २०२५ अन्वये आपल्या देशाच्या स्वातंत्र्यदिनानिमित्ताने दि.१५ ऑगस्ट, २०२५ रोजी सर्व शाळांमध्ये कवायात कार्यक्रमाचे (साधारणतः वीस मिनिटे कालावधी) आयोजन करण्याचे निर्देश प्राप्त आहेत. सदर कवायतींचा मार्गदर्शक व्हिडीओची लिंक या पत्रासोबत देण्यात येत आहे.

हे ही वाचाल –

शासन परिपत्रक :- राज्यातील सर्व माध्यमाच्या शासकीय व खाजगी व्यवस्थापनाच्या सर्व शाळांमध्ये २६ जानेवारी, २०२५ पासून प्रजासत्ताक दिन विविध उपक्रमांसह साजरा करणेबाबत…
महाराष्ट्र शासन शालेय शिक्षण व क्रीडा विभाग शासन परिपत्रक क्रमांक संकिर्ण-२०२४/प्र.क्र.३६४/ एस.डी.-४, मंत्रालय, मुंबई- ४०० ०३२ दिनांक : ३१ डिसेंबर, २०२४ शासन परिपत्रक वाचा या ओळीला स्पर्श करून

१. वेगवेगळ्या वयोगटासाठी आणि सर्व विद्यार्थ्यांचा समावेश असेल अशा विविध कवायती शाळांमध्ये आयोजित करण्यात याव्यात.
२. आपल्या देशाच्या स्वातंत्र्यलढ्याविषयी विद्यार्थ्यांनामध्ये जागरुकता निर्माण करणे, देशभक्तीची प्रेरणा घेऊन स्वातंत्र्य चळवळींवर आधारित या संचलन प्रकारांमध्ये समावेश असावा.
३. यासाठी समर्पक पेहराव व देशभक्तीपर पार्श्वसंगीताचा वापर करुन हे सादरीकरण अधिक प्रभावी करता येतील. तसेच, आवश्यक सराव करुन कवायात प्रकार यशस्वीरित्या सादर होतील याची खात्री करावी.
विद्यार्थ्यांमध्ये राष्ट्रीय अभिमान निर्माण करण्यासाठी स्वातंत्र्यदिन व प्रजासत्ताक दिन राज्यातील सर्व माध्यमांच्या व सर्व व्यवस्थापनांच्या शाळांमध्ये उत्साहात साजरा करण्यासाठी आपल्यास्तरावरुन पुढील आवश्यक कार्यवाही करण्यात यावी. आपण केलेल्या कार्यवाहीचा अहवाल या कार्यालयास सादर करावा.

परिपत्रक पीडीएफ प्रत लिंक

(सोबत : मार्गदर्शक व्हिडीओची लिंक)

आयुक्त (शिक्षण),
म.रा., पुणे

प्रति,
१. शिक्षण संचालक (माध्यमिक व उच्च माध्यमिक) संचालनालय, म.रा., पुणे
२. शिक्षण संचालक (प्राथमिक) संचालनालय, म.रा., पुणे
महाराष्ट्र शासन शिक्षण आयुक्तालय
महाराष्ट्र राज्य, मध्यवती इमारत, डॉ. अॅनी बेझंट मार्ग, पुणे ४११००१
दूरध्वनी क्र.: ०२०-२६१२०१४१
ई-मेल: educom-mah@mah.gov.in

क्रमांक :- संकीर्ण-२०२४/प्र.क्र.३६४/एसडी-४
दिनांक : १९ जुलै, २०२५

विषय :- दिनांक १५ ऑगस्ट या देशाच्या स्वातंत्र्यदिनानिमित्ताने शालेय विद्यार्थ्यांसाठी कवायत संचलन कार्यक्रम घेण्याबाबत..

संदर्भ :- शासनाचे समक्रमांकाचे परिपत्रक, दिनांक ३१ डिसेंबर, २०२४

महोदय,
राज्यातील सर्व माध्यमाच्या शासकीय व खाजगी व्यवस्थापनाच्या सर्व शाळांमध्ये २६ जानेवारी, २०२५ पासून प्रजासत्ताक दिन विविध उपक्रमांसह साजरा करणेबाबत संदर्भाधीन परिपत्रकान्वये सूचना निर्गमित करण्यात आलेल्या आहेत.
२. दिनांक १५ ऑगस्ट या देशाच्या स्वातंत्र्यदिनानिमित्ताने राज्यातील सर्व माध्यमाच्या शासकीय व खाजगी व्यवस्थापनाच्या सर्व शालेय विद्यार्थ्यांसाठी दिनांक १५ ऑगस्ट, २०२५ रोजी कवायत संचलन कार्यक्रम घेण्याचे आयोजन करण्यात यावे.
३. राज्याचा शासकीय झेंडा वंदन व केंद्र शासनाचा शासकीय झेंडा वंदन कार्यक्रमानंतर शाळांमध्ये कवायत कार्यक्रमाचे आयोजन व्हावे. कवायत संचलनाचा कार्यक्रम साधारणतः वीस मिनिटे इतक्या कालावधीचा असावा.
४. कवायतीचा मार्गदर्शक व्हिडीओ तयार करण्यात आला असून, त्याची लिंक या पत्रासोबत उपलब्ध करुन देण्यात येत आहे.
५. दिनांक १५ ऑगस्ट, २०२५ रोजीच्या स्वातंत्र्यदिनी करावयाच्या कवायत संचलनाच्या वर नमूद केल्याप्रमाणे व अतिरिक्त सूचना आपल्या स्तरावरून सर्व संबंधितांना देण्यात याव्यात, ही विनंती.
आपला,
सोबत : वरीलप्रमाणे.
उपसचिव, महाराष्ट्र शासन

प्रति.
आयुक्त (शिक्षण), शिक्षण आयुक्तालय, महाराष्ट्र राज्य, पुणे.
महाराष्ट्र शासन
शालेय शिक्षण व क्रीडा विभाग, मंत्रालय (विस्तार), दालन क्र. ४१५, मादाम कामा मार्ग, हुतात्मा राजगुरू चौक, मंत्रालय, मुंबई-४०००३२.
E-mail id: sd4.sesd-mh@gov.in
दूरध्वनी क्र. २२०२४७४५