New Last Payment Certificate अंतिम वेतन प्रमाणपत्राच्या नमुन्यात सुधारणा

New Last Payment Certificate

New Last Payment Certificate PDF format

Amendment In Last Payment Certificate Format

Amendment in Last salary certificate form

Amendment in the final salary certificate form

Amendment in the specimen of final pay certificate prescribed under the annexure to Schedule 12 of Maharashtra Treasury Rules, Volume-2, 1968

महाराष्ट्र कोषागार नियम, १९६८ खंड-२ मधील परिशिष्ट १२ सोबतच्या जोडपत्रान्वये विहित करण्यात आलेल्या अंतिम वेतन प्रमाणपत्राच्या नमुन्यात सुधारणा करणेबाबत…..

तारीखः २५ जुलै, २०२५

वाचा :
१) महाराष्ट्र कोषागार नियम, १९६८ खंड २ मधील परिशिष्ट-१२
२) महाराष्ट्र शासन, सामान्य प्रशासन विभाग, शासन निर्णय क्र. मातंसं/नस्ती ०७/प्र.क्र.४८/का-३९. दि. २५.०६.२००७.
३) महाराष्ट्र शासन, वित्त विभाग, शासन निर्णय क्र. संकीर्ण १०११/सं.क्र.१७/कोषा.प्रशा.५. दि.१६.०७.२०११.
४) महाराष्ट्र शासन, वित्त विभाग, शासन निर्णय क्र. संकीर्ण २०११/सं.क्र.१७/कोषा.प्रशा.५, दि.१५.१०.२०१३.

प्रस्तावना:-

(अ) राज्य शासकीय अधिकारी / कर्मचारी यांची वेतन देयके तयार करण्यासाठी व अधिकारी /कर्मचारी यांचा सेवाविषयक तपशील एकत्रित स्वरुपात उपलब्ध करण्यासाठी सेवार्थ ही शासनाची अधिकृत आज्ञावली उपरोक्त वाचा मधील अनुक्रमांक २ समोर नमूद शासन निर्णयान्वये अंमलात आणण्यात आली आहे. सद्यस्थितीत सर्व राज्य शासकीय अधिकारी /कर्मचारी यांच्या मासिक वेतनाची देयके सेवार्थ प्रणालीच्या माध्यमातून तयार करण्यात येत आहेत.

(आ) महाराष्ट्र कोषागार नियम, १९६८ खंड २ मधील परिशिष्ट १२ अन्वये अंतिम वेतन प्रमाणपत्र तयार करण्याबाबत नियमन करणारे नियम विहित करण्यात आलेले आहेत. सदर परिशिष्टासोबतच्या जोडपत्रान्वये अंतिम वेतन प्रमाणपत्राचा नमुना देखील विहित करण्यात आलेला आहे. दरम्यानच्या काळात अंतिम वेतन प्रमाणपत्राच्या नमुन्यामध्ये संबंधित अधिकारी /कर्मचाऱ्याच्या नैमित्तिक रजा, कर्मचाऱ्याने परत न केलेली प्रकाशने व जड संग्रह वस्तू इत्यादी बाबतची माहिती उपलब्ध होण्याच्या दृष्टीने उपरोक्त वाचा मधील अनुक्रमांक ३ समोर नमूद शासन निर्णयान्वये अंतिम वेतन प्रमाणपत्राचा नमुना सुधारित करण्यात आलेला आहे.

Monthly Salary Slip Pdf Link प्रत्येक महिन्याची पगार स्लीप प्राप्त करा या ओळीला स्पर्श करा

(इ) तद्नंतर सेवार्थ प्रणालीमध्ये अंतिम वेतन प्रमाणपत्राची सुविधा उपलब्ध करुन देण्यात आली असून, या संदर्भातील सविस्तर कार्यपध्दती उपरोक्त वाचा मधील अनुक्रमांक ४समोर नमूद शासन निर्णयान्वये विहित करण्यात आलेली आहे.

(ई) राज्य शासकीय अधिकारी / कर्मचारी यांच्या सेवाविषयक बाबींसंदर्भात कार्यवाहीच्या प्रक्रियेचे स्वयंचलन (Automation) करण्याकरीता सामान्य प्रशासन विभागामार्फत “नियुक्ती ते सेवानिवृत्ती ऑनलाईन सेवा प्रणाली” हा प्रकल्प राबविण्यात येत आहे. सदर प्रकल्पाच्या अंमलबजावणीच्या अनुषंगाने अंतिम वेतन प्रमाणपत्राच्या नमुन्यामध्ये सुधारणा करणे क्रमप्राप्त झालेले आहे.

(उ) सध्या सेवार्थ प्रणालीद्वारे संस्करित होत असलेल्या अंतिम वेतन प्रमाणपत्रामध्ये संबंधित अधिकारी / कर्मचाऱ्याला देण्यात आलेली वेतनवाढ, देय असलेली पुढील वेतनवाढ, ना विभागीय चौकशी व ना मागणी प्रमाणपत्राच्या अंतर्गत आवश्यक असलेली माहिती, वसूली असल्यास वसूलीचा तपशील, शासकीय कामासाठी घेतलेली परंतु समायोजित न केलेली अग्रिमाची रक्कम तसेच प्रदानाच्या तपशीलामध्ये संबंधित अधिकारी / कर्मचाऱ्याची अधिकची माहिती, या बाबी समाविष्ट नाहीत. त्यामुळे सामान्य प्रशासन विभागाच्या “नियुक्ती ते सेवानिवृत्ती ऑनलाईन सेवा प्रणाली” या प्रकल्पाच्या अंमलबजावणीसाठी अंतिम वेतन प्रमाणपत्राच्या नमुन्यामध्ये समुचित सुधारणा करण्याची बाब शासनाच्या विचाराधीन होती.

        शासन निर्णय

१. उपरोक्त वाचा मधील अनुक्रमांक ३ समोर नमूद शासन निर्णय याद्वारे दि.१ ऑगस्ट, २०२५ पासून अधिक्रमित करण्यात येत आहे.

२. महाराष्ट्र कोषागार नियम, १९६८ खंड २ मधील परिशिष्ट १२ सोबतच्या जोडपत्रान्वये विहित करण्यात आलेला अंतिम वेतन प्रमाणपत्राचा नमुना या शासन निर्णयाद्वारे सुधारित करण्यात येत असून, तो या शासन निर्णयासोबतच्या जोडपत्र “अ” प्रमाणे असेल. सदर सुधारित नमुना दि. १ ऑगस्ट, २०२५ पासून अंमलात येईल.
३. अंतिम वेतन प्रमाणपत्राच्या सुधारित नमुन्यामध्ये संबंधित अधिकारी / कर्मचाऱ्याला देण्यात आलेली वेतनवाढ, देय असलेली पुढील वेतनवाढ, ना विभागीय चौकशी व ना मागणी प्रमाणपत्राच्या अंतर्गत आवश्यक असलेली माहिती, वसूली असल्यास वसूलीचा तक्ता, शासकीय कामासाठी घेतलेली परंतु समायोजित न केलेली अग्रिमाची रक्क्म तसेच प्रदानाच्या तपशीलामध्ये संबंधित अधिकारी / कर्मचाऱ्याची अधिकची माहिती, या बाबी समाविष्ट असतील.

४. सेवार्थ प्रणालीतून अंतिम वेतन प्रमाणपत्र संस्करित करण्यासाठी तसेच नियमोचित अंतिम वेतन प्रमाणपत्र प्रणालीद्वारे प्रत्यक्ष तयार (Generate) होण्यासाठी, कार्यालयाच्या लेखा शाखेच्या सोबतच आस्थापना / प्रशासन शाखेतील संबंधित अधिकारी / कर्मचारी सुद्धा जबाबदार असणार आहेत. ज्या बाबी (जसे ना विभागीय चौकशी व ना मागणी प्रमाणपत्र, जडसंग्रहाचा तपशील, रजेचा तपशील इत्यादी) आस्थापना / प्रशासन शाखेशी निगडीत आहेत, त्या बाबींकरीता आस्थापना / प्रशासन अधिकाऱ्यांनी अचूक व अद्ययावत माहिती सेवार्थ प्रणालीमध्ये नोंदविणे अनिवार्य राहील.

५. अंतिम वेतन प्रमाणप्रत्राच्या नमुन्यामध्ये करण्यात आलेल्या सदर सुधारणेच्या अनुषंगाने सेवार्थ प्रणालीमध्ये समुचित विकसन करुन घेण्यास संचालक, लेखा व कोषागारे, महाराष्ट्र यांना प्राधिकृत करण्यात येत आहे. त्याचप्रमाणे सर्व संबंधित वापरकर्त्यांसाठी समुचित मार्गदर्शक पुस्तिका (User Manual) तयार करुन ते सेवार्थ प्रणालीवर उपलब्ध करुन देण्याची कार्यवाही देखील संचालक, लेखा व कोषागारे, महाराष्ट्र यांनी करावी.

६. सेवार्थ प्रणालीमधून अंतिम वेतन प्रमाणपत्र तयार करण्यासंदर्भातील सविस्तर कार्यपध्दती उपरोक्त वाचा मधील अनुक्रमांक ४ समोर नमूद शासन निर्णयान्वये विहित करण्यात आली असून ती यापुढील काळात देखील अनुसरण्यात येईल.

७. प्रस्तुत शासन निर्णयास अनुसरुन महाराष्ट्र कोषागार नियम, १९६८ मध्ये समुचित सुधारणा यथावकाश करण्यात येतील.

८. प्रस्तुत शासन निर्णय सामान्य प्रशासन विभाग यांनी त्यांच्या अनौपचारीक संदर्भ क्र. १५/२०२५, दि.२३ जून २०२५ तसेच महालेखापाल१ (ले. व अ.) महाराष्ट्र, मुंबई यांनी त्यांच्या खवि/चा-१/वित्त विभाग/युओआर७२/२०२५-२६/५२५, दि. १० जुलै, २०२५ अन्वये दिलेल्या मान्यतेस अनुसरुन त्यांच्या सहमतीने निर्गमित करण्यात येत आहे.

सदर शासन निर्णय महाराष्ट्र शासनाच्या www.maharashtra.gov.in या संकेतस्थळावर उपलब्ध करण्यात आला असून त्याचा संकेताक २०२५०७२५१७३६००२२०५ असा आहे. हा आदेश डिजीटल स्वाक्षरीने साक्षांकित करुन काढण्यात येत आहे.

महाराष्ट्राचे राज्यपाल यांच्या आदेशानुसार व नावाने.

शासन निर्णय पीडीएफ मध्ये प्राप्त करा या ओळीला स्पर्श करून

शासनाचे उप सचिव

महाराष्ट्र शासन वित्त विभाग शासन निर्णय क्र. संकीर्ण २०२५/प्र.क्र.३२/२५/कोषा.प्रशा.५ मंत्रालय, मुंबई

        जोडपत्र "अ"

    अंतिम वेतन प्रमाणपत्र

जिल्हाः
दिनांक:
क्रमांकः

१. श्री/श्रीमती …………………………………………..
-विभाग यांचे अंतिम वेतन प्रमाणपत्र. ते / त्या ……………………………….
आहरण व संवितरण अधिकारी सांकेतांक क्रमांक ……………………. या कार्यालयात जात आहेत.
२. त्यांना – पर्यंत खालील दराने वेतन देण्यात आले आहे.

३. त्यांचा भविष्य निर्वाह निधी खाते क्रमांक / राष्ट्रीय निवृत्तीवेतन योजना खाते क्रमांक- …………………………… त्यांचे खाते महालेखापाल, ……………………….. / ……………… आले आहे. -/असून, यांच्याकडून ठेवण्यात आले आहे

४. त्यांनी …………… पदाचा कार्यभार दिनांक- ………………. रोजी मध्यान्हपूर्व / मध्यान्होत्तर सोपविला आहे.
५. रकमांची वसूली पुढील पृष्ठावर तपशीलवार दिल्याप्रमाणे शासकीय कर्मचा-यांच्या वेतनातून करावयाची आहे.
६. खालील तपशीलवार दिल्याप्रमाणे त्यांना रजा वेतन देण्यात आले आहे.

कालावधी दर रक्कम

पासून पर्यंत दरमहा रुपये

त्यांना देण्यात आलेल्या रजा वेतनातून खाली नमूद केल्याप्रमाणे वजाती करण्यात आल्या आहेत.

पासून पर्यंत करिता रुपये

७. महालेखापालांचे प्राधिकरण क्रमांक. दिनांक अन्वये त्यांना खालील रक्कमांचे पर्यंत करण्याचा हक्क आहे.
८. त्यांना नियमानुसार पदग्रहण अवधी घेण्याचाही हक्क आहे.
९. चालू वर्षाच्या प्रारंभापासून आजपर्यंत त्यांच्याकडून वसूल करण्यात आलेल्या आयकराचा तपशील पुढील पृष्ठावर नमूद केला आहे.

१०. त्यांचे खाली नमूद केलेले आयुर्विमा महामंडळाचे विमापत्र / विमापत्रे महालेखापालांच्या प्राधिकरपत्र क्रमांक दिनांक अन्वये सर्वसाधारण भविष्य निर्वाह निधीमधून भरले जाते/ भरली जातात

११. चालू वर्षात कार्यमुक्त दिनांकापर्यंत. नैमित्तिक रजा शिल्लक आहेत. नैमित्तिक रजा उपभोगल्या असून

१२. दिनांक पासून गट विमा योजना १९८२ चे सदस्य असून त्या संदर्भातील तपशील खालीलप्रमाणे आहे.

१३. मागील वेतनवाढ दिनांक ……………. अन्वये प्रदान करण्यात आलेली आहे. पुढील वेतनवाढ दिनांक- ……. रोजी आहे.

१४. त्यांच्या कार्यालयाने पुरविलेली परंतु त्यांनी परत न केलेल्या प्रकाशाने व जडसंग्रह वस्तूंचा तपशील खालीलप्रमाणे आहे.
अ) प्रकाशनाचे नाव……………………. मूल्य रुपये
ब) साहित्याचे / जडसंग्रह वस्तूचे नाव / तपशील ………… मूल्य रुपये

१५. ना विभागीय चौकशी व ना मागणी प्रमाणपत्र
(अ) प्रमाणित करण्यात येते की, …………. दि. …………….. झाल्यामुळे /संवर्गातील श्री. श्रीमती ………… या कालावधीत कार्यरत होते / आहेत. दि. हे या कार्यालयात दि. रोजी बदली / पदोन्नती कारणामुळे कार्यमुक्त होत / झाले आहेत.
अ श्री. / श्रीमती. यांच्या विरूध्द वरील कालावधीत विभागीय चौकशी प्रस्तावित / प्रलंबित आहे / नाही.
आ) श्री. / श्रीमती यांच्या विरूध्द या कार्यालयातून कार्यमुक्त होणाऱ्या दिनांकापर्यंत इतर विभागांमध्ये सुरू झालेल्या विभागीय चौकशीचे ज्ञापन प्राप्त आहे/नाही.
(ब) श्री/श्रीमती यांच्याकडून कोणत्याही स्वरुपाच्या शासकीय रकमांची वसुली करावयाची शिल्लक आहे/ नाही, असल्यास

१६. रजा वेतन अंशदान व निवृत्ती वेतन अंशदान भरणा केल्याच्या नोंद (स्वीयेत्तर सेवेतील कार्यालयांकरित
अ. रजावेतन अंशदान –
पासून पर्यंत करिता रुपये धनादेश क्र दि.
पासून पर्यंत करिता रुपये धनादेश क्र दि.

आ. निवृत्तीवेतन अंशदान –
पासून पर्यंत करिता रुपये धनादेश क्र दि.
पासून पर्यंत करिता रुपये धनादेश क्र दि.

१७. प्रलंबित वसुलीचा तपशील
१. वेतनाची आगाऊ रक्कम रुपये कोषागाराचे प्रमाणक क्रमांक महिना प्रधानशिर्ष
कोषागाराचे प्रमाणक क्रमांक
२. स्थानांतरण प्रवास भत्याची आगाऊ रक्कम रुपये
३. सर्वसाधारण भविष्य निर्वाह निधी आगाऊ रक्कम रुपये
४. शासकीय निवासस्थानाच्या भाउयाची थकबाकी
५. शासकीय कामासाठी घेतलेली परंतु समायोजीत न केलेली रक्कम
६. इतर वसुली

१८. प्रदानाचा तपशील (या ठिकाणी सेवार्थ प्रणालीतून अदा केलेली सर्व वेतनविषयक माहिती समाविष्ट केली जाईला
कर्मचाऱ्याचे नावः
सेवार्थ आयडी
जन्मदिनांक
सेवानिवृत्ती दिनांक
सद्याची वेतनश्रेणी :-

प्रति,
१) श्री श्रीमती
२) बदलीनंतरचे संबंधित कार्यालय
टिप:-
१. अंतिम वेतन प्रमाणपत्रातील माहिती कार्यालयप्रमुखाने / आहरण व संवितरण अधिकारी यांनी भरावी. त्याशिवाय ज्यावेळी शासकीय कर्मचाऱ्याची बदली एका लेखा परीक्षा मंडळातून दुसन्या मंडळात करण्यात येईल त्यावेळी, चदलीनंतर ज्या लेखा अधिका-याकडून त्याचा सर्वसाधारण भविष्य निर्वाह निधी लेखा ठेवण्यात येणार असेल त्या लेखा अधिका-याचे नाव कार्यालय प्रमुखाने / आहरण व संवितरण अधिकारी यांनी नमूद करावे.
२ महाराष्ट्र नागरी सेवा (पदग्रहण अवधी, स्वोयेतर सेवा आणि, निलंबन, बडतर्फी च सेवेतून काढून टाकणे यांच्या काळांतील प्रदाने) नियम, 1981 च्या नियम ४४अनुसार निवृत्ती वेतन आणि रजावेतन यांची अंशदाने प्रदान करण्याची शासकीय कर्मचा-यांची प्राथमिक जबाबदारी आहे. ज्या प्रतिनियुक्ती कार्यालयांनी रजा वेतन व निवृत्ती बेतन अंशदान शासनास भरणे आवश्यक आहे. त्या प्रतिनियुक्तीच्या कार्यालयांमार्फत ते शासनाला भरण्यात आले असल्याचे संबंधित आहरण व संवितरण अधिकारी / प्रशासकीय अधिकारी यांनी प्रमाणित करावे, अंतिम वेतन प्रमाणपत्रातील सर्व माहिती भरण्याची जबाबदारी कार्यालय प्रमुख व संबंधित आहरण व संवितरण अधिकारी /प्रशासकीय अधिकारी यांची राहील सर्व प्रकारची शासकीय वसूली) अग्रीमे, व्याज, अतिप्रदाने. निवासस्थानासंबंधी वसुली व इतर प्रकारची शासकीय वसुली, रजा वेतन व निवृत्तीवेतन अंशदान यांच्या अंतिम वेतन प्रमाणपत्रात उचित नोंदी घेणे बंधनकारक आहे.

antim vetan pramanpatra sudharit namuna