Opening Zero Balance Savings Bank Account For Students
Opening Zero Balance Savings Bank Account For Students
Opening Zero Balance Savings Account for scholarship holders
Regarding opening a zero balance savings account for scholarship holders
महाराष्ट्र शासन
महाराष्ट्र राज्य परीक्षा परिषद पुणे
अत्यंत महत्वाचे /कालमर्यादित
जा.क्र. मरापप/शिष्यवृत्ती/2026/275 दि. २८/०१/2028
विषयः सन 2022, 2023, 2024 व 2025 मधील पूर्व उच्च प्राथमिक शिष्यवृत्ती परीक्षा (इ. 5 वी) व पूर्व माध्यमिक शिष्यवृत्ती परीक्षा (इ. 8 वी) च्या शिष्यवृत्तीधारक विद्यार्थ्यांच्या बँक खाते माहितीबाबत…
संदर्भ: १. महाराष्ट्र राज्य परीक्षा परिषदेने व्ही.सी दरम्यान वेळोवेळी दिलेल्या सूचना २. या कार्यालयाचे पत्र जा.क्र. मरापप/शिष्यवृत्ती/२०२५/४५२२, दि.१७.०९.२०२५
उपरोक्त विषयास अनुसरून पूर्व उच्च प्राथमिक शिष्यवृत्ती परीक्षा (इ.5 वी) व पूर्व माध्यमिक शिष्यवृत्ती परीक्षा (इ.8 वी) सन 2022, 2023, 2024 व 2025 मधील शिष्यवृत्तीधारक ठरलेल्या विद्यार्थ्यांना शिष्वृतीची रक्कम वितरीत करणेच्या अनुषंगाने त्यांच्या बँक खात्याची माहिती भरणे अत्यावश्यक आहे.
शिष्यवृत्तीधारक विद्यार्थ्यांची सन 2022 पासून प्रलंबित असलेली बँक खात्याची माहिती भरणेबाबत यापूर्वी अनेक वेळा झूम मिटिंगद्वारे आपणास कळविण्यात आलेले आहे. तथापि अद्यापही अनेक शाळांनी सदरची माहिती भरलेली नाही, त्यामुळे अनेक विद्यार्थी शिष्यवृत्तीरक्कमेच्या लाभापासून वंचित आहेत ही अत्यंत खेदजनक बाब आहे.
तरी सन 2022, 2023 व 2024 मधील अद्यापही शिष्यवृत्ती न मिळालेल्या तसेच सन 2025 मधील शिष्यवृत्तीधारक विद्यार्थ्यांची प्रलंबित असलेली बँक खात्याची माहिती ऑनलाईन भरणेसाठी संबंधित शाळेच्या, शिक्षणाधिकारी प्राथमिक व गटशिक्षणाधिकारी / प्रशासन अधिकारी यांना शिष्यवृत्ती परीक्षा 2025 च्या लॉगीन मध्ये अंतिम निकाल या मथळ्याखाली Student Bank Details या पर्यायामध्ये एकत्रित सुविधा पूर्वीपासूनच उपलब्ध करून देण्यात आलेली आहे. त्यानुसार बँक खाते माहिती भरणे प्रलंबित असलेल्या विद्यार्थ्यांची वर्ष निहाय यादी तपासता येईल, download करणे व माहिती भरता येईल,
तरी सन 2022, 2023, 2024 व 2025 मधील प्रलंबित असलेल्या शिष्यवृत्तीधारक विद्यार्थ्यांच्या बँक खात्याची माहिती जिल्हास्तर/तालुकास्तरावर त्वरित Camp चे आयोजन करून ऑनलाइन भरणेबाबत आपले अधिनस्त सर्व क्षेत्रीय अधिकारी यांना जिल्हा स्तरावरून तात्काळ सूचना निर्गमित कराव्यात, दि. 15 फेब्रुवारी, 2026 पूर्वी पूर्तता करणेच्या अनुषंगाने क्षेत्रीय अधिकारी यांना अंतिम संधी देण्यात येत असून विद्यार्थ्यांना शिष्यवृत्तीची रक्कम त्वरित मिळणेसाठी आवश्यक ती सर्व कार्यवाही आपलेस्तरावरून करण्यात यावी, आर्थिक वर्ष संपण्यापूर्वी शिष्यवृत्ती रक्कम सर्व संबंधितांना वितरीत करणेसाठी शिक्षण संचालनालय योजना कार्यालयास सदरची माहिती माहे फेब्रुवारी अखेर सादर करावयाची असल्याने प्रथम प्राधान्याने सदरची पूर्तता करावी.
तरी सदर बाबीकडे गांभीर्यपूर्वक लक्ष देऊन प्रथम प्राधान्याने पूर्तता करणेसंदर्भात आपले अधिनस्त सर्व संबंधित क्षेत्रीय अधिकारी यांना त्वरित सूचना निर्गमित करून दर दोन दिवसांनी सदरबाबत न चुकता आढावा घेऊन त्वरित प्रलंबित माहिती भरणे/पूर्तता करणेकडे वैयक्तिक लक्ष देऊन 100 टक्के पूर्तता अहवाल परीक्षा परिषदेस दि. 15 फेब्रुवारी, 2026 पर्यंत विनाविलंब सादर करणेची दक्षता घ्यावी.
प्रत: माहिती व योग्य त्या कार्यवाहीस्तव सविनय सादर
(डॉ. नंदकुमार बेडसे भा.प्र.से.) अध्यक्ष महाराष्ट्र राज्य परीक्षा परिषद, पुणे – ०४.
मा. मुख्य कार्यकारी अधिकारी, जिल्हा परिषद सर्व.
प्रत: मा. आयुक्त (शिक्षण), शिक्षण आयुक्तालय, महाराष्ट्र राज्य यांना माहितीस्तव सविनय सादर.
Website:
ALSO READ 👇
महाराष्ट्र शासन महाराष्ट्र राज्य परीक्षा परिषद, पुणे
जा.क्र. मरापप/शिष्यवृत्ती/२०२५/4522
दिनांक :-१७/९/२५
विषय :- शिष्यवृत्तीधारक विद्यार्थ्यांचे झिरो बॅलन्स बचत खाते उघडण्याबाबत…
महोदय,
उपरोक्त विषयानुसार राज्यातील प्रज्ञावान विद्यार्थ्यांचा शोध घेऊन त्यांना प्रोत्साहनपर शिष्यवृत्ती देण्याची योजना, महाराष्ट्र राज्य शासनाने सन १९५४-५५ या शैक्षणिक वर्षापासून सुरु केली आहे. महाराष्ट्र राज्य परीक्षा परिषदेमार्फत इयत्ता ५ वी व इयत्ता ८ वीतील विद्यार्थ्यांसाठी दरवर्षी शिष्यवृत्ती परीक्षेचे आयोजन केले जाते.
शिष्यवृत्तीधारक विद्यार्थ्यांना शिक्षण संचालनालय (योजना) कार्यालयामार्फत शिष्यवृत्तीची रक्कम अदा करण्यात येते. सदर शिष्यवृत्तीधारक विद्यार्थ्यांना शिष्यवृत्तीची रक्कम अदा करण्यासाठी विद्यार्थ्यांचे नवीन बैंक खाते उघडणे आवश्यक आहे. त्याशिवाय विद्यार्थ्यांच्या शिष्यवृत्तीची रक्कम त्यांना हस्तंतरित करता येत नाही.
तथापि बऱ्याच वेळा झिरो बॅलन्स खाते उघडण्यास बैंका टाळाटाळ करतात. त्यामुळे शिष्यवृत्तीची अल्प रक्कम प्राप्त करुन घेण्यासाठी पालकांना स्वतःचे पैसे गुंतवून पाल्याचे बँक खाते उघडावे लागते. अशा परिस्थितीत पालक जर आपल्या अल्पवयीन पाल्याचे बैंक खाते उघडण्यास असमर्थ ठरले तर तो विद्यार्थी शिष्यवृत्तीच्या रक्कमेपासून वंचित राहतो.
सदर शिष्यवृत्तीधारक ठरलेल्या विद्यार्थ्यांची शिष्यवृत्तीची रक्कम बँक खात्यात जमा होण्यासाठी विद्यार्थ्यांचे किंवा विद्यार्थ्यांचे आई / वडील / पालक यांचे संयुक्त बैंक खाते विद्यार्थ्यांचे आधार क्रमांक बैंक खात्याशी संलग्न असलेले झिरो बॅलन्स बचत खाते जिल्हा मध्यवर्ती सहकारी बँकेत उघडविण्यास सहकार्य करावे. याबाबत आपल्या कार्यक्षेत्रातील तालुकास्तरीय जिल्हा मध्यर्ती सहकारी बँकांचे अधिकारी यांना कळविण्यात यावे, जेणेकरुन तालुक्यातील गटशिक्षणाधिकारी यांना त्यांचे कार्यक्षेत्रातील शाळांच्या मुख्याध्यापकांशी संपर्क साधून जिल्हा मध्यवती सहकारी बँकामध्ये खाते उघडणेबाबत कळविणे सोईचे होईल. बैंक खाते नसलेल्या सर्व विद्यार्थ्यांची यादीची Soft Copy त्यांच्याकडे उपलब्ध आहे.
अध्यक्ष, महाराष्ट्र राज्य परीक्षा परिषद, पुणे – ०४.
प्रत माहितीस्तव व पुढील आवश्यक कार्यवाहीसाठी –
शिक्षणाधिकारी (प्राथमिक / माध्यमिक), जिल्हा परिषद सर्व यांना उपरोक्त पत्रात नमूद केल्यानुसार आपल्या कार्यक्षेत्रातील तालुकास्तरीय अधिकाऱ्यांना तालुक्यातील जिल्हा मध्यवर्ती सहकारी बँकांचे अधिकारी /समन्वयकांशी संपर्क साधण्याचे निर्देश देण्यास्तव अग्रेषित.
प्रति,
मा. मुख्य कार्यकारी अधिकारी, जिल्हा मध्यवर्ती सहकारी बैंक, सर्व.
Opening a zero balance savings account for students