Shikshak Badli Durgam Bhagatun Sugam Bhagat GR
क्रमांक. जिपब-११२५/प्र.क्र.१४/आस्था-१४
दिनांक:- ५ मार्च, २०२५
विषय :- सन २०२५ च्या जिल्हांतर्गत बदल्यासाठी अवघड क्षेत्र घोषित करणेबाबत.
संदर्भः – मे. विन्सीस आय. टी. सर्व्हिसेस प्रा.लि, पुणे यांचे दि.३.३.२०२५ रोजीचे पत्र.
महोदय,
उपरोक्त विषयाबाबत संदर्भाधिन पत्राच्या अनुषंगाने खालीलप्रमाणे कार्यवाही करण्याबाबत आपणांस कळविण्यात येत आहे :-
१) दि.१८.६.२०२४ रोजीच्या शासन निर्णयातील तरतुदीनुसार अवघड क्षेत्रातील शाळांची यादी दर ३ वर्षांनी मार्च महिन्यात पुनर्विलोकन करुन सुधारित करण्याची तरतुद आहे. यापूर्वीची अवघड क्षेत्राची यादी सन २०२२ मध्ये सुधारित करण्यात आली असल्यामुळे सन २०२५ च्या जिल्हांतर्गत बदली प्रक्रियेकरीता सद्यःस्थितीत सन २०२५ स्थित अवघड क्षेत्राची सुधारित यादी प्रसिध्द करणे आवश्यक आहे.
२) त्यानुसार सन २०२५ स्थित अवघड क्षेत्राची सुधारित यादी १५ मार्चपर्यंत घोषित करण्याबाबत सर्व मुख्य कार्यकारी अधिकारी, जिल्हा परिषदांनी कार्यवाही करावी. या कालावधीत अवघड क्षेत्राची सुधारित यादी घोषित न केल्यास सन २०२२ ची अवघड क्षेत्राची यादी ग्राह्य धरण्यात येईल. तथापि, याबाबत काही प्रश्न उपस्थित झाल्यास त्याची जबाबदारी संबंधित जिल्हा परिषदेची राहील.
तसेच अवघड क्षेत्राची यादी सुधारित करताना संवादछायेचा प्रदेश (Communication Shadow Area) हा केवळ महाप्रबंधक, बीएसएनएल यांच्या अहवालानुसार ग्राह्य न धरता अशा ठिकाणी अन्य कंपन्यांचे Network उपलब्ध आहे का, हे देखील तपासावे. (उदा Jio, Airtel, Vodafone-Idea)
३) सन २०२५ स्थित अवघड क्षेत्राची सुधारित यादी १५ मार्चपर्यंत घोषित झाल्यानंतर याबाबतची माहिती ऑनलाईन पोर्टलवर भरण्याकरीता ८ दिवसांची मुदतवाढ देण्यात येत आहे.
Circular pdf Copy Link
कक्ष अधिकारी, महाराष्ट्र शासन
महाराष्ट्र शासनग्रामविकास विभाग,फोर्ट, मुंबई
प्रति,
१) मुख्य कार्यकारी अधिकारी, जिल्हा परिषद (सर्व),
२) मे. विन्सीस आय.टी. सर्व्हिसेस प्रा.लि, पुणे.
Also Read 👇
Shikshak Badli Durgam Bhagatun Sugam Bhagat GR
Transfer of Teachers from remote areas to accessible areas
महाराष्ट्र शासन
ग्रामविकास विभाग, बांधकाम भवन, मुंबई
क्रमांक. जिपब-११२५/प्र.क्र.१४/आस्था-१४
दिनांक :- २८ फेब्रुवारी, २०२५.
विषय :- जिल्हा परिषद शिक्षकांच्या जिल्हांतर्गत बदल्यांसाठी अवघड क्षेत्रातील सेवा कालावधी गणना करताना येत असलेल्या अडचणींविषयी द्यावयाच्या मार्गदर्शनबाबत.
संदर्भ:- आपले पत्र क्र. ठाजिप/प्राथ/शिक्षण/नियो ७-वशी/२०/६२१, दि.१३.१.२०२५.
महोदय,
उपरोक्त विषयाबाबत संदर्भाधिन पत्रान्वये शासनास सादर केलेल्या प्रस्तावाच्या अनुषंगाने आपणांस खालीलप्रमाणे कळविण्यात येत आहे :-
१) मुद्दा क्र. १ व २: अवघड क्षेत्रातील शाळा सर्वसाधारण क्षेत्रामध्ये समाविष्ट झाल्यास, त्यापूर्वी एखाद्या शिक्षकाने अवघड क्षेत्रातील शाळेमध्ये केलेली सेवा ही अवघड क्षेत्रातील सेवा समजण्यात यावी व सदर अवघड क्षेत्रातील कालावधी खंडीत सेवा धरुन या शिक्षकांच्या सर्वसाधारण क्षेत्रातील बदलीबाबत कार्यवाही करावी.
२) मुद्दा क्र. ३ व ४: विभागाच्या दि.१८.६.२०२४ रोजीच्या शासन निर्णयातील तरतुदी स्वयंस्पष्ट असून त्यानुसार कार्यवाही करण्यात यावी.
आपली,
कक्ष अधिकारी, महाराष्ट्र शासन
प्रति,
मुख्य कार्यकारी अधिकारी, जिल्हा परिषद, ठाणे.
Also Read 👇
महाराष्ट्र शासन
ग्राम विकास विभाग,
मुंबई
क्रमांक : न्यायाप्र-२०२४/प्र.क्र. १०५/आस्था-१४
प्रति,
मे. विन्सीस आय टी सर्विसेस प्रा. लि., पुणे.
दिनांक:- ३१ मे, २०२४.
विषय : रिट याचिका क्र. ५२५८/२०२३ व अन्य याचिंकामध्ये मा. उच्च न्यायालय, नागपूर यांनी दि. ४.१२.२०२३ रोजी पारित केलेल्या आदेशान्वये याचिकाकर्त्या शिक्षकांना दुर्गम भागातून सुगम भागात बदली मिळणेबाबत
संदर्भ : १) शासनाचे समक्रमांकीत दि. १५.५.२०२४ रोजीचे पत्र.
Online Transfer of z P Teachers from remote areas to accessible areas
महोदय,
२) आपली दिनांक २१.५.२०२४ व दि. २९.५.२०२४ रोजीची पत्रे.
उपरोक्त संदर्भ क्र. २ वरील आपल्या पत्रान्वये उपस्थित केलेल्या मुद्यांच्या अनुषंगाने नमूद करण्यात येते की, यातील मुद्दा क्र. १ (server availability) व २ (Renewal of SMS and email work order) बाबत (शिक्षक ऑनलाईन बदली पोर्टल सुरू करण्यासाठी लागणारे हार्डवेअर आणि त्याच्यासाठी येणारा एकूण १ वर्षासाठीचा खर्च) यानुषंगाने विभागाच्या स्तरावर कार्यवाही करण्यात येत असून याबाबत आपणास कळविण्यात येईल. दरम्यान, शिक्षक ऑनलाईन बदल्यांसाठी सर्वर अनुषंगिक बाबींची पूर्तता करून तात्काळ पोर्टल सुरू करण्याची कार्यवाही करावी तसेच जिल्हा परिषद अमरावती करिता तात्काळ पोर्टल उपलब्ध करून द्यावे. सदर बाब तातडीची समजण्यात यावी. तसेच मुद्दा क्र. ३ व ४ बाबत जिल्हा परिषद, अमरावती यांचेकडून तातडीने माहिती उपलब्ध करून घ्यावी. जिल्हा परिषद, अमरावती यांना आवश्यक सूचना देण्यात येत आहेत. तसेच मुद्दा क्र. ५ बाबत सध्या फक्त अमरावती जिल्हा परिषदेसाठी पोर्टल सुरू करण्याच्या सूचना आपणास संदर्भीय क्र. १ वरील पत्रान्वयेच देण्यात आलेल्या आहेत. त्यानुसार कार्यवाही करावी.
आपला
(नितीन स. पवार)
कक्ष अधिकारी, महाराष्ट्र शासन
प्रतः- १. मुख्य कार्यकारी अधिकारी, जिल्हा परिषद, अमरावती यांना कळविण्यात येते की, मे. विन्सीस आय टी. कंपनीचे दि. २१.५.२०२४ रोजीचे पत्र सोबत जोडले असून यातील मुद्दा क्र. ३ व ४- शिक्षक ऑनलाईन बदल्यांसाठी आवश्यक माहिती तात्काळ संबंधित कंपनीस उपलब्ध करून देण्यात यावी. तसेच सदर कंपनीशी संपर्क करून जिल्हांतर्गत बदल्यांबाबतीच प्रक्रीया तात्काळ
राबविण्यात यावी.
२. निवड नस्ती- आस्था-७