Mazi eShala Prakalp

Mazi eShala Prakalp

Mazi eShala Prakalp

Mazi e Shala Prakalp

Mazi e Shala Project

माझी ई शाळा प्रकल्प

राज्यातील शाळांना दिली जाणार तंत्रज्ञानाची जोड

तंत्रस्नेही कडून दिले जाणार शिक्षकांना प्रशिक्षण

आसा राबविला जाणार माझी ई शाळा प्रकल्प

माझी ई-शाळा प्रकल्प : समग्र शिक्षा अभियान व प्रथम इन्फोटेक फाउंडेशनच्या माध्यमातून राज्यातील १० हजार जिल्हा परिषद शाळांमध्ये माझी ई-शाळा हा प्रकल्प राबविण्यात येणार आहे. या प्रकल्पामुळे शाळांना तंत्रज्ञानाची जोड मिळणार आहे.
समग्र शिक्षा अभियान व प्रथम इन्फोटेक फाउंडेशनच्या माध्यमातून १० हजार जिल्हा परिषद शाळांमध्ये माझी ई-शाळा हा प्रकल्प पुढील वर्षीच्या सत्रापासून संपूर्ण महाराष्ट्रभर राबविला जाणार आहे.

माझी ई शाळा या प्रकल्पांतर्गत तंत्रस्नेहींकडून शिक्षकांना प्रशिक्षण देण्यात येणार आहे. तसेच जिल्हा परिषदेच्या शाळांना डिजिटल अध्यापनाचे तंत्रज्ञान ऑफलाइन पद्धतीने शाळांना उपलब्ध करून देण्यात येणार आहे. अशी माहिती प्रकल्पाचे राज्य समन्वयक नीलेश ठाकूर यांनी दिली.

मागील काही दिवसांपूर्वी महाराष्ट्र प्राथमिक शिक्षण परिषदेच्या राज्य प्रकल्प संचालक आर. विमला व प्रथम इन्फोटेक फाउंडेशनचे सीईओ प्रेम यादव यांच्या बैठकीत या संदर्भातील करार झाला आहे. त्यानुसार प्रथम इन्फोटेक फाउंडेशनची यंत्रणा जिल्हा परिषदेच्या शाळांना डिजिटल अध्यापनाचे तंत्रज्ञान ऑफलाइन पद्धतीने उपलब्ध करून देणार आहे. त्यापूर्वी हे तंत्रज्ञान अवगत करण्यासाठी जिल्हास्तरावरील तंत्रस्नेही शिक्षकांना पुणे येथे प्रशिक्षण देण्यात आले. यामध्ये वाशिम, धाराशिव, धुळे, नंदुरबार या जिल्ह्यातील विषय तज्ज्ञ साधन व्यक्तीचा समावेश होता. टप्प्या टप्प्यातील हे सर्व प्रशिक्षण पूर्ण होणार आहे. त्यानंतर त्यांच्या माध्यमातून त्या शाळेतील शिक्षकांना प्रशिक्षित करण्यात येणार आहे.

जिल्हा निहाय ‘माझी ई-शाळा’ प्रकल्पाचे असतील तीन टप्पे

पहिल्या टप्प्यात वाशिम, ठाणे, पालघर, रायगड, पुणे, सिंधुदुर्ग, नंदूरबार आणि धाराशिव या ०८ जिल्ह्यांतील 2000 शाळांमध्ये माझी ई-शाळा प्रकल्प राबविण्यात येणार आहे.

दुसऱ्या टप्प्यात यवतमाळ, अमरावती, चंद्रपूर, गडचिरोली, वर्धा, कोल्हापूर, बीड, हिंगोली, जालना, नांदेड, नाशिक, सोलापूर या १२ जिल्ह्यांत ३४०० शाळांमध्ये माझी ई-शाळा प्रकल्प राबविण्यात येणार आहे.

तिसऱ्या टप्प्यात उर्वरित १६ जिल्ह्यांतील ४६०० शाळांमध्ये माझी ई-शाळा प्रकल्प राबविण्यात येणार आहे.

२०२६-२७ पर्यंत हा प्रकल्प सुरू होणार असल्याचे प्रथम इन्फोटेक फाउंडेशनचे प्रकल्प समन्वयक यांनी सांगितले

‘माझी ई-शाळा’ प्रकल्पाचा राज्यातील १० लाख विद्यार्थ्यांना फायदा

राज्यातील ३६ जिल्ह्यांतील १० हजार शाळांमध्ये ‘माझी ई-शाळा’ प्रकल्पांतर्गत २५ हजार वर्गांना डिजिटल अध्यापनाचा कंटेंटमधून ३० हजार शिक्षकांना डिजिटल अध्यापनाचे कौशल्य देऊन राज्यातील सुमारे १० लाख विद्यार्थ्यांना फायदा होईल.

असा राबविला जाणार माझी शाळा ई शाळा प्रकल्प

अध्यापनात डिजिटल साक्षरता अॅपचा वापर.
शिक्षकांना टीव्ही-प्रोजेक्टरवर शिकविण्याचे प्रशिक्षण दिले जाणार.
त्यानंतर हे अॅप प्रथमच कर्मचारी शाळेत पोहोचून इन्स्टॉल करणार.
शाळेला पासवर्ड दिल्यानंतर तीन वर्षे हा अॅप ऑफलाइन वापरता येईल.