CMYKPY Update

CMYKPY Update

CMYKPY Update

दि. १९/०४/२०२५

जा.क्र. कौविरोवउआ/कक्ष-८/प्र.क्र.०४/२५/३१६९-७१

विषय : मुख्यमंत्री युवा कार्य प्रशिक्षण योजनेअंतर्गत प्रशिक्षणार्थी यांना वाढीव कालावधीत्साठी रुजू होणे बाबत..

संदर्भ :

१. शासन निर्णय क्र. संकीर्ण-२०२४/प्र.क्र.९०/व्यशि-३, दि.०९.०७.२०२४.

२. शासन निर्णय क्र. कौविउ २०२४/प्र. क्र.११८/प्रशा-२, दि.१०.०३.२०२५

३. जिल्हा अहमदनगर यांचे पत्र क्र.३८६/२०२५, दि.१८.०३.२०२५

४. वि.आ.अमरावती यांचे पत्र क्र. कौवरोवउविआअम/योजना/८०२-१२, दि.११,०४.२०२५

५. वि.आ.छ. संभाजी नगर यांचे पत्र क्र. कौवरोवउविआछसं/कक्ष-५/CMYKPY/१४३३-४१, दि.१५.०४.२०२५

उपरोक्त विषयाच्या अनुषंगाने संदर्भ क्र.१ अन्वये “मुख्यमंत्री युवा कार्य प्रशिक्षण योजना सुरु करण्यात आली आहे. या शासन निर्णयानुसार प्रशिक्षणार्थी यांना सहा महिने कालावधीसाठी प्रशिक्षण देण्यात येत होते. आता उक्त संदर्भक्र. २ च्या शासन निर्णयान्वये मुख्यमंत्री युवा कार्यप्रशिक्षण योजनेअंतर्गत कार्य प्रशिक्षणार्थीचा प्रशिक्षण कार्यकाळ ६ महिने ऐवजी ११ महिने करण्यात आला आहे.

त्याअनुषंगाने शैक्षणिक संस्थामधील प्रशिक्षणार्थ्यांच्या प्रशिक्षण कालावधीमध्ये वाढ देण्यात यावी किंवा कसे याबाबत क्षेत्रिय कार्यालयांकडून वारंवार विचारणा होत आहे. सदर विषयी सादर करण्यात येते की, माहे फेब्रुवारी २०२५ मध्ये राज्यात ५२१३ शैक्षणिक संस्थांमध्ये २३,१२३ प्रशिक्षणार्थी कार्यरत होते, सद्यस्थितीत ४०७३ प्रशिक्षणार्थी कार्यरत आहेत. राज्यातील प्राथमिक, माध्यमिक आणि उच्च माध्यमिक शाळांमध्ये अध्यापनाचे कार्य प्रशिक्षण घेत असलेल्या उमेदवारांना सद्यस्थितीत पाच महिन्याची मुदतवाढ दिल्यास एप्रिल महिन्यामध्ये परीक्षेच्या कारणामुळे तर मे आणि जून महिन्यात शैक्षणिक संस्थांना अनुज्ञेय असलेल्या उन्हाळ्याच्या सुट्टीमुळे कोणतेही प्रशिक्षण मिळणार नाही, असे क्षेत्रिय कार्यालयाचे मत दिसून येत आहे.

यास्तव, शैक्षणिक संस्थांमध्ये कार्य प्रशिक्षण घेत असलेल्या उमेदवारांना नव्याने पाच महिन्याच्या मुदत वाढीचे आदेश १ जुलै, २०२५ पासून अथवा सुट्टी नंतर शाळा / महाविद्यालय सुरू होण्याच्या तारखे पासून देण्यात यावे. त्याचप्रमाणे, संदर्भिय क्र.२ च्या शासन निर्णयामध्ये नमुद मुद्दा क्र.१ मध्ये आस्थापनेत नवीन प्रशिक्षणार्थी रुजू झाल्याने पूर्वीच्या प्रशिक्षणार्थ्यासाठी संबंधित आस्थापनेत जागा उपलब्ध नसल्यास संबंधित सहायक आयुक्त, जिल्हा कौशल्य विकास, रोजगार व उद्योजकता मार्गदर्शन केंद्र यांनी सदर प्रशिक्षणार्थ्यास इतर आस्थापनेत उर्वरित ५ महिन्याच्या कालावधीसाठी कार्यप्रशिक्षणाची संधी उपलब्ध करुन द्यावी, तसेच, अशा प्रशिक्षणार्थ्यास इतर आस्थापनेत कार्यप्रशिक्षणाची संधी उपलब्ध करुन देण्यास कोणत्याही प्रकारची अडचण उद्भवल्यास सहायक आयुक्त, जिल्हा कौशल्य विकास, रोजगार व उद्योजकता मार्गदर्शन केंद्र यांनी आपल्या स्तरावरुन निर्णय घ्यावा, असे नमुद आहे. यास्तव, संबंधित सहायक आयुक्त यांनी खात्री करून ज्या आस्थापनेस हंगामी सुट्टया अनुज्ञेय असतात अशा आस्थापनांची वाढीव ५ महिन्याच्या प्रशिक्षणासाठी मुदत वाढीचे आदेश देण्यात यावेत. उदा. साखर कारखाना, इ. जेणेकरून संबंधित प्रशिक्षणार्थ्यांना योग्य प्रकारे कार्य प्रशिक्षण मिळू शकेल.

तसेच, ज्या प्रशिक्षणार्थ्यांनी ६ महिन्याचे प्रशिक्षण पूर्ण केले आहे व पुढील ५ महिन्याचे प्रशिक्षण घेऊ इच्छितात त्या प्रशिक्षणार्थ्यांना प्रशिक्षण कार्यकाळ ६ महिने ऐवजी ११ महिने करण्यात आला त्या दिवसापासून म्हणजेच दि.१० मार्च, २०२५ पासून पुढील ६ महिन्याच्या कालावधीमध्ये रुजू होणे अनिवार्य आहे.

तरी, उपरोक्त प्रकारे योजनेची उचित कार्यवाही करून जास्तीत जास्त उमेदवारांना प्रशिक्षणाचा लाभ मिळेल अशी कार्यवाही करावी.

परिपत्रक पीडीएफ लिंक

(नितीन पाटील भा.प्र.से. आयुक्त,

कौशल्य विकास, रोजगार व उदयोजकता महाराष्ट्र राज्य

महाराष्ट्र शासन
कौशल्य विकास, रोजगार व उद्योजकता आयुक्तालय, नवी मुंबई

संकेतस्थळ: www.mahaswayam.gov

प्रति, सहायक आयुक्त, रोजगार व उद्योजकता मार्गदर्शन केंद्र, (सर्वे)
जिल्हा कौशल्य विकास,

CMYKPY Update

मुख्यमंत्री युवा कार्य प्रशिक्षण योजनेअंतर्गत प्रशिक्षण कालावधी ११ महिने करणे व इतर अनुषंगिक सूचना देण्याबाबत

क्र.२६/जिकौविरोवउमाकेज /CMYKPY/903-07/२०२५

दिनांक: १८ मार्च, २०२५

विषय :- “मुख्यमंत्री युवा कार्य प्रशिक्षण” योजनेंतर्गत प्रशिक्षण कालावधी ११ महिने करणे व इतर अनुषंगिक सुचना देणेबाबत…

संदर्भ :- १) महाराष्ट्र शासन, कौशल्य, रोजगार, उद्योजकता व नाविन्यता विभाग, शासन निर्णय क्र. संकीर्ण-२०२४/ प्र.क्र.९०/व्यशि-३ दि.०९ जुलै, २०२४.
२) मा.आयुक्त, कौशल्य विकास, रोजगार व उद्योजकता आयुक्तालय, नवी मुंबई यांच्या मार्गदर्शक सुचना क्र. कौविरोवउआ/कक्ष-८/प्र.क्र.२६/२४/४७३२-३९ दि.१६/०८/२०२४
३) महाराष्ट्र शासन, कौशल्य, रोजगार, उद्योजकता व नाविन्यता विभाग, शासन निर्णय क्र. कौविउ २०२४/ प्र.क्र. ११८/प्रशा-२ दि.१० मार्च, २०२५.
४) महाराष्ट्र शासन, कौशल्य, रोजगार, उद्योजकता व नाविन्यता विभाग, शासन पुरकपत्र क्र. कौविउ-२०२४/प्र.क्र. ११८/प्रशा-२ दि.११ मार्च, २०२५.
५) मा.आयुक्त, कौशल्य विकास, रोजगार व उद्योजकता आयुक्तालय, महाराष्ट्र राज्य यांचे पत्र क्र. कौविरोवउआ/कक्ष-८/प्र.क्र.४/२०२५/१७३०३२ दि.१२/०३/२०२५
६) मा. आयुक्त, कौशल्य विकास, रोजगार व उद्योजकता आयुक्तालय, महाराष्ट्र राज्य यांच्या दि.१३/०३/२०२४ च्या
व्हिडीओ कॉन्फरंस मधील सुचना.

महोदय,
उपरोक्त संदर्भिय विषयान्वये सादर करण्यात येते की, संदर्भ क्र.१ व २ अन्वये राज्यातील युवकांना त्यांच्या शिक्षणानंतर प्रत्यक्ष कामाचे प्रशिक्षण देऊन त्यांची नोकरी मिळण्याची क्षमता वाढविण्यासाठी सुरु करण्यात आलेल्या “मुख्यमंत्री युवा कार्य प्रशिक्षण योजनेंतर्गत” कार्यप्रशिक्षणाचा कालावधी ११ महिने करण्यास संदर्भ क्र.३ अन्वये मान्यता देण्यात आली आहे.

सदर योजनेंतर्गत प्रशिक्षण पुर्ण केलेल्या उमेदवारांना सबंधित आस्थापनेत पुन्हा रुजु झाल्याच्या दिनांकापासुन ५ महिन्याच्या कालावधीसाठी कार्यप्रशिक्षण अनुज्ञेय असेल. परंतु असे निदर्शनास आले आहे की, शैक्षणिक क्षेत्रातील आस्थापनांना उन्हाळी दीर्घकालीन सुटी लागु होणार आहे. त्यामुळे संदर्भिय क्र.६ अन्वये सदर प्रशिक्षणार्थ्यांना मुदतवाढ केव्हापासुन लागु करावी ही बाब विभागाच्या स्तरावर प्रलंबित असल्याने सर्व शैक्षणिक क्षेत्रातील आस्थापनांना कळविण्यात येते की, या विभागाच्या पुढील सुचनांशिवाय प्रशिक्षणार्थ्यांना ५ महिन्याच्या कालावधीसाठी पुन्हा रुजु करुन घेऊ नये.

आपल्या माहितीस्तव व उचित कार्यवाहीस्तव सादर.

आपला,

परिपत्रक या ओळीला स्पर्श करून पीडीएफ मध्ये प्राप्त करा

कौशल्य विकास, रोजगार व उद्योजकता, जळगाव

महाराष्ट्र शासन जिल्हा कौशल्य विकास, रोजगार व उद्योजकता मार्गदर्शन केंद्र, शासकीय तांत्रिक विद्यालय परिसर, जी. एस. ग्राऊंडजवळ, जळगाव

सर्व मुख्यमंत्री युवा कार्यप्रशिक्षण योजनेत सहभागी शैक्षणिक क्षेत्रातील, शासकीय/निमशासकीय/महामंडळे/खाजगी आस्थापना,जळगांव जिल्हा,

प्रति,मा. आस्थापना/कार्यालयप्रमुख,

दिनांक : ११ मार्च, २०२५.

संदर्भ :- कौशल्य, रोजगार, उद्योजकता व नाविन्यता विभाग शासन निर्णय समक्रमांक दि. १०.०३.२०२५.

शासन पूरकपत्रः-

मुख्यमंत्री युवा कार्य प्रशिक्षण योजनेअंतर्गत प्रशिक्षण कालावधी ११ महिने करणे व इतर अनुषंगिक सूचना देण्याबाबत संदर्भाधीन दि. १०.०३.२०२५ चा शासन निर्णय निर्गमित करण्यात आला आहे. सदर शासन निर्णयातील परिच्छेद क्र. १ नंतर पुढील उप परिच्छेद समाविष्ट करण्यात येत आहेत:-

(१) सदर प्रशिक्षण कालावधीमध्ये यापुढे वाढ करण्यात येणार नाही.

(२) या योजनेंतर्गत आस्थापना /उद्योग/महामंडळामार्फत विना अनुभवी रोजगार इच्छुक पात्र उमेदवारांना संबंधित क्षेत्रातील प्रत्यक्ष कार्यप्रशिक्षण देण्यात येत आहे. तथापि, सदर प्रशिक्षणाअंती प्रशिक्षणार्थ्यास संबंधित आस्थापनेत कायमस्वरुपी नोकरीचा हक्क राहणार नाही.

२. सदर शासन पूरकपत्र महाराष्ट्र शासनाच्या www.maharashtra.gov.in या संकेतस्थळावर उपलब्ध करण्यात आले असून त्याचा संकेतांक २०२५०३१११३०३३३७९०३ असा आहे. हे शासन पूरकपत्र डिजीटल स्वाक्षरीने साक्षांकित करुन काढण्यात येत आहे.

महाराष्ट्राचे राज्यपाल यांच्या आदेशानुसार व नावाने.

सदर परिपत्रक पीडीएफ मध्ये हवे असल्यास या ओळीला स्पर्श करा

(प्रदीप सा. शिवतरे) कार्यासन अधिकारी, महाराष्ट्र शासन

महाराष्ट्र शासन कौशल्य, रोजगार, उद्योजकता व नाविन्यता विभाग शासन पूरकपत्र क्रमांक: कौविउ २०२४/प्र.क्र.११८/प्रशा-२, मंत्रालय, मुंबई

ALSO READ 👇

CMYKPY Update

CMYKPY Update

Regarding increasing the training period to 11 months under the Chief Minister’s Youth Work Training Scheme and issuing other related instructions

मुख्यमंत्री युवा कार्य प्रशिक्षण योजनेअंतर्गत प्रशिक्षण कालावधी ११ महिने करणे व इतर अनुषंगिक सूचना देण्याबाबत

दिनांक : १० मार्च, २०२५.

संदर्भ :-
१) कौशल्य, रोजगार, उद्योजकता व नाविन्यता विभाग शासन निर्णय क्र. संकिर्ण-२०२४/प्र. क्र. ९०/व्यशि-३, दि. ०९.०७.२०२४.
२) कौशल्य, रोजगार, उद्योजकता व नाविन्यता विभाग शासन निर्णय समक्रमांक दि. ०९.०९.२०२४.
३) कौशल्य, रोजगार, उद्योजकता व नाविन्यता विभाग शासन शुद्धिपत्रक समक्रमांक दि. १६.०९.२०२४ व दि. २५.०९.२०२४.

प्रस्तावना-:
राज्यातील युवकांना त्यांच्या शिक्षणानंतर प्रत्यक्ष कामाचे प्रशिक्षण देऊन त्यांची रोजगार मिळण्याची क्षमता वाढविण्याकरीता संदर्भाधीन दि. ०९.०७.२०२४ च्या शासन निर्णयान्वये “मुख्यमंत्री युवा कार्यप्रशिक्षण योजना” कार्यान्वित करण्यात आली आहे. सदर योजनेचा व्यापक प्रचार होऊन अधिकाधिक उमेदवारांना कार्यप्रशिक्षणाच्या संधी उपलब्ध होण्याच्या दृष्टीने संदर्भाधीन दि. ०९.०९.२०२४ च्या शासन निर्णयान्वये अतिरिक्त सूचना निर्गमित करण्यात आल्या आहेत. तनंतर दि. १६.०९.२०२४ व दि. २५.०९.२०२४ च्या शासन शुद्धिपत्रकान्वये दि. ०९.०९.२०२४ च्या शासन निर्णयातील अनुक्रमांक ६ येथील उद्योग आधार/उद्योग उद्यम यांच्याकडे नोंदणीकृत असलेल्या सुक्ष्म, लघु व मध्यम उपक्रमांतील (MSME) आस्थापनांना कार्यप्रशिक्षणाकरिता निवडण्यासाठी उमेदवारांची संख्या निश्चित करण्याबाबत बदल करण्यात आले आहेत.

मा. मंत्रिमंडळाच्या दि. ०२.०३.२०२५ च्या बैठकीत प्रस्तुत योजनेंतर्गत कार्यप्रशिक्षणाचा कालावधी ११ महिन्यांपर्यंत वाढविण्याबाबत निदेश दिले आहेत. सदर योजनेच्या अंमलबजावणीच्या आढाव्यादरम्यान निदर्शनास आलेल्या बाबी व मा. मंत्रिमंडळ बैठकीत प्राप्त झालेल्या उपरोक्त निदेशाच्या अनुषंगाने पुढीलप्रमाणे निर्णय घेण्यात येत आहे.

      शासन निर्णयः-

मुख्यमंत्री युवा कार्यप्रशिक्षण योजनेंतर्गत कार्यप्रशिक्षणाचा कालावधी ११ महिने करण्यास याद्वारे मान्यता देण्यात येत आहे. प्रस्तुत योजनेंतर्गत सद्यस्थितीत जे उमेदवार कार्यप्रशिक्षण घेत आहेत, त्यांचा कार्यप्रशिक्षण कालावधी ते रुजू झाल्याच्या दिनांकापासून ११ महिने असा असेल. तसेच, ज्या उमेदवारांचा ६ महिन्यांचा प्रशिक्षण कालावधी यापूर्वीच पूर्ण झाला आहे, अशा उमेदवारांना पुढील ५ महिन्याच्या प्रशिक्षणासाठी संबंधित आस्थापनेत रुजू होता येईल. सदर उमेदवारांना संबंधित आस्थापनेत पुन्हा रुजू झाल्याच्या दिनांकापासून ५ महिन्याच्या कालावधीसाठी कार्यप्रशिक्षण अनुज्ञेय असेल. सदर आस्थापनेत नवीन प्रशिक्षणार्थी रुजू झाल्याने पूर्वीच्या प्रशिक्षणार्थ्यांसाठी संबंधित आस्थापनेत जागा उपलब्ध नसल्यास संबंधित सहायक आयुक्त, जिल्हा कौशल्य विकास, रोजगार व उद्योजकता मार्गदर्शन केंद्र यांनी सदर प्रशिक्षणार्थ्यास इतर आस्थापनेत उर्वरित ५ महिन्याच्या कालावधीसाठी कार्यप्रशिक्षणाची संधी उपलब्ध करुन द्यावी. तसेच, अशा प्रशिक्षणार्थ्यास इतर आस्थापनेत कार्यप्रशिक्षणाची संधी उपलब्ध करुन देण्यास कोणत्याही प्रकारची अडचण उद्भवल्यास सहायक आयुक्त, जिल्हा कौशल्य विकास, रोजगार व उद्योजकता मार्गदर्शन केंद्र यांनी आपल्या स्तरावरुन निर्णय घ्यावा.

२. संदर्भाधीन दि. ०९.०९.२०२४ च्या शासन निर्णयातील अनुक्रमांक १ येथील सूचना वगळण्यात येत असून प्रस्तुत योजनेत यापूर्वी सहभागी असलेल्या खाजगी आस्थापनांनी Certificate of Incorporation/ उद्यम आधार सादर करणे अनिवार्य असेल व EPF/ESIC/ GST/ DPIT/ या पैकी एक अशा प्रकारे किमान दोन प्रमाणपत्र विभागाच्या https://www.cmykpy.mahaswayam.gov.in या संकेतस्थळावर या शासन निर्णयाच्या दिनांकापासून ३० दिवसाच्या आत सादर करावे. तसेच, योजनेत सहभागी होणाऱ्या नवीन आस्थापनांनी नोंदणी करताना उपरोक्त प्रमाणपत्र विभागाच्या संकेतस्थळावर सादर करणे अनिवार्य राहील. सादर केलेल्या सदर प्रमाणपत्राची खातरजमा सबंधित सहायक आयुक्त, कौशल्य विकास, रोजगार व उद्योजकता यांनी करावी.

३. प्रस्तुत योजनेंतर्गत कार्य प्रशिक्षणासाठी यापूर्वी रुजू झालेल्या व यापुढे नव्याने रुजू होणाऱ्या उमेदवाराने तो संबंधित आस्थापनेत तसेच सदर आस्थापनेशी संबंधित इतर आस्थापना/कार्यालयात यापूर्वी कधीही कायम/तात्पुरत्या स्वरूपात कार्यरत नसल्याबाबतचे तसेच, कुठलाही हितसंबंध नसल्याबाबतचे प्रतिज्ञापत्र रुजू होते वेळी सबंधित आस्थापनेस सादर करणे अनिवार्य राहील. संबंधित आस्थापनेनेही कार्यप्रशिक्षणासाठी रुजू होणारा उमेदवार यापूर्वी सदर आस्थापनेत अथवा सदर आस्थापनेशी संबंधित इतर आस्थापना/कार्यालयात कायम/तात्पुरत्या स्वरूपात कार्यरत नसल्याचे प्रतिज्ञापत्र सादर करणे अनिवार्य राहील. सदर दोन्ही प्रमाणपत्र संबंधित आस्थापनेने उमेदवार रुजू झाल्याच्या दिनांकापासून १५ दिवसाच्या आत संबंधित सहायक आयुक्त, जिल्हा कौशल्य विकास, रोजगार व उद्योजकता मार्गदर्शन केंद्र यांच्याकडे सादर करणे अनिवार्य राहील. सदर प्रतिज्ञापत्राचा नमुना आयुक्त, कौशल्य विकास, रोजगार व उद्योजकता हे निश्चित करून सबंधित आस्थापना/उमेदवार यांना उपलब्ध करून देतील.

४. संबंधित आस्थापनेने त्यांच्याकडील उमेदवाराचा प्रशिक्षण कालावधी पूर्ण झाल्यानंतर सदर प्रशिक्षणार्थ्यास रोजगार मिळवून देण्याबाबत मार्गदर्शन करावे व त्याचा नियमित अहवाल संबंधित सहायक आयुक्त, जिल्हा कौशल्य विकास, रोजगार व उद्योजकता मार्गदर्शन केंद्र यांना सादर करावा.

५. सहायक आयुक्त, जिल्हा कौशल्य विकास, रोजगार व उद्योजकता मार्गदर्शन केंद्र यांनी प्रत्येक महिन्यात त्यांच्या कार्यक्षेत्रातील औद्योगिक प्रशिक्षण संस्थांमध्ये संबंधित तालुक्यांतील प्रशिक्षणार्थ्यांसाठी एक दिवसीय समुपदेशन सत्र आयोजित करावे.

६. आस्थापनांना/उद्योजकांना त्यांच्याकडील रिक्त पदे भरताना प्रशिक्षित मनुष्यबळाची अद्ययावत माहिती उपलब्ध होण्याकरीता प्रस्तुत योजनेंतर्गत कार्य प्रशिक्षण पूर्ण केल्याची नोंद या विभागाच्या

पोर्टलवरील त्याच्या खात्यात (Profile) करणे अनिवार्य राहील. याबाबतची सुविधा सदर संकेतस्थळावर विकासकामार्फत एका आठवड्यात उपलब्ध करून देण्याची जबाबदारी आयुक्त, कौशल्य विकास, रोजगार व उद्योजकता यांची असेल.

७. प्रस्तुत शासन निर्णयातील तरतूदींची अंमलबजावणी करण्याची जबाबदारी आयुक्त, कौशल्य विकास, रोजगार व उद्योजक यांची राहील.

८. सदर शासन निर्णय महाराष्ट्र शासनाच्या www.maharashtra.gov.in या संकेतस्थळावर उपलब्ध करण्यात आले असून त्याचा संकेतांक २०२५०३१०१८५०२३१९०३ असा आहे. हा शासन निर्णय डिजीटल स्वाक्षरीने साक्षांकित करुन काढण्यात येत आहे.

महाराष्ट्राचे राज्यपाल यांच्या आदेशानुसार व नावाने.

GR PDF copy link

कार्यासन अधिकारी, महाराष्ट्र शासन

महाराष्ट्र शासनकौशल्य, रोजगार, उद्योजकता व नाविन्यता विभाग शासन निर्णय क्रमांक: कौविउ २०२४/प्र.क्र.११८/प्रशा-२, मंत्रालय, मुंबई

CMYKPY Update

CMYKPY Update

chief minister Yuva karya prashikshan Yojana

“मुख्यमंत्री युवा कार्य प्रशिक्षण योजना” (CMYKPY)

📍 मुख्यमंत्री कार्यप्रशिक्षण योजना

सरकारी कार्यालये आणि खासगी क्षेत्रात युवक-युवतींना कामाचा अनुभव मिळावा म्हणूच सुरू केलेल्या मुख्यमंत्री युवा प्रशिक्षण योजनेचा कालावधी पाच महिन्यांनी वाढविण्यात आला आहे.

या आधी हा कालावधी सहा महिन्यांचा होता. या योजनेअंतर्गत प्रशिक्षणादरम्यान दरमहा १० हजार रुपये विद्यावेतन दिले जाते. मुख्यमंत्री देवेंद्र फडणवीस यांनी ही योजना पाच महिन्यांनी वाढवून आता अकरा महिन्यांची केली आहे. ही योजना कायमस्वरूपी नोकरीसाठी नाही, प्रशिक्षणासाठी आहे. अनेक तरुण या संधीची वाट पाहत आहेत, त्यामुळे प्रत्येकाला संधी मिळावी, हा या निर्णयामागील उद्देश आहे. तसेच, सरकारी प्रमाणपत्र मिळाल्यास प्रशिक्षित तरुणांना नोकरी मिळवणे अधिक सोपे होईल, असे मुख्यमंत्र्यांनी स्पष्ट केले.

👉 मुख्यमंत्री कार्यप्रशिक्षण योजना कार्यकाळ ५ महिने वाढवला जाणार,५ महिने झाल्यानंतर पुन्हा कार्यकाळ वाढवला जाणार नाही.

• मुख्यमंत्री देवेंद्र फडणवीस

मुख्यमंत्री युवा प्रशिक्षण योजनेला पाच महिने मुदतवाढ मुख्यमंत्री यांची विधिमंडळात घोषणा…. दिनांक ०७ मार्च २०२५

ALSO READ 👇

जा.क्र.पाजिप / साप्रवि / आस्था ४/वशी / 62/२०२५

दिनांक. २२/०१/२०२५

विषय :- मुख्यमंत्री युवा कार्य प्रशिक्षण योजने अंतर्गत कार्यरत उमेदवार ६ महीनेच कार्यरत राहतील याची दक्षता घ्यावी.

संदर्भ:- १. शासन निर्णय क्र. संकीर्ण-२०२४/प्र.क्र.९०/व्यशि-३, दि.०९/०७/२०२४

महोदय,
शासनाने “मुख्यमंत्री युवा कार्य प्रशिक्षण योजना” (CMYKPY) संदर्भिय शासन निर्णयान्वये सुरू किलेली आहे. जिल्हा परिषद पालघर तसेच अंर्तगत येणा-या पंचायत समिती व ग्रामपंचायत कार्यालयामध्ये मुख्यमंत्री युवा कार्य प्रशिक्षण योजने द्वारे प्रशिक्षणार्थी सहा महिने करीता नियुक्त करण्यात आलेले आहेत.

या पत्राव्दारे आपणास कळविण्या येते की आपले कार्यालयात कार्यरत प्रशिक्षणार्थी हे नियुक्त केलेल्या दिनांकापासुन सहा महिन्या पर्यतच कार्यरत राहतील याची दक्षता घेण्यात यावी व याची आपण स्वतः पडताळणी करून सर्व उमेदवारांचे हजेरी ६ महिने झाल्या नंतर जेवढे दिवस उमेदवाराचा कार्यकाळ आहे त्या तारखे पर्यतच हजेरी ऑनलाईन करण्यात यावी.

तरी आपल्या विभागात कार्यरत प्रशिक्षणार्थी यांचे सहा महिन्याचा कार्यकाळ बरोबर आहे किंवा नाहो न्याची खात्री करून घेण्याची सर्वस्व जबाबदारी आपली राहील

मुख्य कार्यकारी अधिकारी जिल्हा परिषद पालघर

सामान्य प्रशासन विभाग, जिल्हा परिषद पालघर