इयत्ता २ री, ३ री, ४ थी शिक्षकांसाठी नवीन अभ्यासक्रमानुसार प्रशिक्षण आयोजित करणेबाबत Organizing Training For Teachers As Per New Curriculum शिक्षकांसाठी नवीन अभ्यासक्रमानुसार प्रशिक्षण

Organizing Training For Teachers As Per New Curriculum

जा.क्र. E:२७६४८०३/अविवि/SE/२०२६/

दिनांक- ०९/०४/२०२६

प्रति,

उपसंचालक, प्रादेशिक विद्या प्राधिकरण (सर्व) प्राचार्य, जिल्हा शिक्षण व प्रशिक्षण संस्था. (सर्व)

विषयः इयत्ता २ री, ३ री, ४ थी शिक्षकांसाठी नवीन अभ्यासक्रमानुसार प्रशिक्षण आयोजित करणेबाबत. (STATE TOT/ राज्यस्तर TOT साठी जिल्हास्तर सुलभकांची नावे कळविणेबाबत)

संदर्भः शासन निर्णय क्रमांक-२०२५/प्रक्र.९४/एस.डी.४ दि.१४/०७/२०२५

उपरोक्त विषयान्वये कळविण्यात येते की, संदर्भाधिन शासन निर्णयान्वये सन २०२५-२६ पासून राज्यात नवीन अभ्यासक्रमाची अंमलबजावणी टप्प्याटप्प्याने करण्यात येत आहे. त्यानुसार राज्यातील इ. २ री, ३ री, ४ थी वर्गांना शिकविणाऱ्या शिक्षकांना नवीन अभ्यासक्रम अंमलबजावणीच्या अनुषंगाने प्रशिक्षण देणे प्रस्तावित आहे.

शैक्षणिक वर्ष दि. १५ जून २०२६ पासून सुरु होणार असलेमुळे त्यापुर्वी नवीन अभ्यासक्रम लागू होणाऱ्या वर्गाच्या शिक्षकांचे प्रशिक्षण पूर्ण होणे आवश्यक आहे. इयत्ता दुसरी, तिसरी, चौथी च्या सर्व शिक्षकांच्या प्रशिक्षणासाठी राज्यस्तर, जिल्हास्तर व तालुकास्तर प्रशिक्षण नियोजन पुढीलप्रमाणे करण्यात आलेले आहे.

A. प्रशिक्षणाचे माध्यम व प्रशिक्षण स्तर-

प्रस्तुत शिक्षक प्रशिक्षण मराठी, उर्दू माध्यमाच्या शिक्षकांसाठी स्वतंत्रपणे आयोजित करण्यात येईल. अन्य माध्यमांना मराठी माध्यमांसोबत सामावून घेतले जाईल. उर्दू माध्यमासाठी राज्यस्तर व जिल्हा स्तर असे दोनच स्तर असतील तर मराठीसोबत अन्य माध्यमांसाठी प्रशिक्षण राज्यस्तर, जिल्हास्तर व तालुकास्तर अशा क्रमाने आयोजित करण्यात यावे.

B. प्रशिक्षण कालावधी व वेळापत्रक-

प्रत्येक वर्गात अपेक्षित विषयांच्या निर्धारित तासिका पूर्ण होण्यासाठी दुसरीसाठी ०३ दिवसांचा आणि तिसरी व चौथीसाठी ०४ दिवसांचा प्रशिक्षण कालावधी निश्चित करण्यात आलेला आहे.

क्र इयत्ता दुसरी, तिसरी आणि चौथी प्रशिक्षण स्तर

माध्यम

नियोजित कालावधी

१ राज्यस्तर ToT

मराठी व अन्य

४ ते ७ मे २०२६

३ जिल्हास्तर TOT

मराठी व अन्य

११ ते १४ मे २०२६

५ तालुकास्तर प्रशिक्षण

मराठी व अन्य

१८ ते ३० मे २०२६

२ राज्यस्तर ToT

उर्दू

४ ते ७ मे २०२६

४ जिल्हास्तर प्रशिक्षण

उर्दू

११ ते ३० मे २०२६

इ. २ री साठी एक दिवसाचा कालावधी कमी असला तरी वरीलपैकी ToT प्रशिक्षण सुरु होण्याची दिनांक समान राहील. इ.२ री साठी प्रशिक्षण समाप्ती एक दिवस अगोदर होईल.

C. प्रशिक्षण घटकसंच व वाचन साहित्यः

प्रशिक्षक / सुलभक यांचेसाठी मराठी माध्यमाचे प्रशिक्षण घटकसंच जिल्हा स्तरापर्यंत (जिल्हा मुख्यालयाच्या तालुका वाहतूकीसोबत) वितरित करण्यात येतील. उर्दू माध्यमाचे घटकसंच राज्यस्तर ToT वेळी वितरित करण्यात येतील. वाचन साहित्य म्हणून पायाभूत शिक्षण अभ्यासक्रम २०२४ (भाग-१ व भाग-२) यांच्या प्रती सन २०२५-२६ मध्ये शाळांना पुरविण्यात आलेल्या आहेत. शालेय शिक्षण अभ्यासक्रम व पाठ्यक्रम इयत्ता तिसरी (भाग-१ व भाग-२) तसेच इयत्ता चौथी (भाग-१ व भाग-२) प्रत्येक शाळेसाठी एक संच तालुका स्तरापर्यंत पोच करण्यात येत आहे. त्याचे वितरण शाळा स्तरापर्यंत होईल याची दक्षता घ्यावी व प्रशिक्षणास येताना त्याची प्रत सोबत आणणेबाबत प्रशिक्षणार्थी यांना कळवावे. मराठी माध्यमातील अभ्यासक्रमाची प्रत सर्व माध्यमाच्या शाळांना पुरविण्यात येईल. अभ्यासक्रमाचा एक संच जिल्हा शिक्षण व प्रशिक्षण संस्था स्तरावर ठेवण्यासाठी जिल्हा मुख्यालयाच्या तालुका वाहतूकीसोबत पाठविण्यात येईल.

D. प्रशिक्षणार्थी व सुलभक-

जिल्हास्तर व तालुकास्तर प्रशिक्षण आयोजनाची जबाबदारी संबंधित जिल्हा शिक्षण व प्रशिक्षण संस्था DIET यांची राहील. माध्यमनिहाय प्रशिक्षणार्थी संख्या व तपशीलवार नियोजन सोबत जोडलेले आहे. प्रशिक्षण घेणाऱ्या शिक्षकांच्या एकूण संख्येनुसार ६० प्रशिक्षणार्थ्यांचा एक वर्ग याप्रमाणे आवश्यक बॅचेस तयार करण्यात आलेल्या आहेत. त्यानुसार प्रशिक्षण स्थळ व तज्ज्ञांची निवड करावी व अन्य पूर्वतयारी करावी.

उर्दू माध्यमांसाठी तालुकास्तरावर वर्गासाठी पुरेशी संख्या होऊ शकत नसल्याने त्यांचेसाठी राज्यस्तर व जिल्हास्तर असे दोनच टप्पे असतील. संख्येनुसार वर्ग पूर्ण होण्यासाठी काही ठिकाणी एकापेक्षा अधिक जिल्ह्याचे प्रशिक्षण नियोजन एकत्र दिलेले आहे. सदर प्रशिक्षण ज्या जिल्ह्यात असेल त्या DIET मार्फत सदर प्रशिक्षणाचे आयोजन होईल.

प्रशिक्षणार्थी संख्या, उपलब्ध सुलभक संख्या यांनुसार एकापेक्षा जास्त टपप्यांमध्ये प्रशिक्षण पूर्ण करुन घ्यावे. शिक्षकांना जनगणना, मतदार नोंदणी इत्यादी राष्ट्रीय कामकाज सोपविलेले असल्यास त्याचा विचार करुन प्रशिक्षणाचे एक अथवा अधिक टप्प्यांमध्ये नियोजन करावे. तथापि दिलेल्या कालमर्यादेत सर्व शिक्षकांचे प्रशिक्षण पूर्ण होईल याची दक्षता घ्यावी.

E. पर्यवेक्षण व समन्वय-

राज्यस्तर तज्ज्ञांचा जिल्हास्तर व तालुकास्तर प्रशिक्षणासाठी आवश्यकतेनुसार उपयोग करुन घेता येईल. विभागातील प्रशिक्षण परिणामकारक व नियोजनानुसार होत असलेबाबत क्षेत्रीय विद्या प्राधिकरण (RAA) व DIET यांनी समन्वय साधावा. शिक्षणाधिकारी (प्राथमिक/माध्यमिक) यांनी सर्व सहभागी प्रशिक्षणासाठी वेळेत उपस्थित राहतील याबाबत आवश्यक सूचना निर्गमित कराव्यात.

राज्यातील शासकीय व खाजगी अनुदानित शाळांतील शिक्षक प्रशिक्षणासाठी निधीची उपलब्धता झाल्यानंतर आपणास कळविण्यात येईल. खाजगी विना अनुदानित व स्वयंअर्थसहायित शाळांतील शिक्षकांसाठी सदर प्रशिक्षण स्वतंत्रपणे आयोजित करता येईल त्यासाठी कोणतीही आर्थिक तरतूद उपलब्ध असणार नाही.

प्रशिक्षणासाठी प्रशासकीय व आर्थिक तरतूदीबाबत सूचना यथावकाश निर्गमित करण्यात यतील. त्याचप्रमाणे इ.६वी प्रशिक्षणाबाबत स्वतंत्रपणे कळविण्यात येईल.

F. राज्यस्तरीय प्रशिक्षकांचे प्रशिक्षण TOT नियोजन

इयत्ता दुसरी, तिसरी, चौथी नवीन अभ्यासक्रम राज्यस्तरीय प्रशिक्षकांचे प्रशिक्षण (ToT) साठी अपेक्षित संख्या.

प्रशिक्षण

इयत्ता दुसरी

इयत्ता तिसरी व चौथी

राज्यस्तर ToT मराठी माध्यम

१८३

२६८

राज्यस्तर ToT उर्दू माध्यम

१३८

१८०

राज्यस्तरावरील ToT प्रशिक्षणासाठी जिल्ह्याच्या गरजेनुसार (इ.२ री साठी प्रतिवर्ग ३) व (इ. ३ री, ४ थी साठी एकत्रित प्रतिवर्ग ४) या प्रमाणात सुलभकांची संख्या निश्चित करून देण्यात आलेली आहे. त्यानुसार दिलेल्या संख्येच्या मर्यादेत जिल्हास्तर ToT साठी सुलभक यांची निवड आपले स्तरावरुन करण्यात यावी व त्यांची नावे राज्यस्तर TOT साठी या कार्यालयास कळविण्यात यावीत.

राज्यस्तर (ToT) प्रशिक्षकांचे प्रशिक्षणासाठी आपल्या जिल्ह्यासाठी निर्धारित संख्येनुसार राज्यस्तर प्रशिक्षणार्थी (जिल्हास्तर सुलभक) यांची निवड करताना त्यामध्ये, उत्तम प्रशिक्षक कौशल्ये असणारे, अभ्यासक्रम निर्मितीमध्ये सहभागी सदस्य, अनुभवी व्याख्याता, पर्यवेक्षकीय अधिकारी, शिक्षक, अध्यापक विद्यालयातील अध्यापकाचार्य, इ. तज्ज्ञांचा समावेश करावा. राज्यस्तरासाठी निवड करण्यात येणारे प्रशिक्षणार्थी हे जिल्हास्तर (ToT) साठी प्रशिक्षक म्हणून कामकाज करण्यासाठी सक्षम असावेत. ही निवड करताना सर्व विषयांचे तज्ज्ञ समाविष्ट होतील याची दक्षता घ्यावी. तसेच प्रत्येक इयत्तेसाठी DIET मधील किमान एक तज्ज्ञ समन्वयक म्हणून निवड करणे अनिवार्य असेल.

राज्यस्तर ToT मराठी व उर्दू माध्यम जिल्हानिहाय अपेक्षित संख्या तपशील सोबत लिंक मध्ये संलग्न आहे. त्यानुसार सदर प्रशिक्षणासाठी तज्ज्ञांची निवड करुन त्यांना पहिल्या दिवशी सकाळी १० वाजेपर्यंत प्रशिक्षण स्थळी उपस्थित राहणेसाठी कार्यमुक्त करणेबाबत आपले स्तरावरून संबंधितांना आदेशित करावे व ते उपस्थित राहतील याची खात्री करावी.

सदर प्रशिक्षणासाठी उपस्थित प्रशिक्षणार्थी यांना नियमानुसार प्रवास भत्ता अदा करण्यात येईल. त्यासाठी संबंधितांना स्वतःचा UID, PAN, बँक खाते तपशील सोबत घेऊन येणेबाबत कळवावे.

राज्यस्तर प्रशिक्षकांचे (ToT) प्रशिक्षणासाठी निवड करण्यात आलेल्या प्रशिक्षणार्थी यांचा तपशील परिषदेस वरील इमेल पत्त्यावर स्वाक्षरीत आदेश आणि ती नावे यासोबतच्या Speadsheet लिंक मध्ये दिनांक. २० एप्रिल २०२६ पर्यंत अचूक देण्यात यावीत. याव्यतिरिक्त कोणासही सदर राज्यस्तर प्रशिक्षणात सहभागी होता येणार नाही. कोणत्याही परिस्थितीत जिल्ह्याच्या निर्धारित संख्येनुसारच प्रशिक्षणार्थी राज्यस्तरीय प्रशिक्षणास उपस्थित राहतील याची दक्षता घेण्यात यावी. प्रशिक्षण तारखांबाबत संबंधितांना कळवावे.

Spreadsheet for State ToT info.

Digitally signed by

KAMALADEVI SHRIDHAR AWATE

Date: 10-04-2026 18:42:28

(डॉ. कमलादेवी आवटे)

सहसंचालक

राज्य शैक्षणिक संशोधन व प्रशिक्षण परिषद, महाराष्ट्र, पुणे.

Spreadsheet Link-

https://docs.google.com/spreadsheets/d/1x2LeK8Yu5-lIwAYGREkCEPkwq7aRH8Oi5QE0Sq_ES8E/edit?usp=sharing

ALSO READ 👇

Organizing Training For Teachers As Per New Curriculum

जा.क्र. राशैसंप्रपम/अविवि/SE/२०२५/दिनांक- २४/०५/२०२५ 02989

विषयः इयत्ता १ ली च्या शिक्षकांसाठी नवीन अभ्यासक्रमानुसार प्रशिक्षण अंतर्गत, जिल्हास्तर व तालुकास्तर प्रशिक्षण आयोजनासाठी मार्गदर्शक सूचना.

संदर्भः
१. या कार्यालयाचे पत्र क्रमांक- राशैसंप्रपम/अविवि/SE/२०२५/०२८३२ दिनांक. ०९/०५/२०२५
२. समग्र शिक्षा समग्र शिक्षा अंतर्गत २०२५-२६ साठी मंजूर तरतूद ५.६.१ उपक्रम.
३. शासन निर्णय क्रमांक-२०२५/प्रक्र.९४/एस.डी.-४ दि.१६/०४/२०२५

उपरोक्त विषयान्वये कळविण्यात येते की, राज्यामध्ये राष्ट्रीय शिक्षण धोरण २०२० चे अनुषंगाने सन २०२५-२६ पासून नवीन अभ्यासक्रमाची अंमलबजावणी टप्याटप्याने करण्यात येणार आहे. त्यानुसार राज्यातील इयत्ता १ ली च्या शिक्षकांचे पायाभूत शिक्षण अभ्यासक्रम २०२४ अंमलबजावणीसाठी प्रशिक्षणाचे आयोजन करावयाचे आहे. नवीन शैक्षणिक वर्ष दि. १६ जून २०२५ पासून सुरु होणार असल्यामुळे त्यापुर्वी हे प्रशिक्षण पूर्ण होणे आवश्यक आहे. संदर्भ क्र.१ अन्वये राज्यस्तर, जिल्हास्तर व तालुकास्तर प्रशिक्षणाचे नियोजन आपणास कळविण्यात आलेले आहे.

जिल्हास्तर व तालुकास्तर प्रशिक्षणाचे आयोजन परिणामकारक होण्यासाठी जिल्ह्यातील शिक्षणाधिकारी, गट शिक्षणाधिकारी, प्रशासन अधिकारी यांच्या सहकार्याने अंमलबजावणी करुन घेण्याची जबाबदारी उपसंचालक / प्राचार्य, जिल्हा शिक्षण व प्रशिक्षण संस्था यांची राहील. याबाबत पुढील सूचनांचे अनुषंगाने कार्यवाही करावी.

प्रशिक्षणासाठी सर्वसाधारण सूचना-

१. हे प्रशिक्षण शासकीय, स्थानिक स्वराज्य संस्था व खाजगी अनुदानित शाळांमधील सर्व माध्यमांच्या शिक्षकासाठी लागू असेल. तसेच खाजगी विना अनुदानित व स्वयंअर्थसहायित शाळांमधील शिक्षकासाठी स्वतंत्रपणे लागू असेल.

२. जिल्हा व तालुकास्तरासाठी अपेक्षित प्रशिक्षणार्थी संख्या निश्चित करुन देण्यात आलेली आहे त्या मर्यादेतच प्रत्येक घटकास प्रशिक्षण दिले जाईल, प्रत्येक शाळेतून इ.१ली वर्गास शिकविणारे सर्व शिक्षक याचा लाभ घेतील असे नियोजन करावे. त्यानंतरच उपलब्धतेनुसार पुढील वर्षी इ.१ली वर्गास शिकविणाऱ्या शिक्षकांचा यामध्ये समावेश करावा.

३. शाळेत इ.१ली वर्गाच्या जेवढ्या तुकड्या मंजूर असतील त्यांवरील शिक्षकांनाही हे प्रशिक्षण मिळेल असे नियोजन करावे.

४. प्रशिक्षण घेणाऱ्या शिक्षकांच्या एकूण संख्येनुसार ५० प्रशिक्षणार्थ्यांची एक बंच याप्रमाणे बैठक व्यवस्था करावी.

५. प्रत्येक वर्गासाठी कमाल ०३ तज्ज्ञ मार्गदर्शक / सुलभक अनुज्ञेय असतील. जिल्हा अथवा तालुका स्तरावरील प्रशिक्षण एकापेक्षा अधिक टप्प्यामध्ये आयोजित केले जात असेल तर त्यासाठी उपलब्ध सुलभक दुबार वापरता येतील.

६. या प्रशिक्षणाचा कालावधी एकूण ०३ दिवस असून, प्रशिक्षणासाठी दिलेल्या विषयांनुसार एक तासिका ९० मिनिटांची याप्रमाणे दररोज ०४ तासिका होतील.

७. प्रशिक्षणादरम्यान घ्यावयाच्या तासिकांचे नियोजन, व आशय यास्तरावरुन पुरविण्यात येईल. त्यानुसार चर्चा, सादरीकरण, गटकार्य, प्रात्यक्षिक पूर्ण होतील याची दक्षता घ्यावी.

८. प्रशिक्षणार्थी यांचेसाठी पूर्वचाचणी, उत्तरचाचणी आणि अभिप्राय फॉर्म ऑनलाईन स्वरुपात प्रशिक्षार्थी वेळचेवेळो नोंदवतील याची खात्री कराची,

९. प्रशिक्षकांसाठी घटकसंच जिल्हास्तरापर्यंत आणि वाचन साहित्य म्हणून पायाभूत शिक्षण अभ्यासक्रम २०२४ भाग-१ व भाग-२ (प्रत्येक शाळेस एक संच याप्रमाणे) तालुकास्तरापर्यंत पुरविण्यात आलेले आहे. सर्व प्रशिक्षणार्थी यांना आपल्या शाळेस पुरविण्यात आलेला पायाभूत शिक्षण अभ्यासक्रम संच सोबत आणणेबाबत कळवावे.

१०. जिल्हास्तरीय प्रशिक्षण आवश्यकतेप्रमाणे निवासी स्वरुपाचे असू शकेल व तालुकास्तर प्रशिक्षण हे अनिवासी स्वरूपाचे असेल.

११. सदर प्रशिक्षण हे मराठी, उर्दू व इंग्रजी माध्यमाच्या शाळेतील शिक्षकांसाठी स्वतंत्रपणे घ्यावयाचे आहे.

क्र उपक्रम

नियोजित कालावधी

प्रशिक्षण

जिल्हास्तर TOT मराठी माध्यम

२८ ते ३० मे, २०२५

०२ दिवस

२ जिल्हास्तर प्रशिक्षण उर्दू व इंग्रजी

माध्यम०२ ते १५ जून, २०२५

२३ दिवस

३ तालुकास्तर प्रशिक्षण मराठी माध्यम

०२ ते १५ जून, २०२५

०३ दिवस

१२. केवळ मराठी माध्यमासाठी जिल्हा व तालुकास्तर प्रशिक्षणाचे नियोजन असेल.

१३. उर्दू व इंग्रजी माध्यमांसाठी तालुकास्तरावर पुरेशी संख्या होऊ शकत नसल्याने त्यांचेसाठी जिल्हास्तर हा शेवटचा टप्पा असेल. संख्येनुसार वर्ग पूर्ण होण्यासाठी काही ठिकाणी एकापेक्षा अधिक जिल्ह्याचे प्रशिक्षण नियोजन एकत्र दिलेले आहे. सदर प्रशिक्षण ज्या जिल्ह्यात असोन त्या DIET मार्फत सदर प्रशिक्षणाचे आयोजन होईल.

१४. वरिष्ठ व निवड श्रेणी (दि.०२ ते १२ जून) प्रशिक्षणामध्ये काही इ.१ली चे प्रशिक्षणार्थी सहभागी असू शकतील त्यांचेसाठी स्वतंत्र बंच दि. १३ ते १५ जून, २०२५ दरम्यान आयोजित कराबी.

१५. खर्च लेखाशीर्ष (शासकीय व स्थानिक स्वराज्य संस्था यांच्या साठी)-

Samagra Shiksha २०२५-२६

Component: ५.६-Training for In-service Teacher and Head Teachers

Activity: ५.६.१-In-Service Training (Elementary)

Sub Activity: -Teachers Class I to V (Govemment Schools)

१६. खर्च लेखाशीर्ष (खाजगी अनुदानित साठी)

Samagra Shiksha २०२५-२६

Component: ५६-Training for In-service Teacher and Head Teachers

Activity: ५.६.१-In-Service Training (Elementary)

Sub Activity: -Teachers Class I to V (Government Aided Schools)

१७. खर्चाच्या बाबी व निकष (प्रशिक्षण, प्रशिक्षणार्थी व तया मार्गदर्शक यांचेसाठी)

प्रशिक्षण स्तर

खर्च मर्यादा

जिल्हास्तर (निवासी)

रु.१०००/- प्रतिव्यक्ती प्रतिदिन

(प्रशिक्षणार्थी व तज्ज्ञ)

तालुकास्तर (अनिवासी)

रु.१५०/

प्रतिव्यक्ती प्रतिदिन (प्रशिक्षणार्थी व तज्ज)

खर्चाच्या बाबी

बैठक व्यवस्था, स्टेशनरी, प्रमाणपत्र व अनुषगिक खर्च,

उपस्थित प्रशिक्षणार्थी व सुलभकांसाठी २ वेळ चहा, अल्पोपाहार, २ वेळ भोजन निवास व प्रवास खर्च (एकदा येणे व जाणे), यावरील खर्च, सुलभकांना मानधन- रु.५०० प्रतिव्यक्ती प्रतिदिन मार्यदेत,

स्टेशनरी, प्रमाणपत्र व अनुषंगिक खर्च,

उपस्थित प्रशिक्षणार्थी व सुलभकांसाठी- २ वेळ चहा व दुपारचे भोजन यावरील खर्च,

सुलभकांना मानधन- रु.४०० प्रतिव्यक्ती प्रतिदिन मर्यादित.

नेमून दिलेल्या मयदित खर्चाचे नियोजन करावे, दिलेल्या खर्च मरितच एकूण खर्च होईल याची दक्षता घ्यावी

आर्थिक तरतूदीनुसार निधी प्राप्त झाल्यानंतर PFMS/ NEFT च्या माध्यमातून अदा करण्यात येईल.

सर्व खर्च व देयके, अभिलेखे वित्तीय नियमानुसार ठेवली जातील याची दक्षता घ्यावी.

१८. शासकीय व स्थानिक स्वराज्य संस्था यांच्या प्रशिक्षण नोंदी स्वतंत्र व खाजगी अनुदानित प्रशिक्षण नोंदी स्वतंत्र ठेवाव्यात. खर्चाचे लेखाशीर्ष स्वतंत्र आहे. त्यानुसार निधी मागणी व वितरण होईल.

१९. खाजगी विना अनुदानित व स्वयंअर्थसहायित शाळांतील शिक्षकांसाठी सदर प्रशिक्षण स्वतंत्रपणे व मोफत आयोजित करावे त्यासाठी कोणतीही आर्थिक तरतूद उपलब्ध असणार नाही,

२०. दि.१५ जून २०२५ पर्यंत सर्वांचे प्रशिक्षण पूर्ण होईल याची खात्री करावी.

२१. परिणामकारकतेसाठी पायाभूत शिक्षण अभ्यासक्रम २०२४ नुसार नवीन पाठ्यक्रमाचे प्रशिक्षण घेतलेल्या शिक्षकांनाच इ.१लीचा वर्ग अध्यापनासाठी दिला जाईल याची खात्री शिक्षणाधिकारी (प्राथमिक) यांनी करावी.

तरी, आपल्या कार्यक्षेत्रातील इ. १ली इयत्तेस शिकविणाऱ्या प्रत्येक शाळेतील शिक्षकांचे प्रशिक्षण निर्धारित वेळेत पूर्ण केले जाईल याची दक्षता गटशिक्षणाधिकारी, प्रशासन अधिकारी यांनी घ्यावी. प्राचार्य डाएट व शिक्षणाधिकारी (प्राथमिक) यांनी संनियंत्रण करावे.

प्रत, माहितीस्तव सादर

मा. आयुक्त शिक्षण, महाराष्ट्र राज्य, पुणे

मा. राज्य प्रकल्प संबालक, महाराष्ट्र प्राथमिक शिक्षण परिषद, मुंबई.

📂 👉परिपत्रक या ओळीला स्पर्श करून पीडीएफ मध्ये प्राप्त करा

(राहुल रेखावार)
संचालक

राज्य शैक्षणिक संशोधन व प्रशिक्षण परिषद, महाराष्ट्र, पुणे.

Guidelines for organizing district-level and taluka-level training under the new curriculum for class 1 teachers

प्रति,उपसंचालक, प्रादेशिक विद्या प्राधिकरण (सर्व) प्राचार्य, जिल्हा शिक्षण व प्रशिक्षण संस्था. (सर्व) शिक्षणाधिकारी (प्राथमिक) सर्व

Also Read 👇

Organizing Training For Teachers As Per New Curriculum

Organizing Training For Class 1st Teachers As Per New Curriculum

Organizing Training For Std 1st Teachers As Per New Curriculum

Organizing Training For Class 1st Teachers As Per New Curriculum (STATE TOT)

महाराष्ट्र शासन
शालेय शिक्षण व क्रीडा विभाग

राज्य शैक्षणिक संशोधन व प्रशिक्षण परिषद, महाराष्ट्र, पुणे

जा.क्र. राशेसंप्रपम/अविवि/SE/२०२५/०२८३२

दिनांक- ०९/०५/२०२५

विषयः इयत्ता १ लीच्या शिक्षकांसाठी नवीन अभ्यासक्रमानुसार प्रशिक्षण आयोजित करणेबाबत. (STATE TOT)

संदर्भः

१. प्रस्तुत कार्यालयाची मान्य टिपणी दिनांक. ०९/०५/२०२५

२. स्टार्स प्रकल्प आणि समग्र शिक्षा अंतर्गत २०२५-२६ साठी प्रस्तावित उपक्रम.

३. शासन निर्णय क्रमांक-२०२५/प्रक्र.९४/एस.डी.-४ दि.१६/०४/२०२५

उपरोक्त विषयान्वये सादर की. राज्यामध्ये राष्ट्रीय शिक्षण धोरण २०२० अंमलबजावणीचे अनुषंगाने नवीन अभ्यासक्रमाची टप्प्याटप्याने अंमलबजावणी सन २०२५-२६ पासून करण्यात येणार आहे. त्याबाबत दि.१६/०४/२०२५ रोजी शासन निर्णय निर्गमित करण्यात आलेला आहे. त्यानुसार राज्यातील शासकीय व खाजगी अनुदानित शाळांतील इयत्ता १ लीच्या सर्व शिक्षकांचे नवीन अभ्यासक्रम अंमलबजावणीसाठी प्रशिक्षण देणे प्रस्तावित आहे. शैक्षणिक वर्ष माहे जून २०२५ पासून सुरु होणार असलेमुळे त्यापुर्वी हे शिक्षक प्रशिक्षण पूर्ण होणे आवश्यक आहे. इयत्ता १ लीच्या सर्व शिक्षकांच्या प्रशिक्षणासाठी राज्यस्तर, जिल्हास्तर व तालुकास्तर प्रशिक्षण नियोजन पुढीलप्रमाणे आहे.

A. इयत्ता १ ली शिक्षकांच्या नवीन अभ्यासक्रम शिक्षक प्रशिक्षणासाठी विषयांची निवडः

प्रस्तुत शिक्षक प्रशिक्षणासाठी पुढीलप्रमाणे एकूण ७ विषयांची निवड करण्यात आलेली आहे.

1. SCF-FS 2024,
2. मूल्यमापन व IIIPC पार्श्वभूमी व नमुना
3. भाषा शिक्षण 4. गणित शिक्षण 5. कला शिक्षण 6. आरोग्य व शारीरिक शिक्षण 7. कार्यशिक्षण.

B. प्रशिक्षणाचे माध्यमः

प्रस्तुत शिक्षक प्रशिक्षण मराठी, उर्दू व इंग्रजी माध्यमाच्या शिक्षकांसाठी स्वतंत्रपणे आयोजित करण्यात येईल. अन्य माध्यमांना मराठी माध्यमांसोबत सामावून घेतले जाईल.

C. प्रशिक्षणार्थी संख्या व वेळापत्रक-

प्रत्येक वर्गात अपेक्षित विषयांच्या निर्धारित तासिका होण्यासाठी तीन दिवसांचे वेळापत्रक निश्चित केलेले आहे तसेच त्यासोबत महाराष्ट्र स्काऊट व गाईड संस्थेकडून एक दिवसीय बनी प्रशिक्षण देण्यात येईल.

क्र उपक्रम

जिल्हास्तर TOT मराठी माध्यम

जिल्हास्तर प्रशिक्षण उर्दू व इंग्रजी माध्यम

तालुकास्तर प्रशिक्षण मराठी माध्यम

नियोजित कालावधी

२८ ते ३० मे, २०२५

०२ ते १५ जून, २०२५

०२ ते १५ जून, २०२५

प्रशिक्षण

०३ दिवस

०३ दिवस

०३ दिवस

स्काऊट / बनी

०१ दिवस

०१ दिवस

जिल्हास्तर व तालुका स्तर प्रशिक्षण आयोजनाची जबाबदारी DIET यांचेवर असेल. त्यानुसार प्रशिक्षण स्थळ व तज्ज्ञांची निवड करणेबाबत आवश्यक पूर्वतयारी करावी. इ.१ली च्या ज्या शिक्षकांचे दि.०२ ते ११ जून, २०२५ कालावधील निवडश्रेणी प्रशिक्षण आहे त्यांचेसाठी नवीन अभ्यासक्रमाचे प्रशिक्षण दि.१३ ते १५ जून, २०२५ कालावधीत आयोजित करावे.

प्रति,
उपसंचालक, प्रादेशिक विद्या प्राधिकरण (सर्व) प्राचार्य, जिल्हा शिक्षण व प्रशिक्षण संस्था. (सर्व)