Unhachi Tivrata Shala Sakal Satrat
Unhachi Tivrata Shala Sakal Satrat
Unhachi Tivrata
Intensity of summmer
क्र. कक्ष. २४ नियंत्रण कक्ष / जि.आ.व्य.अ./ शाळा सकाळ सत्र सुरु/कावि८६१९ / २०२६
दि.१०/०४/२०२६
हेही वाचाल – उष्णतेची लाट मार्गदर्शक सूचना ….वाचा या ओळीला स्पर्श करून
वाचा :-
१. आपत्ती व्यवस्थापन अधिनियम २०२५ कलम २५,३० (२) (३) (५) व (१८)
२. शिक्षणाधिकारी, प्राथमिक जिल्हा परिषद अमरावती यांचे जा.क्रजि.प.अ./शि/सप्रअ ४८१/दि.१७/४/२०२६
३. भारतीय हवामान विभाग, यांची दिनांक १५/०४/२०२६ रोजीची हवामान विषयक पूर्वसूचना.
आदेशज्याअर्थी, भारत मौसम विभाग, नागपूर यांनी दिलेल्या पूर्वसूचनेनुसार दि. १५/०४/२०२६ पासून संपूर्ण विदर्भात उष्मालाट (Heat Wave) परिस्थिती निर्माण होण्याची शक्यता वर्तविण्यात आलेली आहे. तसेच अमरावती जिल्ह्यातील वाढत्या तापमानाची तीव्रता लक्षात घेता विद्यार्थ्यांच्या आरोग्यावर प्रतिकूल परिणाम होण्याची शक्यता नाकारता येत नाही. आणि ज्याअर्थी, उष्मालाटेमुळे कोणतीही आपत्कालीन परिस्थिती उद्भवू नये व विद्यार्थ्यांच्या आरोग्याचे संरक्षण होणे अत्यावश्यक आहे. तसेच शिक्षणाधिकारी (प्राथमिक), जिल्हा परिषद, अमरावती यांचे विनंतीपत्र या कार्यालयास प्राप्त झाले आहे.
हेही वाचाल –
त्याअर्थी, मी आशिष येरेकर (भा.प्र.से.) जिल्हाधिकारी तथा अध्यक्ष, जिल्हा आपत्ती व्यवस्थापन प्राधिकरण, अमरावती, मला आपत्ती व्यवस्थापन अधिनियम, २००५ अंतर्गत प्राप्त अधिकारान्वये (कलम ३० (२) (v), (iii), (ii) व (xviii) अन्वये) खालीलप्रमाणे आदेश निर्गमित करीत आहे.
अपडेट्स हवामान चेतावणीसाठी या ओळीला स्पर्श करून
अमरावती जिल्ह्यातील सर्व प्राथमिक व माध्यमिक शाळा, अंगणवाडी व नर्सरी (इयत्ता १ ली ते १० वी) या अनुदानित, विनाअनुदानित तसेच खाजगी शाळांचे वर्ग दि.२१/०४/२०२६ ते दि.३०/४/२०२६ (शैक्षणिक सत्र २०२५-२६ पर्यंत) शाळा सकाळी ०७.०० ते १०.०० या वेळेतच (सकाळच्या सत्रात) घेण्यात यावेत. विद्यार्थ्यांचे शैक्षणिक नुकसान टाळण्यासाठी उर्वरित तासिकांसाठी अभ्यासक्रम ऑनलाईन / डिजिटल माध्यमातून घेण्याबाबत संबंधित शाळांनी आपल्या स्तरावर आवश्यक नियोजन करावे. कोणत्याही परिस्थितीत जिल्ह्यातील कोणतीही शाळा सकाळी १०.०० वाजल्यानंतर सुरू ठेवण्यात येऊ नये, याची संबंधितांनी काटेकोरपणे अंमलबजावणी करावी. सर्व शाळांनी विद्यार्थ्यांना उष्मालाटेपासून संरक्षणासाठी आवश्यक उपाययोजना (पुरेसे पाणी, सावलीची व्यवस्था, आरोग्यविषयक सूचना इ.) कराव्यात व पालकांना याबाबत योग्य मार्गदर्शन करावे. संबंधित शिक्षणाधिकारी (प्राथमिक / माध्यमिक) यांनी वरील आदेशाची अंमलबजावणी सुनिश्चित करून त्याबाबत नियमित देखरेख ठेवावी.
सदर आदेशाचा अवमान केल्यास आपत्ती व्यवस्थापन अधिनियम, २००५ तसेच इतर लागू असलेल्या कायद्यांनुसार कार्यवाही करण्यात येईल. हा आदेश तात्काळ प्रभावाने लागू करण्यात येत आहे.
हेही वाचाल –
20/04/2026
(आशिष येरेकर)
जिल्हाधिकारी तथा अध्यक्ष
जिल्हा आपत्ती व्यवस्थापन प्राधिकरण, अमरावती
महाराष्ट्र शासन
जिल्हाधिकारी कार्यालय कॅम्प रोड, अमरावती
प्रत पाठविणे (माहितीसाठी व आवश्यक कार्यवाहीसाठी):
१. मुख्य कार्यकारी अधिकारी, जिल्हा परिषद, अमरावती
२. शिक्षणाधिकारी (प्राथमिक/माध्यमिक), जि.प. अमरावती
३. सर्व गटशिक्षणाधिकारी, अमरावती जिल्हा
४. सर्व मुख्याध्यापक, प्राथमिक/माध्यमिक शाळा
५. जिल्हा माहिती अधिकारी, अमरावती यांनी सदर बातमी जिल्ह्याच्या सर्व वर्तपत्रामध्ये प्रसिध्द करावी.
६. संबंधित विभाग
Unhachi Tivrata Shala Sakal Satrat
Unhachi Tivrata Shala Sakal Satrat उन्हाची तीव्रता लक्षात घेता शाळा सकाळ सत्रात भरविणे बाबत
.Considering the intensity of summer, the school will be held in the morning session
वरील परिपत्रके पीडीएफ मध्ये डाऊनलोड करा
